Fréttablaðið - 03.11.2022, Qupperneq 29

Eitt Sett Sörur
Krem
3 eggjarauður
100 g vatn
100 g sykur
300 g Eitt Sett rjómasúkkulaði
100 g smjör við stofuhita
Botnar
3 eggjahvítur
tsk. salt
50 g sykur
200 g flórsykur
200 g möndlumjöl
Hjúpur
400 g 56% Síríus Barón súkkulaði
HráefniFjöldi 60 kökur
1. Takið smjörið útúr ísskáp svo það nái að mýkjast fyrir skref 4.
2. Byrjið á því að útbúa kremið.
3. Þeytið eggjarauður í hrærivél þar til blandan er orðin létt og ljós. Hitið vatn og sykur í potti
í um 3 mínútur eða þar til sykurinn hefur náð að leysast upp í vatninu. Hellið sykurvatninu
saman við eggjarauðurnar í mjórri bunu og hrærið rólega á meðan. Þeytið þar til blandan
er loftmikil og nánast hvít að lit.
4. Bræðið Eitt Sett súkkulaðið. Hellið því næst súkkulaðibráðinni saman við eggjablönduna í
mjórri bunu og hrærið rólega á meðan. Stoppið reglulega og skafið hliðar skálarinnar með
sleikju svo allt blandist vel saman. Skerið mjúka smjörið í litla bita og þeytið það saman við.
5. Geymið kremið inni í ísskáp í um klukkutíma eða á meðan verið er að útbúa botnana.
6. Kveikið á ofninum og stillið á 175°C, yfir- og undirhita.
7. Setjið eggjahvítur í skál ásamt salti, þeytið þar til blandan freyðir og bætið þá sykrinum út í.
Þeytið þar til stífir toppar myndast.
8. Blandið saman flórsykri og möndlumjöli. Bætið út í eggjahvítublönduna og blandið varlega
saman við með sleikju.
9. Hellið deiginu ofan í sprautupoka með hringlaga stút.
10. Sprautið á smjörpappírsklæddar ofnplötur þannig að hver kaka sé u.þ.b. 4 cm í þvermál,
passið að hafa allavega 2-3 cm bil á milli þeirra svo að þær klessist ekki saman í bakstri.
Bakið í u.þ.b. 12 mín. Leyfið kökunum að kólna.
11. Smyrjið kremi á hverja köku svo það sé kúpt í miðjunni en þynnist út að köntunum. Kælið
kökurnar í stutta stund.
12. Bræðið loks Barón súkkulaði yfir vatnsbaði og hjúpið hverja köku með því að dýfa
kreminu ofan í súkkulaðið. Hér er tilvalið að dunda sér við að tempra súkkulaðið
en ekki nauðsynlegt.
13. Leggið kökurnar á grind á meðan súkkulaðið storknar.
Bakað úr því besta
1/3