Morgunblaðið - 27.08.2022, Síða 27

UMRÆÐAN 27
MORGUNBLAÐIÐ LAUGARDAGUR 27. ÁGÚST 2022
S
kákfélag Akureyrar, vinir
og fjölskylda Ólafs Krist-
jánssonar efna til opins af-
mælismóts í menningar-
húsinu Hofi á Akureyri dagana 2.-4.
september nk. Tilefnið er áttræðis-
afmæli kappans sem ber upp á
mánudaginn 29. ágúst. Á afmælis-
mótinu verða tefldar ellefu umferð-
ir með tímamörkunum 15:5. Þegar
hafa 43 keppendur skráð sig til leiks
en fjöldi keppenda má þó vart fara
yfir 70. Margir af samferðamönnum
Ólafs hafa skráð sig til leiks og má
búast við harðri keppni.
Skákferill Ólafs Kristjánssonar
er í reynd samofinn sögu Skák-
félags Akureyrar. Um áratugaskeið
var hann einn af burðarásum skák-
félagsins nyrðra og jafn sjálfsagður
liðsmaður félagsins á Íslandsmóti
skákfélaga og Gylfi Þórhallsson,
Halldór Jónsson, Áskell Örn Kára-
son, Rúnar Sigurpálsson, Stefán
Bergsson, Pálmi Pétursson og Hall-
dór Brynjar Halldórsson svo nokkr-
ir séu nefndir. Þessir einstaklingar
og fleiri hafa allir sett svip sinn á Ís-
landsmótið og náð eftirtektar-
verðum árangri í krafti góðrar liðs-
heildar. Sérstaða Ólafs lá í því að
þátttaka hans á skákmótum tak-
markaðist af atvinnu hans en
lengstan sinn starfsaldur starfaði
hann sem sjómaður á togara og gat
því sjaldan skipulagt tíma sinn
þannig að hann kæmi við þátttöku í
mótum með stífa dagskrá.
Hann hefur alla tíð verið afar vel
lesinn og fylgst vel með helstu skák-
viðburðum á heimsvísu. Ólafur varð
skákmeistari Akureyrar árin 1968
og 1998 og skákmeistari SA fjórum
sinnum, síðast árið 2000, eða um
það leyti sem hann hætti á sjónum.
Ólafur tefldi á nokkrum Reykja-
víkurskákmótum, fyrst árið 1970,
og hefur verið meðal þátttakenda í
keppni landsliðsflokks á Skákþingi
Íslands og á alþjóðlegum mótum
sem fram hafa farið á Akureyri og
er þá margt ótalið. Öll framkoma
hans á skákmótum hefur einkennst
af háttvísi og virðingu.
Athygli mín var vakin á eftirfar-
andi skák sem tefld var á Skákþingi
Norðlendinga árið 1962 og var víða
birt í erlendum skáktímaritum.
Ólafur var 19 ára gamall þegar mót-
ið fór fram en sigurvegari varð Jón-
as Halldórsson frá Leysingjastöð-
um í Austur-Húnavatnssýslu.
Halldór Jónsson var lengi vel einn
fremsti skákmaður Norðlendinga
en í þetta sinn varð hann að lúta í
lægra haldi:
Skákþing Norðlendinga 1962:
Halldór Jónsson – Ólafur Krist-
jánsson
Kóngsindversk vörn
1. d4 Rf6 2. c4 g6 3. Rc3 Bg7 4.
e4 d6 5. f3 0-0 6. Be3 c6 7. Dd2 e5 8.
Rge2 Rbd7 9. d5 cxd5 10. cxd5 a6
11. 0-0-0 b5
Hvítur á ekki hægt um vik eftir
þennan og næsta leik svarts.
12. Kb1
Hér var nauðsynlegt að leika
strax 12. b3.
12. … Rb6 13. Rc1? b4 14. Bxb6
bxc3 15. De3
Það virðist allt með kyrrum kjör-
um í þessari stöðu. Svarta drottn-
ingin hlýtur að hörfa eða hvað…?
15. … Hb8!
Frábær leikur en hugmyndin
kemur ekki fram fyrr en í 17. leik.
16. Bxd8 Hxb2+ 17. Ka1 c2!
Mögnuð staða. Svartur skilur
hrókinn eftir en hugmyndin byggist
á því að eftir 18. Kxb2 kemur 18. …
cxd1(R)+ og drottningin fellur.
18. Rb3 cxd1(D)+ 19. Kxb2 Hxd8
Svartur er manni yfir og eftirleik-
urinn auðveldur.
20. Db6 He8 21. Dxd6 a5 22. a4
Bd7 23. Db6 Hc8 24. Bc4 Dxh1 25.
Rxa5 Dxg2+ 26. Ka1 Hxc4 27.
Dd8+ Be8 28. Rxc4 Df1+ 29. Kc2
Dxc4 30. d6 Dxa4
- og hvítur gafst upp.
Skák
Helgi Ólafsson
helol@simnet.is
Morgunblaðið/Sigurður Arnarson
Afmælisbarn Ólafur Kristjánsson verður 80 ára á mánudaginn.
Afmælismót Ólafs
Kristjánssonar
Karl Jóhann Guðmundsson
fæddist 28. ágúst 1924 í
Reykjavík. Foreldrar hans
voru Lára Jóhannesdóttir, f.
1899, d. 1968, og Guðmundur
Siggeir Guðmundsson, f. 1895,
d. 1942.
Karl varð stúdent frá MR
árið 1944, nam við Handíða-
og myndlistaskólann og út-
skrifaðist frá Royal Academy
of Dramatic Art í Lundúnum
árið 1952.
Karl hóf þegar störf sem
leikari og starfaði hann mest-
alla starfsævi sína hjá Leik-
félagi Reykjavíkur. Lék hann
í um það bil 100 leikverkum
fyrir leikfélagið, en tók einnig
þátt í sýningum hjá Þjóðleik-
húsinu, Grímu, Leiksmiðjunni
og Nemendaleikhúsi LÍ. Þá
lék hann og las upp í Ríkisút-
varpinu um árabil. Karl varð
fljótt landsþekkt eftirherma
og skemmtikraftur. Karl lék
einnig í kvikmyndum seinni
árin, síðast í Sveitabrúðkaupi
árið 2008.
Karl var mikilvirkur þýð-
andi, en hann þýddi á ævi
sinni ótalmörg leikrit og ljóð.
Einnig starfaði Karl við leik-
stjórn og kennslu.
Eiginkona Karls var Guð-
rún Ámundadóttir, f. 1913, d.
1997. Þau eignuðust tvær
dætur, en Guðrún átti eina
dóttur fyrir.
Karl lést 3.3. 2014.
Merkir Íslendingar
Karl Guð-
mundsson
Aðgerðir til að auka
sveigjanleika starfs-
fólks Reykjavíkur-
borgar við starfslok
vegna aldurs ganga of
skammt að mati Flokks
fólksins. Nýlega sam-
þykkti borgarráð til-
lögur starfshóps um
sveigjanleg starfslok
sem settur var á lagg-
irnar í september á síð-
asta ári. Hópurinn var
skipaður fulltrúum Reykjavík-
urborgar og viðsemjenda borg-
arinnar auk þess sem hann hafði
samráð við hagaðila, m.a. öldungaráð
borgarinnar eftir því sem fram kem-
ur í fréttatilkynningu frá Reykjavík-
urborg. Hins vegar var ekki haft
samráð við Félag eldri borgara sam-
kvæmt þeim upplýsingum sem
Flokkur fólksins hefur aflað sér.
Meðal niðurstaðna starfshópsins
voru tillögur um að skoða hvort megi
koma til móts við kröfur um aukinn
sveigjanleika við starfslok við und-
irbúning komandi kjarasamnings-
viðræðna. Einnig að setja á laggirnar
þróunarverkefni til tveggja ára sem
mun þó aðeins taka til afmarkaðra
hópa starfsmanna. Flokkur fólksins
telur að þetta séu tímafrekar tillögur
og mun því lítið gerast í þessum mál-
um næstu misserin.
Tíminn er dýrmætur,
spýta þarf í lófana
Reykjavíkurborg segist vilja vera
leiðandi í þessu máli en í raun hefur
ekki mikið gerst frá 2018. Þá lofaði
borgarstjóri að unnið verði í að auka
sveigjanleika starfsfólks við starfslok
á kjörtímabilinu sem þá
fór í hönd. Flokkur
fólksins vill að gengið sé
röskar til verks í þessu
máli. Vissulega má
fagna hverju skrefi sem
tekið er í átt að sveigj-
anlegri starfslokum.
Mannekla í ákveðnum
störfum á þó ekki að
stýra því hvort fólki sé
leyft að vinna eins lengi
og það langar og getur.
Missir er fyrir sam-
félagið að sjá á eftir
fólki af vinnumarkaði
fyrir þær einar sakir að ná sjötugs-
aldri. Um er að ræða dýrmætan
mannauð. Það eru mannréttindi að
geta tekið ákvarðanir um sín atvinnu-
mál eins og annað í lífinu.
Sveigjanleg starfslok er pólitísk
ákvörðun. Fella þarf brott þakið í
þessum efnum enda er það ein-
staklingsbundið. Aukinn sveigj-
anleiki varðandi það hvenær og
hvernig fólk lýkur atvinnuþátttöku
getur leitt til bæði efnahagslegs og
heilsufarslegs ábata fyrir samfélagið.
Flokkur fólksins segir burt með girð-
ingar og hindranir þegar kemur að
aldri og atvinnumálum.
Eftir Kolbrúnu
Baldursdóttur
» Aukinn sveigjanleiki
varðandi hvenær og
hvernig fólk lýkur at-
vinnuþátttöku getur
leitt til bæði efnahags-
legs og heilsufarslegs
ábata fyrir samfélagið
Kolbrún
Baldursdóttir
Höfundur er oddviti Flokks fólksins í
borgarstjórn Reykjavíkur.
Sveigjanleiki
starfsfólks sjálf-
sögð mannréttindi
FINNA.is
www.gilbert.is
KLASSÍSKT OG STÍLHREINT
GILBERT LIBERATOR