Fréttablaðið - 03.11.2022, Page 18

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jón Þórisson
Sölumenn:
Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654,
Ruth Bergsdóttir, ruth@frettabladid.is, s. 694 4103.
„Mér finnst mjög gaman að klæða
mig í falleg föt og finnst mikil-
vægt að þau séu úr góðum efnum.
Ég held að mamma hafi þar haft
áhrif á mig, því þegar við systk-
inin vorum yngri vildi mamma
alls ekki að okkur væru gefin föt
úr gerviefnum. Ég hef því lært að
elska falleg föt og góð efni frá unga
aldri. Þegar ég kaupi föt sæki ég í
notað, því hér áður fyrr voru flíkur
almennt úr betri efnum. Það getur
verið vandi að finna ný föt í dag
úr góðum efnum og oftast eru þau
mjög dýr,“ segir Ragnheiður Harpa.
„Verslunin What Magna Wore á
Freyjugötunni er ein af uppáhalds
second hand-búðunum mínum.
Ég elska að gramsa þar og kaupa
mér eitthvað fallegt. Magna var
hjúkrunarkona og dáleiðandi
en líklega þekktust fyrir að vera
rosaleg fatakona. Það hafa meira
að segja verið gefnar út bækur
um fötin hennar. Hún er líka með
vinnustofu í búðinni þar sem hún
skapar ýmislegt fallegt.
Amma mín laumar líka til mín
fallegum flíkum hér og þar en hún
er kannski einn af mínum helstu
fatagúrúum. Svo finnst mér æðis-
legt að fara í Hringekjuna í Borgar-
túni en þar eru margar flottar
konur að selja svo falleg föt af sér.
Það er líka mjög margt spennandi
að gerast í íslenskri fatahönnun og
finnst mér skemmtilegt að fylgjast
með því.“
Elskar að klæða mömmubumbu
Ragnheiður Harpa segir fatastíl
sinn hafa breyst töluvert eftir að
hún varð móðir, en hún á tvö ung
börn með maka sínum. „Í dag
snýst fatastíllinn minn um gæði
og föt sem þarf ekki að klæða upp
heldur verða strax falleg. Það hafa
líka orðið breytingar hjá mér í því
hvernig ég klæði líkamann. Áður
en ég eignaðist börn var ég alltaf
tággrönn og þurfti ekki að pæla
jafn mikið. Núna hugsa ég meira
um hvernig ég geti klætt þessa
fallegu mömmubumbu sem mér
þykir svo óskaplega vænt um.
Ég klæðist mikið silkiskyrtum
og flauelspilsum. Núna er ég til
dæmis í silkibuxum frá merkinu
Silk Basics sem systir mín Rakel
Mjöll stofnaði í Covid og hannar
undir. Ég er mikið í fötum frá
henni og tek eftir því að ég sæki
meira í einlitar flíkur heldur en
mynstraðar. Það auðveldar mér
að para saman flíkur og láta þær
vinna saman á ýmsan hátt. Þetta
er hæfileg blanda af praktík og
fegurð, og þó maður sé nú orðið
ætíð með barn á arminum, kann
ég vel að meta að vera í einhverju
fallegu.“
Föt og vellíðan
„Ég elska ull og silki, en silkið
hefur þann undraverða eiginleika
að vera hlýtt þegar það er kalt og
kælandi þegar það er heitt. Að
mínu mati eru föt hluti af tjáningu
mannsins og spila stórt hlutverk í
því að láta þér líða vel. Stórskáldið
Sigurður Pálsson sagðist alltaf hafa
farið í föt á morgnana, jafnvel þótt
hann væri veikur, því það skipti
svo miklu máli að vera í fötum sem
manni liði vel í og þætti falleg.
Ég á auðvitað líka fallega kjóla
sem ég elska að klæða mig í fyrir
ýmis tilefni og viðburði. Flestir
eru líka einlitir og margir koma
frá verslun Mögnu. Einnig nota ég
mikið silkikjólana frá Silk Basics –
en þá er hægt að nota jafnt á balli
og sem náttföt. Ætli það kjarni
ekki svolítið stílinn minn. Fötin
mín eru einföld, falleg, praktísk,
úr góðum efnum og gætu mörg
hver allt eins verið náttföt,“ segir
Ragnheiður Harpa og hlær. „Svo
elska ég fallegar kápur og fallegar
húfur, en það er oftast aðalflíkin
manns á veturna. Ég er mjög mikið
Jóhanna María
Einarsdóttir
jme
@frettabladid.is
Ullin ásamt
silkinu er það
efni sem Ragn-
heiður Harpa
heldur mest
upp á. Hún
hefur líka yndi
af fallegum
kápum og
útiflíkum og á
veturna eru þær
aðalflíkurnar
og fá að skína
skært.
Ragnheiður
Harpa er mjög
hrifin af silki
og notar mikið
úr Silk Basics-
línunni sem
systir hennar
hannar. Þá er
hún hrifin af
einlitum fötum
sem henni þykir
gaman að para
saman á ólíkan
hátt.
Ragnheiður
Harpa á dágott
safn af fallegum
ullarkápum og
húfum sem gera
henni kleift að
klæða kuldann
af sér á einstak-
lega glæsilegan
máta.
úti á gangi með barnavagninn og
elska að klæða mig upp í fallegar
útiflíkur.“
Skapandi staður til að vera á
Ragnheiður Harpa segir skrifin
ávallt hafa verið ákveðna miðju
í sinni sköpun, hvort sem það er
í ritlistarmiðlinum, leikhúsinu
eða öðru sem hún tekur sér fyrir
hendur. „Öll list sprettur upp af
sama stað og svo kemur að því
að verkið sjálft ákveður hvaða
form það vill taka á sig. Ég las
mikið sem barn og það var líka
mikið lesið fyrir mig og ég kláraði
snemma allar ævintýrasögurnar á
bókasafninu. Við systkinin fjögur
vorum líka dugleg við að búa til
leikrit og sögur.
Ég ólst upp í Bandaríkjunum í
spænskumælandi fylki og er enn
í dag nokkuð ringluð í tungumál-
unum. Ég lærði að skrifa seint og
þegar ég kom heim til Íslands kom
ég sem gestur inn í móðurmálið.
Það er í raun mjög skapandi staður
að vera á og það hefur reynst mér
vel að búa yfir þessu gestsauga.
Þegar ég var tvítug fór ég í
sviðslistanám og eftir það fór ég
í ritlistina og fann þar hópinn
minn og samhljóminn. Skrifin
hafa alltaf verið miðja fyrir mig og
ljóðið verið leið fyrir mig til þess
að finna út hvað ég er að gera og
hvers vegna.
Undanfarið hef ég mest verið
að skrifa en það tengist því að
ég er með tvö lítil börn og tíma-
rammanum sem það veitir mér. Ég
fæ glefsur af tíma hér og þar til að
vera með sjálfri mér sem ég nýti
til að skapa og þá getur verið erfitt
að skipuleggja til dæmis leikhús
með öðru fólki. En það er hægt að
skrifa. Það er viðráðanlegur miðill
sem hægt er að leggja frá sér og
taka upp aftur þegar tími gefst.“
Gróðurinn í manneskjunni
Ragnheiður Harpa gaf út ljóða-
bókina Urðarfléttu í síðustu viku.
Bókin inniheldur prósatexta sem
fjalla allir um manneskjuna og
náttúrulegt eðli hennar. „Ég er að
æfa mig í að segja frá henni enda
er ég enn þá að kynnast henni
sjálf. Margir textar í bókinni fjalla
um það að stíga inn í eða út úr
foreldrahlutverkinu og að finna
þannig fyrir ættboganum aftur í
ættir, að finnast maður vera hluti
af einhverju stærra. Ég fann það
mjög sterkt þegar ég var ólétt að
ég væri dýr. Mér fannst ég á vissan
hátt vera að stíga út úr mannleik-
anum og verða hluti af náttúrunni
og á einhverja skrítna vegu fannst
mér ég líka vera eins og mold, sem
upp vex af gróður. Þetta er það sem
bókin fjallar um fyrir mér, það
hvernig gróðurinn og náttúran
birtist í manneskjunni. Í mörgum
textum kemur líka fram hvernig
hið persónulega speglast í heim-
inum stóra og öfugt.
Jurtir tákna eins konar ástand
eða tilfinningar og f létturnar
mynda þar einhvern kjarna sem
tengir mann við náttúruna.
Þetta tekur á sig ýmsar myndir. Í
einum textanum vex eggaldin úr
koki konu sem glímir við kvíða.
Í öðrum kljáist ljóðmælandi við
ótta og það hjálpar honum að
hugsa um fíkjur og hvernig tréð
f léttast.
Það er gaman að segja frá því að
þegar ég skoða fataskápinn minn,
þá sé ég moldina í verkinu. Þar er
mjög mikið brúnt og það hefur
verið mikil haustlitastemning hjá
mér í nokkur ár. Það er áhugavert
að sjá hvernig maður fer í gegnum
tímabil í lífinu, kaflaskiptingu
þess og hvernig það birtist svo í
sköpunarverkunum manns,“ segir
Ragnheiður Harpa að lokum. n
Ætli
það
kjarni ekki
svolítið
stílinn
minn.
Fötin mín
eru ein-
föld, falleg,
praktísk,
úr góðum
efnum og
gætu mörg
hver allt
eins verið
náttföt.
Ragnheiður
2 kynningarblað A L LT 3. nóvember 2022 FIMMTUDAGUR