Nesfréttir - 01.08.2021, Síða 13

Nesfrétt ir 13
Enn og aftur breytast hlutirnir hratt og nýjar reglur og upplýsingar
líta dagsins ljós með stuttum fyrirvara, en við erum vongóð og bjartsýn
og höldum okkar striki. Að sjálfsögðu lútum við þeim reglum sem eru í
gangi á hverjum tíma.
KYNNING Á DAGSKRÁ FÉLAGS OG TÓMSTUNDASTARFS ELDRI
BÆJARBÚA FYRIR MÁNUÐINA SEPTEMBER – DESEMBER 2021.
FIMMTUDAGINN 9. SEPTEMBER VERÐUR OPIÐ HÚS Í SALNUM Á
SKÓLABRAUT 3-5, MILLI KL. 13.00 OG 16.00 .
Virðum gildandi sóttvarnarreglur.
Vonandi náum við að halda inni öllum föstu dagskrárliðunum ásamt
því að fara í ferðalög, leikhús, bjóða heim gestum, auka fjölbreytni og
bjóða upp á styttri námskeið og ýmislegt fleira. Þeir sem hafa hugmyndir
af annarskonar námskeiðum eða dagskrá endilega komið þeim á framfæri.
Símanúmer forstöðumanns er 5959147 / 8939800 og netfang er kristin.
hannesdottir@seltjarnarnes.is. Þau Námskeið sem nú þegar eru komin
á blað fyrir veturinn eru: leir, gler, leður og roð, silfursmíði, tálgun og
útskurður ásamt bókbandi og dansi.
Endilega kíkið við á Skólabrautinni fimmtudaginn 9. september milli
kl. 13.00 og 16.00. Starfsmenn og leiðbeinendurnir verða á staðnum og
gefa upplýsingar. Skráning á námskeiðin. Boðið veður upp á kaffi og vöfflur.
Dagskrárblað félags og tómstundastarfsins í heild sinni verður væntan-
lega sent út til allra 65 ára og eldri um mánaðamótin.
Thelma og Birkir þakka fyrir samstarfið í sumar
Félags og tómstundarstarfið hefur gengið með prýði í sumar þó
vissulega hafi ástandið í samfélaginu óneitanlega haft einhver áhrif á
starfsemina okkar. Birkir Kristján og Thelma Hrund leystu Kristínu af í
sumar og einnig var Daði Már að leysa af Halla húsvörð. Framan af sumri
spiluðum við félagsvist, héldum bingó og spiluðum botsía en eftir að
takmarkanir voru settar á að nýju höfum við þurft að sleppa ýmsu en oft
höfum við leyst það með að fara bara í göngutúra í staðinn og labbað um
fallega Nesið okkar. Púttið, leikfimin, handavinnan og aðrir fastir liðir hafa
samt sem áður verið á sínum stað og alltaf góð stemning í húsinu. Farið
var í nokkrar stærri ferðir eins og í Grasagarðinn og Öskjuhlíðina þar sem
gengið var um og sest inná nálæg kaffihús og veitingastaði. Einnig var
farin ein ferð alla leið uppá Eyjafjallajökul þar sem keyrt var upp jökulinn
í sérstakri jöklarútu. Birkir og Thelma þakka kærlega fyrir sig í sumar. Það
var mikil ánægja og heiður að kynnast ykkur öllum!
Þátttakendur í félags og tómstundastarfinu senda þeim Thelmu og Birki
sínar bestu þakkir fyrir góða viðkynningu og ánægjulegt samstarf í sumar.
FÉLAGS- OG TÓMSTUNDASTARF
ELDRI BÆJARBÚA
BÍLAVIÐGERÐIR
GRANDA
FISKISLÓÐ 83 - 101 REYKJAVÍK
S: 562 5999 S: 669 5999