Fréttablaðið - 22.12.2022, Side 6

ALLT FYRIR
JÓLIN Í EINNI FERÐ
Dróni flýgur yfir úkraínsku höfuðborginni í miðri rússneskri árás sem varð tveimur að bana. FRÉTTABLAÐIÐ/EPA
Úkraínumenn hafa sakað
Rússa um að nota íranska
sjálfsmorðsprengjudróna
í stórfelldri árás á höfuð-
borgina Kænugarð á dög-
unum. Íranir neita að hafa séð
Rússum fyrir slíkum drónum
en Sameinuðu þjóðirnar eiga
enn eftir að sanna gildi þeirra
fullyrðinga.
helgisteinar@frettabladid.is
AlþjóðAmál Úkraínsk yfirvöld hafa
greint frá því að Rússar hafi notað
íranska dróna til að ráðast á innviði
í stórfelldri árás á höfuðborg lands-
ins á dögunum. Herstjórnin í Kænu-
garði segir að rússneski herinn hafi
notað fleiri en 20 dróna í árásinni.
Drónarnir eru kallaðir sjálfs-
morðssprengjudrónar, eða „kami-
kaze-drónar“, í höfuðið á japönsku
Kamikaze-f lugmönnunum sem
flugu vélum sínum af ásettu ráði á
herskip og önnur skotmörk and-
stæðinganna.
Á þeim tíu mánuðum sem liðnir
eru frá því að stríðið hófst hafa
Rússar notað langdrægar eldflaug-
ar og íranska dróna til að ráðast á
orkuinnviði Úkraínu og virðist það
vera nokkuð skýr stefna af hálfu
rússneskra yfirvalda að draga úr
baráttuanda Úkraínumanna með
því að láta íbúa þar frjósa í hel.
Leyniþjónusta Úkraínu segir að
Rússar hafi nýlega þegið sendingu af
drónum frá Íran. Samkvæmt Andrej
Júsov, talsmanni leyniþjónustunn-
ar, hafi nýja sendingin verið tölu-
vert minni en sú sem barst í sumar
þegar Rússar fengu í það minnsta
400 dróna í hendurnar. Rússneski
herinn á að hafa klárar þær birgðir
í október og nóvember á Krímskag-
anum, en árásirnar hættu í tvær til
þrjár vikur sem bendir til hugsan-
legs skorts.
Hossein Amir-Abdollahian, utan-
ríkisráðherra Írans, hefur ítrekað
neitað að þjóð hans standi að því að
útvega Rússlandi dróna til notkunar
gegn Úkraínumönnum en hefur
viðurkennt að drónasendingar hafi
borist til Rússlands „áður en stríðið
hófst“.
Talsmaður úkraínsku leyniþjón-
ustunnar hefur einnig vitnað í fyrri
samninga á milli Rússlands og Írans
hvað varðar langdrægar eldflaugar.
„Hingað til hafa íranskar eld-
f laugar ekki verið notaðar gegn
Úkraínu þó svo að sá möguleiki sé
fyrir hendi og við höldum áfram
að fylgjast með upplýsingum hvað
það mál varðar. Við erum að gera
okkar besta til að tryggja að slíkt
muni ekki eiga sér stað,“ segir And-
rej Júsov.
Volodímír Selenskíj, forseti
Úkraínu, sagði í októbermánuði að
Rússar hefðu pantað rúmlega 2.400
sjálfsmorðsprengjudróna frá Íran.
Framleiðslan gengi hins vegar hægt
fyrir sig og þar að auki þyrfti íranski
herinn líka að eiga dróna fyrir sinn
eigin her.
Bandaríkjamenn hafa einnig
tjáð sig um málefnið og sakað aðal-
ritara Sameinuðu þjóðanna um að
láta undan ógnunum Rússa með
því að rannsaka ekki hvort írönsk
stjórnvöld séu í raun og veru að sjá
Rússum fyrir drónum. Á fundi sem
haldinn var af öryggisráði Samein-
uðu þjóðanna á mánudag þvertóku
Íranir fyrir að hafa sent dróna til
Rússlands og ásökuðu Vesturlönd
um að beina athygli frá eigin vopna-
flutningum til Úkraínu í því skyni
að framlengja stríðið. n
Neita að hafa útvegað Rússum dróna
Við erum að gera
okkar besta til að
tryggja að slíkt muni
ekki eiga sér stað.
Andrej Júsov,
talsmaður
úkraínsku leyni-
þjónustunnar
Heimildir: Army Recognition, Associated Press, Defence Express, France 24 © GRAPHIC NEWS
Bandaríkin gagnrýna SÞ vegna íranskra dróna
2,5 m
3,5 m
Dróni í samanburði
við manneskju
Bandaríkin sökuðu aðalritara Sameinuðu þjóðanna um að „blikna undan hótunum
Rússa“ með því að láta hjá líða að láta fara fram rannsókn á ásökunum Vesturlanda
um að Rússar noti dróna smíðaða í Íran til að ráðast á Úkraínu.
SHAHED-136: Íranskir „kamikaze-drónar“ hæfa skotmörk sín með því að ”júga á þau.
Orkubú: MD550 50HP-stimpilvél
knýr áfram tveggja blaða skrúfu.
Nef
Ber 30-50 kg sprengjuodd
og búnað til að gera
árásir af nákvæmni
Hámarkshraði
185 km/klst.
Drægni
1.000-2.500 km.
Hæð
60-4.000 m.
Þyngd
200 kg
Stöðuleika-
stýring
Delta-vængstilling.
Trukkur með Žölskota
eld‘augaker’.
Drónum er skotið £mm
saman úr hólfum í hylki sem
trukkurinn ber.
Hægt er að forrita
drónann svo hann
”júgi sjálfvirkt að
tilteknum hnitum
á GPS-tæki með
sprengiefni
innanborðs.
Skotmarkið
verður að vera
kyrrstætt.
thorgrimur@frettabladid.is
Fídjí Áætlað er að stjórnarskipti
verði í Kyrrahafseyríkinu Fídjí í
fyrsta sinn í sextán ár eftir að þrír
stjórnarandstöðuf lokkar komu
sér saman um meirihlutasamstarf.
Fídjí hefur verið stjórnað af Frank
Bainimarama frá valdaráni herfor-
ingja árið 2006. Stjórnmálaflokkur
Bainimarama, Fídjí fyrst, vann
kosningar 2014 og 2018.
Í kosningum sem haldnar voru
í síðustu viku var Fídjí fyrst aftur
í fyrsta sæti en þrír stjórnarand-
stöðuflokkar fengu samanlagt fleiri
þingsæti. Bainimarama hefur enn
ekki tjáð sig um niðurstöðurnar. n
Valdaræningi á
Fídjí tapar loks
þingkosningum
Sitiveni Rabuka (annar frá hægri),
væntanlegur forsætisráðherra Fídjí.
kristinnhaukur@frettabladid.is
suðurnes Knattspyrnudeild og
f imleikadeild íþrótta- og ung-
mennafélagsins Kef lavíkur hafa
sent inn bréf til bæjarstjórnar
Reykjanesbæjar vegna aðstæðna
við Nettóhöllina og Fimleikaaka-
demíuna. Telja deildirnar þörf á að
endurskipuleggja svæðið og fara í
herferð til að efla öryggi barna.
„Slysahætta er töluverð þarna,
sérst ak lega í skammdeg inu ,“
segir í bréfinu. „Það er okkar ósk
að skoðað verði hvort hægt sé að
skipuleggja þetta svæði betur og
stýra umferðinni í annan farveg
með öryggi barnanna í huga.“ Bent
er á að nokkur hundruð iðkenda,
stórir sem smáir, eigi leið þarna um
á hverjum degi.
Forsvarsmenn k nattspy rnu-
deildarinnar hafa áhyggjur af
umferðarþunganum seinnipart
dags, klukkan 16 til 17, þegar
yngstu iðkendurnir eru að klára.
Telja þeir að bæta þurfi lýsingu
fyrir framan höllina, huga að
hálkuvörnum og bæta merkingar.
Best væri ef lögreglan yrði sýnilegri
á þessum tíma til þess að fólk fari
eftir reglum. Börnin séu að skjótast
á milli bíla, með fullar töskur og
gá oft ekki að sér. „Sér í lagi þessi
yngstu sem rétt ná upp fyrir húddið
sum hver.“
Fimleikadeildin bendir á að bíla-
stæðið sé illa hannað og þar skapist
troðningur. Endurskipuleggja þurfi
bílastæðið og hugsanlega stækka
það. Þá þurfi einnig að huga að
öryggi barna sem koma með strætó
og þurfa að fara yfir veg til að kom-
ast að höllinni. n
Óttast um öryggi barna við höllina
Íþróttafélagið
hefur áhyggjur
af lýsingu,
merkingum og
ökumönnum.
Mynd/AÐsEnd
thorgrimur@frettabladid.is
úk r AínA Volodímír Selensk íj
Úkraínuforseti kom til Washington,
höfuðborgar Bandaríkjanna, í gær.
Þetta er í fyrsta sinn sem hann yfir-
gefur Úkraínu síðan innrás Rússa í
landið hófst í febrúar.
Selenskíj byrjaði á að funda með
Joe Biden Bandaríkjaforseta í Hvíta
húsinu. Einnig er á dagskránni að
ávarpa sameiginlegan fund beggja
deilda Bandaríkjaþings.
Búist við því að Biden tilkynni
um frekari hernaðaraðstoð til Úkra-
ínu upp á 1,8 milljarða Bandaríkja-
dala, eða um 260 milljarða íslenskra
króna. n
Úkraínuforseti í
Bandaríkjunum
Selenskíj hitti Biden-hjónin í fyrstu
heimsókn sinni frá því stríðið hófst.
6 Fréttir 22. desember 2022 FIMMTUDAGURFréttablaðið