Morgunblaðið - 02.09.2022, Qupperneq 2

2 FRÉTTIR
Innlent
MORGUNBLAÐIÐ FÖSTUDAGUR 2. SEPTEMBER 2022
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Gísli Freyr Valdórsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Það var mikið fjör þegar spurn-
ingaþátturinn Ertu viss? hóf göngu
sína á mbl.is í gær í beinni útsend-
ingu.
Alls fékk 51 keppandi vinning en
það var hann Jóhann Gunnar Jó-
hannsson sem var Ertu viss-
meistari þáttarins og hreppti aðal-
vinninginn, sem að þessu sinni var
sími frá Samsung.
Þátturinn í gær var sá fyrsti af
níu en þeir verða sýndir stundvís-
lega klukkan 19 á fimmtudags-
kvöldum í haust og vetur.
Spurningaþættirnir eru sérstakir
að því leyti að keppendurnir eru
áhorfendur sem sitja heima og get-
ur hver sem er skráð sig til leiks.
Stjórnendur þáttarins, systurnar
Eva Ruza og Tinna Miljevic, segja
hann hafa gengið vel og voru þær
afar ánægðar með útkomuna.
„Við vitum líka að fólk í Berlín og
Portúgal var að horfa. Það eru Ís-
lendingar úti um allt sem langar að
taka þátt í íslenskri dagskrá,“ segir
Eva Ruza.
Hægt er að nálgast nánari upp-
lýsingar um þættina inni á
www.mbl.is/ertuviss.
Mikil þátttaka í
fyrsta þættinum
- Alls fékk 51 keppandi vinning
Morgunblaðið/Hákon
Fjör Systurnar Eva Ruza og Tinna
Miljevic stjórna þættinum.
Samninganefnd ríkisins fyrir kom-
andi viðræður við samtök opinberra
starfsmanna um nýja kjarasamninga
hefur ekki verið skipuð. Ekki liggur
heldur fyrir hver verður formaður
hennar. Kemur þetta fram í skriflegu
svari upplýsingafulltrúa fjármála-
ráðuneytisins við fyrirspurn Morgun-
blaðsins.
Gunnar Björnsson, skrifstofustjóri
kjara- og mannauðssýslu fjármála-
ráðuneytisins, fór í mörg ár fyrir
samninganefnd ríkisins. Hann hefur
látið af störfum í ráðuneytinu. Jökull
Heiðdal Úlfsson hefur tekið við þeirri
stöðu en ekki liggur fyrir hver leiðir
samninganefndina í næstu lotu, að því
er fram kemur hjá ráðuneytinu.
Unnið að undirbúningi
Friðrik Jónsson formaður BHM
hefur lýst því yfir að bandalagið vilji
taka af skarið og hefja strax kjara-
viðræður við atvinnulífið og stjórn-
völd. Formenn aðildarfélaganna hafa
falið honum umboð til slíkra við-
ræðna.
Í svari ráðuneytisins kemur fram
að vinna við undirbúning viðræðna
standi yfir. Vakin er athygli á að
kjarasamningar opinberra starfs-
manna gildi út mars 2023. Fjár-
málaráðherra hefur sagt, í samtali við
Morgunblaðið, að stjórnvöld tækju
því fagnandi ef þau gætu hjálpað til
við að tryggja að samningar verði
ekki látnir renna út og langur tími líði
þar til þeir verði endurnýjaðir.
helgi@mbl.is
Engin samninganefnd
- Óákveðið hver
leiðir kjaravið-
ræður ríkisins
Morgunblaðið/Hari
Undirskrift Öllum kjaraviðræðum lýkur með undirskrift samninga.
„Við erum að endurnýja allan ljósa-
búnað bæði úti og inni í kirkjuskip-
inu, þannig að það er mikið undir,“
segir Sigríður Hjálmarsdóttir
framkvæmdastjóri Hallgrímskirkju
en þar verður byggingin nú
nútímavædd með LED-lýsingu.
„Það verður alveg gríðarlegur
munur að hafa kirkjuna vel upp-
lýsta. Þetta er auðvitað mikilvægur
staður í borginni og verður að vera
í lagi.“ Framkvæmdirnar séu vissu-
lega kostnaðarsamar en gríðarlega
mikilvægar. Ljósabúnaðurinn hafi
verið kominn til ára sinna og lýs-
ingin döpur.
Hún segir nýja búnaðinn bjóða
upp á ýmsa möguleika, t.d. verði
hægt að lýsa kirkjuna upp í mis-
munandi litum. „Við getum til
dæmis tekið þátt í Bleikum október
í fyrsta sinn. Við hlökkum til að
geta lífgað upp á kirkjuna.“
Áfram verða framkvæmdir við
innilýsinguna næstu vikur en reikn-
að er með að opið verði inn í kirkju-
skipið að einhverju eða öllu leyti
meðan á vinnunni stendur og helgi-
hald og orgeltónleikar verði á sín-
um stað. Morgunblaðið/Kristinn Magnússon
Birtir
brátt til í
kirkjunni
Morgunblaðið/Sigurður Bogi
Straumur Ísland enn á lygnum sjó
en skórinn kreppir á meginlandinu.
Atli Steinn Guðmundsson
atlisteinn@mbl.is
„Vissulega hefur margt verið í gangi í
löndunum í kringum okkur, miklar
hækkanir á orkuverði og í raun bara
orkukrísa,“ segir Berglind Rán Ólafs-
dóttir, framkvæmdastýra Orku nátt-
úrunnar, er Morgunblaðið spyr hana
út í hugsanlegar verðsveiflur á íslensk-
um orkuvettvangi.
Fjallað var um svimandi hækkanir
orkuverðs í Evrópu hér í blaðinu í
fyrradag og því meðal annars slegið
fram að tíu mínútna sturtuferð í Ósló í
Noregi kostaði orðið 625 krónur. „Mér
þykir ólíklegt að þetta hafi áhrif á Ís-
landi til skemmri tíma,“ heldur Berg-
lind Rán áfram, „en það hlýtur að velta
á því hve lengi þetta ástand varir í Evr-
ópu,“ segir hún og bætir því við að
langvarandi nauð í orkumálum meg-
inlandsins sé líklegri til að skila sér
hingað.
Munu skoða aðra möguleika
Bendir Berglind Rán á að fyrirtæki
sem eigi mikið undir hóflegu raforku-
verði og framboðsöryggi og séu vel í
stakk búin til að flytja sig um set gætu
vel talið hag sínum betur borgið á Ís-
landi. „Ef verðið helst svona rosalega
hátt til lengri tíma í nágrannalöndun-
um segir það sig sjálft að fyrirtæki sem
eru hreyfanleg munu fara að skoða
aðra möguleika,“ segir framkvæmda-
stýran.
„Hækkandi orkuverð í Evrópu hef-
ur auðvitað ekki þráðbein orsakaáhrif
til Íslands,“ segir Jóhann Snorri Sig-
urbergsson, forstöðumaður viðskipta-
þróunar HS Orku, „hér er enginn
orkuskortur og ástandið í Úkraínu og
hjá Rússunum hefur ekki bein áhrif á
Íslandi.“
Ekki í líkingu við Evrópu
Þetta kveður Jóhann vera einfalda
svarið við spurningunni. Hins vegar
vill hann ekki útiloka einhverjar hækk-
anir, til dæmis á heildsöluverði. „Við
sáum það í fyrra þegar við lentum í
hálfgerðum orkuskorti, þá var lág
vatnsstaða í lónum og mikil eftirspurn.
Eftirspurnin er enn þá mikil og ekki
hægt að slá því föstu að til sé alveg
nægileg orka fyrir alla notendur á Ís-
landi,“ heldur Jóhann áfram. „En við
erum ekki að fara að sjá neitt í líkingu
við það sem við sjáum í Evrópu, það
eru engin teikn á lofti um það,“ segir
hann að síðustu.
„Auðvitað vonar maður að þetta
leysist,“ segir Berglind Rán, „að þetta
verði ekki lengri tíma verð sem við nú
sjáum í Evrópu, það er auðvitað bara
hrein skelfing, hvort tveggja fyrir al-
menning og fyrirtæki.“ Hún segir Ís-
land í allt annarri stöðu með sitt lokaða
orkukerfi en nágrannalöndin, slíkt
bjóði ekki upp á miklar verðsveiflur.
„Í Noregi til dæmis er opinn mark-
aður með rafmagn og það höfum við
ekki hér enn þá, en eins og þú veist
líklega er Landsnet að skoða að setja
upp slíkan markað og það er bara
spurning um hvenær en ekki hvort
slíkur markaður verður til á Íslandi,“
segir Berglind Rán Ólafsdóttir fram-
kvæmdastýra.
Ekki þráðbein áhrif til Íslands
- Orkuverðssveiflur langt undan Íslandsströndum - Erlend fyrirtæki gætu þó hugsað sér til hreyfings