Nesfréttir - 01.08.2021, Side 7

Kórstjórar eru Þorsteinn Freyr Sigurðsson og María Konráðsdóttir,
en þau leiða faglegt starf barnakórsins.
Í Barnakór Seltjarnarneskirkju læra börnin falleg og skemmtileg lög, þau hljóta
söngkennslu, læra tónleikaframkomu ásamt því að efla sjálfstraust í gegnum tónlist,
leik og söng.

Æfingar eru í Seltjarnarneskirkju á þriðjudögum.
1. - 3. bekkur kl 14:30 til 15:15

Kórgjald er 12.000kr fyrir önnina en ákveðið hefur verið að bjóða öllum
börnum á Seltjarnarnesi fyrstu önnina að kostnaðarlausu.

Þorsteinn Freyr Sigurðsson lauk mastersprófi í óperusöng í Tónlistarháskólanum Hanns Eisler Berlín og
starfaði um 3 ár við óperusöng í þýskalandi áður en hann flutti heim, þar sem hann lærði kennslufræði tónlistar
í Listaháskóla Íslands. Þorsteinn hefur stjórnað Barnakór Seltjarnarneskirkju í 3 ár og Drengjakór Reykjavíkur
í 2 ár, ásamt því að kenna söng, þjálfa kóra og sungið á fjölmörgum tónleikum og óperusýningum á íslandi.
María Konráðsdóttir lauk mastersprófi í klassískum söng frá Tónlistarháskólanum í Berlín árið 2018. Á
árunum 2016-2019 starfaði hún sem raddþjálfari og aðstoðaði við kóræfingar hjá Drengjakór Dómkirkjunnar
í Berlín og stúlknakór Söngakademíunnar í Berlín. Árið 2020 hóf hún að bjóða uppá tónlistarnámskeið fyrir
börn á aldrinum 3-7 ára þangað til hún flutti til Íslands í desember sl.
Barnakór Seltjarnarneskirkju býður öll börn í 1. til 6.
bekk velkomin í kórinn. Æfingar hefjast 7. september.
4. - 6. bekkur kl 15:15 til 16:00
Skráningar með nafni barns, fæðingardag og ár, ásamt símanúmeri foreldra, berist í
tölvupósti á barnakor@seltjarnarneskirkja.is fyrir 1. september. Æfingar hefjast 7.
september.