Flug : málgagn Flugmálafélags Íslands - 01.03.1939, Page 18

SVIFFLUG
Á ÍSLANDI
Eftir Björn Jónsson
Öld eftir öld hefir maðurinn — æðsta vera
jarðlífsins — horft löngunarfullum augum til
fuglsins í loftinu. 1 aldaraðir hefir hann
dreymt um og þráð að geta svifið frjáls yfir
f jöll og dali. I goðsögnum, æfintýrum og kvæð-
um skálda hverrar þjóðar og hverra 'tíma
kemur þessi brennandi þrá fram. En allt kom
fyrir ekki. Maðurinn vár bundinn við jörðina,
heimur loftsins var honum lokaður. Við og við
komu þó fram menn, sem gerðu misjafnlega
vel hugsaðar tilraunir til að lyfta sér frá jörð-
inni, en að mestu leyti árangurslaust.
Maður á í raun og veru bágt með að trúa því
þegar litið er á það stig, sem loftferðir nútím-
ans eru komnar á, að það er ekki fyr en í byrj-
un þessarar aldar, að þessi mikli draumur fer
að rætast.
Forsaga svifflugsins á íslandi hefir verið
eitthvað svipuð og flugsins í heild. Það er
varla til sá drengur eða ungur maður, sem ekki
langar til að fljúga, og þeir sem einhver kynni
höfðu af svifflugi langaði til að feta í fótspor
jafnaldra sinna í Þýzkalandi, föðurlandi svif-
flugsins. Eins og áður eru hér nokkrir, sem
verða á undan fjöldanum. Þeir gera misjafn-
lega vel heppnaðar tilraunir til að smíða og
fljúga á vélalausum flugtækjum. En í ágúst-
mánuði 1936 bindast svo 30 ungir Reykvíking"
ar samtökum og stofna með sér Svifflugfélag
íslands. Hafði málið áður nokkuð verið undir-
búið innan skátafélagsins Væringjar, enda
voru margir stofnendur félagsins skátar. Þess-
ir 30 ungu menn vissu að máttur samtakanna
er mikill og þeir treystu hverjir öðrum. Þeir
lögðu fram nægilegt fé og pöntuðu efni í fyrstu
sviffluguna frá Þýzkalandi ásamt gúmíkaðli
til að hefja hana á loft með. Um næstu ára-
mót er efnið komið og smíðin byrjar. Á hverju
kveldi og á frídögum sínum vinna félagarnir
að smíði vélarinnar og í júnímánuði (1937)
er hún fullsmíðuð. Hún er af þeirri gerð, sem
heitir Grunau 9 og er sérstaklega ætluð fyrir
Minimoa á flugi
Frá einni af fyrstu
æfingum Svifflug-
fe'lagsins í Vatns-
mýrínni.