Fréttablaðið - 25.11.2022, Síða 74

ÞÆTTIR
The Crown
Netflix
Leikstjórn: Jessica Hobbs o.fl.
Handrit: Peter Morgan
Leikarar: Imelda Staunton,
Jonathan Pryce, Dominic West,
Elizabeth Debicki og fleiri
Oddur Ævar Gunnarsson
Dramaþáttaröðin The Crown úr
smiðju Netf lix og handritshöf-
undarins Peter Morgan, er mætt á
streymisveituna í fimmta sinn. Tvö
ár eru síðan síðasta sería kom út og
biðu margir þessarar með óþreyju.
Að þessu sinni fara þau
Imeld a St au nton og
Jonathan Pryce með
hlutverk þeirra Elísa-
betar Bretlands-
d rot t n i ng a r og
Filippusar, í stað
Oliviu Coleman
og Tobias Men-
zies sem fóru með
hlutverkin í þriðju
og fjórðu seríunni.
Þá eru Dominic West
og Elizabeth Debicki
mætt í hlutverk Karls
Bretaprins og Díönu
prinsessu.
Bæði hlutverkin eru
líklega þau mikilvægustu í þetta
sinn, enda hverfist söguþráður
seríunnar um árin 1992 til 1997, eitt
erfiðasta tímabilið í sögu bresku
konungsfjölskyldunnar. Lítið er
hægt að setja út á leikara í seríunni
þó velta megi því upp hvort þeim
Imeldu Staunton og Jonathan Pryce
takist fullkomlega að setja sitt
persónulega mark á hlutverk
sem Claire Foy, Olivia Coleman,
Matt Smith og Tobias Menzies
hefur gengið svo vel að gera að
sínum.
Elísabet er hér mun kunnug-
legri okkur í fimmtu seríunni en
við höfum séð hana áður. Serían
snýst meira og minna um erfitt
hjónaband og skilnað
Díönu og Karls og því
fær Imelda ekkert sér-
lega mikið að gera í
seríunni, ívið minna
en forverar hennar í
hlutverkinu.
Dominic West
er fínn sem Karl,
en helst til of
my ndarleg ur á
meðan Elizabeth Debicki hreinlega
eignar sér seríuna sem svo gott sem
nákvæm eftirmynd Díönu prins-
essu, þannig að allar hreyfingar og
taktar prinsessunnar endurfæðast
á skjánum.
Serían gerist eins og áður segir á
einu erfiðasta tímabili konungsfjöl-
skyldunnar og eru mörkin á milli
þess sem er raunverulegt og þess
sem hefur verið fært í stílinn, mjög
óskýr, rétt eins og rætt hefur verið í
Bíóvarpinu, hlaðvarpi Fréttablaðs-
ins um þættina. Þannig hefur John
Major, einn minnst eftirminnilegi
forsætisráðherra Bretlands, meðal
annars gagnrýnt framleiðendur
fyrir að hafa aldrei haft samband
við sig, en í þáttunum er gengið
út frá nánu vinasambandi
hans og skálduðum
einkasamtölum við
Elísabetu.
Söguþræði þátt-
anna hættir til að
vera helst til of
langdreginn á köfl-
um og stundum
fékk undirritaður
á tilf inninguna að
framleiðendur væru að
draga söguna vísvitandi
á langinn með alls konar
mismikilvægum hliðar-
sporum. n
NIÐURSTAÐA: Fimmta sería af
The Crown er að einhverju leyti
þynnri sería en forverar hennar.
Imelda Staunton fær minni skjá-
tíma á meðan Elizabeth Debicki
ber af sem Díana.
Ótrúlegir Díönu-taktar
og annus horribilis
Imelda Staun-
ton er ekki Um-
bridge lengur,
heldur Elísabet.
Elizabeth Debicki um-
turnast hreinlega
í Díönu.
Ný kvikmyndategund hefur
rutt sér til rúms í hjörtum
landans og það er Netflix-jóla-
myndin. Reyndar hafa þessar
kvikmyndir verið til í áraraðir
undir merkjum Hallmark-
stöðvarinnar og eru þekkt
stærð í bandarísku sjónvarpi.
ninarichter@frettabladid.is
Í myndum af þessu tagi eru sterkir
samnefnarar, svo mjög að það mætti
hugsanlega nota þessa grein sem
bingóspjald. Myndirnar eru með
sérstæða uppbyggingu og eitt meg-
inþema, sem er að sjálfsögðu hátíð
ljóss og friðar. Aðrir mikilvægir
þættir snúa að söguframvindu
og persónusköpun. Í myndum af
þessu tagi er mjög mikið jólaskraut
og kunnuglegir skrautmunir dúkka
gjarnan upp aftur og aftur í mis-
munandi senum.
Einhver leiðinlegur deyr
Það er yfirleitt stöðluð framvinda í
upphafi sögu. Einhver aldraður og
illa skrifaður karakter sem áhorf-
endur þekkja lítið, deyr. Dauðinn
getur líka komið í formi sambands-
slita, uppsagnar eða allsherjar nið-
urlægingar. Yfirleitt er hinn aðilinn
í ónýta sambandinu hræðilegur,
vinnan yfirborðsleg og lítið gef-
andi og niðurlægingin fólgin í van-
þóknun fólks sem áhorfandanum
líkar ekki við. Aðalpersónan okkar
kemur að hrokafulla manninum
sínum með annarri konu, missir
leiðinlegu vinnuna sína sama dag
og lendir óvart á nærbuxunum fyrir
framan fullt af vondu fólki.
Allt í köku
Það er mikilvægt að baka eitthvað
á ögurstundu. Stundum er bakst-
urinn söngur en það gegnir sama
hlutverki. Aðalpersónan er hræði-
legur bakari, en þegar allt veltur á
bakstrinum, eða söngnum, þá tekst
viðkomandi að framleiða eitthvað
stórkostlegt. Baksturs- eða söngva-
keppnin er sigruð og að sjálfsögðu
gerist það fyrir framan nýja róman-
tíska viðfangið.
Hjálparvana stálpaður krakki
Það er alltaf krakki einhvers staðar
í sögunni sem þarf hjálp og það
strax. Í miklum meirihluta tilfella
er þetta systkini eða barn róman-
tíska viðfangsins. Mjög oft er barnið
búið að missa foreldri og á erfitt um
jólin vegna þess. Upprifjunarsenur
með látnu foreldri að gefa spiladós
eða hengja jólaskraut á tré, eru
líka nokkuð fastur liður. Aðalper-
sónan sem hingað til hefur verið
svolítið yfirborðsleg og upptekin af
vinnunni sinni eða hraða borgar-
lífsins, fær hér tækifæri til að þrosk-
ast og verða að betri manneskju, í
tæka tíð fyrir jólin.
Skautasenan
Einhver sem kann ekki á skauta þarf
mjög nauðsynlega að fara á skauta.
Skautunum má skipta út fyrir skíði.
Þegar persónan sem kann hvorki
á skauta né skíði dettur á hausinn,
er klippt yfir í senu af viðkomandi
með teppi og heitan drykk. Per-
sónan þroskast við fallið þó að hún
viti það ekki strax.
Óvænt bónorð
Óvænta bónorðið sem allir bíða
eftir þarf að gerast á f lugvelli eða
lestarstöð. Þetta er klassískt róman-
tískt gamanmyndaminni en í jóla-
myndunum kemur jólamarkaður
einnig til greina, og ekki verra ef
sjálfur jólasveinninn er þarna ein-
hvers staðar á bak við, sem brýtur
fjórða vegginn og blikkar mynda-
vélina. Bónorðið kemur oftast frá
karli sem í upphafi var leiðinlegur
og ómögulegur, en varð svo í raun-
inni svarið við öllum draumum
aðalpersónunnar. Karlinn er mjög
oft tengdur sveitalífinu eða jörðinni
með einhverjum hætti og samband-
ið við hann þroskar aðalpersónuna,
sem í f lestum tilfellum endar á því
að búa með honum úti í sveit, á eyju
eða fjarri ys og þys borgarinnar og
sínum gömlu gildum. n
Ástin á amerískum jólum
og játningar á ögurstundu
Bónorð í amerískri jólamynd kemur oftast frá karli sem í upphafi var leiðinlegur og ómögulegur, en varð svo í
rauninni svarið við öllum draumum aðalpersónunnar. FRÉTTABLAÐIÐ/GETTY
Aðalpersónan er hræðilegur bakari en þegar allt veltur á bakstrinum, eða
söngnum, tekst viðkomandi að framleiða eitthvað stórkostlegt.
Aðalpersónan okkar
kemur að hrokafulla
manninum sínum
með annarri konu,
missir leiðinlegu
vinnuna sína sama dag
og lendir óvart á nær-
buxunum fyrir framan
fullt af vondu fólki.
52 Lífið 25. nóvember 2022 FÖSTUDAGURFRÉTTABLAÐIÐLÍFIÐ FRÉTTABLAÐIÐ 25. nóvember 2022 FÖSTUDAGUR