Morgunblaðið - 27.08.2022, Qupperneq 11

FRÉTTIR 11Innlent
MORGUNBLAÐIÐ LAUGARDAGUR 27. ÁGÚST 2022
B E R N H A R Ð
L A X D A L
Skipholti 29b • S: 551 4422
Opið 11-16
LÉTTIR
DÚNJAKKAR
FRÁ
Skoðið
netverslun
laxdal.is
Helgi Bjarnason
helgi@mbl.is
Geo Salmo hefur samið við norskt
fyrirtæki um að hanna og byggja
fyrsta áfanga landeldisstöðvar sinn-
ar við Þorlákshöfn. Framkvæmdir
eiga að hefjast haustið 2023 og upp-
bygging á að vera það langt komin
um mitt ár 2025 að hægt verði að
hefja eldi.
Geo Salmo stefnir að því að reisa
liðlega 20 þúsund tonna laxaeldis-
stöð á lóð sem félagið hefur fengið
úthlutað við ströndina vestan Þor-
lákshafnar. Fyrsti áfangi verður
7.300 tonn og hefur verið samið við
norska fyrirtækið Artec Aqua um
hönnun, útvegun búnaðar og alla
uppbyggingu stöðvarinnar. Heildar-
verðmæti samningsins er 21-25
milljarðar króna.
Vinna við hönnun er hafin og er
áætlað að það taki þrjú ár að byggja
stöðina en seiðaeldi hefst fyrr og er
stefnt að því að framkvæmdir verði
það langt komnar um mitt ár 2025 að
hægt verði að setja út fyrstu seiðin.
Ber ábyrgð á virkni stöðvar
Ekki er algengt að samið sé um
kaup á slíkri þjónustu í einum pakka
við uppbyggingu fiskeldis hér á
landi en Jens Þórðarson, fram-
kvæmdastjóri Geo Salmo, segir fyr-
irkomulagið algengt erlendis. Bend-
ir hann á að hjá eldisfyrirtækjum sé
ekki endilega þekking á tækni og
uppbyggingu og augljós kostur að
ná sér í bestu þekkingu hjá fyrir-
tækjum sem búi yfir henni. Hann
segir að kosturinn sé einnig sá að
þarna taki einn aðili ábyrgð á virkni
stöðvarinnar.
Arctec Aqua er að ljúka byggingu
fyrsta áfanga stórrar landeldisstöðv-
ar Salmon Evolution á Innri Harøy,
skammt frá Molde í Noregi, og mun
hún vera fyrsta stöð þeirrar tegund-
ar á heimsvísu. Hafið er eldi í stöð-
inni og er stefnt að fyrstu slátrun í
lok ársins. Jens segir að menn séu
ánægðir með árangurinn sem hafi
farið fram úr væntingum.
Tæknin í landeldisstöð Geo Salmo
verður blandað gegnumstreymis-
kerfi sem tryggja á hámarksvatns-
gæði með lágmarksinngripum. Stöð-
in verður búin fullkomnasta búnaði
sem völ er á til stýringar hitastigs og
vatnsgæða, að því er fram kemur í
tilkynningu um samninginn, sem
tryggir vöxt og velferð fisksins. Öll
ker verða yfirbyggð sem stuðla að
góðri stjórn á eldisferlinu og stöð-
ugleika og gæðum afurðanna.
Tölvuteikning Landeldisstöð Geo Salmo verður á fiskeldissvæðinu sem Ölfus hefur tekið frá sunnan Þorlákshafnar.
Samið um byggingu
fyrsta áfanga Geo Salmo
- Verðmæti samnings yfir 20 milljarðar - Eldi hefst 2025
Líney Sigurðardóttir
Þórshöfn
Fríður hópur heilbrigðisstarfsfólks
hjá Heilbrigðisstofnun Norðurlands
á Þórshöfn kom saman á Þórshöfn
nýverið en tilefnið var kveðju- og
samverustund með ljósmóður og rit-
ara sem voru að kveðja eftir góða
starfsævi, ljósmóðirin eftir tæpa
hálfa öld og ritarinn í rúm 20 ár.
Við þetta tækifæri mættu einnig
forstjóri HSN og yfirhjúkrunarfræð-
ingur svæðisins, sem komu frá sinni
starfsstöð, Húsavík. Þeim fráfarandi
voru þökkuð farsæl og góð störf og
nýtt fólk er nú komið í starf ritara
og ljósmóður.
Hin síðarnefnda er nýútskrifuð
sem ljósmóðir og hjúkrunarfræð-
ingur svo barnshafandi konur geta
áfram leitað á sína heilsugæslustöð á
Þórshöfn.
Sú jákvæða staða er á Þórshöfn að
þar búa og starfa sex hjúkrunar-
fræðingar en íbúafjöldi í Langanes-
byggð er kringum 600 manns. Þær
eru þó ekki allar í fullu starfi við
heilsugæsluna, ungar konur með lít-
il börn en einn hjúkrunarfræðing-
urinn sér um Dvalar- og hjúkrunar-
heimilið Naust. Það er mikill fengur
fyrir lítil sveitarfélög þegar ungt og
vel menntað fólk snýr aftur í heima-
byggðina til starfa eftir námslok og
aðrir sem flutt hafa hingað og séð
landsbyggðina sem góðan og barn-
vænan kost í litlu samfélagi þar sem
gott er að búa og ala upp börn.
Fjórar af ungu hjúkrunarfræðing-
unum á Þórshöfn hafa aukið við
menntun sína því allar luku þær
grunnnámi í sjúkraflutningum hjá
Sjúkraflutningaskólanum og sinna
nú líka sjúkraflutningum ásamt öðr-
um sjúkraflutningamönnum. Fyrir
stuttu fór tvær þeirra í útkall og
sjúkraflutning en það var í fyrsta
sinn á Þórshöfn sem þar voru ein-
göngu konur við umönnun og stjórn.
Byggðarlagið býr yfir miklum
mannauði.
Morgunblaðið/Líney Sigurðardóttir
Kveðjuhóf- Heilbrigðisstarfsfólk á Þórshöfn kvaddi Guðrúnu H. Bjarnadóttur ljósmóður og Brynju Reynisdóttur ritara eftir langt og farsælt starf.
Heilbrigðisstarfsfólk hittist á Þórshöfn
Tveir tuttugu og þriggja ára karl-
menn voru í vikunni fundnir sekir um
stórfellda líkamsárás á annan mann á
sama aldri fyrir utan skemmtistaðinn
203 Club við Austurstræti aðfaranótt
fimmta mars í vetur.
Daniel Zambrana Aquilar fékk
þyngri dóm, eða tvö og hálft ár, en
samverkamaður hans í árásinni fékk
þriggja mánaða skilorðsbundinn
dóm.
Í dómi Héraðsdóms Reykjavíkur
kemur fram að árásin hafi verið al-
varleg, tilefnislaus og ofsafengin og
afleiðingarnar alvarlegar. Daniel var
meðal annars fundinn sekur um að
hafa tekið upp áhald af götunni og
beitt því á fórnarlambið. Áhaldið
fannst ekki, og var því ekki hægt að
segja til um hvers konar vopn var að
ræða, en höggin með því náðu í gegn-
um jakka fórnarlambsins. Sá sem
fyrir árásinni varð hlaut meðal ann-
ars samfall á lunga sem flokkast sem
lífshættulegur áverki.
Ákæruvaldið fór fram á að Daniel
yrði fundinn sekur um tilraun til
manndráps vegna árásarinnar, en
dómurinn komst að þeirri niðurstöðu
að ekkert hefði komið fram sem benti
til þess að fyrir Daniel hefði vakað að
ráða hinum bana. Vísar dómurinn
þar meðal annars til staðsetningar
stunguáverkanna á baki fórnar-
lambsins. „Ekki sé unnt með vissu að
slá því föstu að ákærða hlytu að hafa
verið ljóst að bani kynni að hljótast af
atlögunni og er hann því sýknaður af
tilraun til manndráps,“ segir í dóm-
inum.
Átök inni á skemmtistaðnum
Niðurstaða dómsins er að svo virð-
ist sem skýringar árásinnar megi
leita í þeim átökum sem áttu sér stað
inni á skemmtistaðnum. Hins vegar
breyti það ekki því að árásin hafi ver-
ið tilefnislaus. Þá er rökum árásar-
manns um neyðarvörn hafnað.
Sérstaklega er tekið fram að hlut-
ur Daniels hafi verið mun alvarlegri
en hlutur samverkamannsins og er
þar vísað í áverka vegna áhaldsins.
Telur dómurinn því tveggja og hálfs
árs dóm hæfilegan yfir Daniel og
þriggja mánaða skilorðsbundinn dóm
yfir samverkamanninum. Þá er Dani-
el jafnframt gert að greiða fórnar-
lambinu 1,5 milljón í miskabætur og
hinum gert að greiða 400 þúsund.
Þurfa tvímenningarnir jafnframt að
greiða samtals tæplega tvær milljón-
ir í lögmannskostnað fórnarlambsins
og 2,8 milljónir og 1,6 milljónir í eigin
málsvarnarkostnað.
Samhliða þessu máli var Daniel
ákærður fyrir árás á annan mann í
júlí í fyrra við skemmtistaðinn Prikið.
Meðal annars að hafa gefið honum
olnbogaskot í andlitið með þeim af-
leiðingum að tvær framtennur
mannsins brotnuðu. Jafnframt var
Daniel ákærður fyrir að hafa hlaupist
á brott frá lögreglu í október í fyrra
eftir að lögreglan hafði afskipti af
honum. Játaði Daniel þessi brot og
var gert að greiða manninum 500
þúsund í bætur.
Dæmdur í
tveggja og hálfs
árs fangelsi
- Tilefnislaus og ofsafengin árás
Dómur Héraðsdómur Reykjavíkur.