Morgunblaðið - 02.09.2022, Side 8

8 FRÉTTIR
Innlent
MORGUNBLAÐIÐ FÖSTUDAGUR 2. SEPTEMBER 2022
Faxafeni 14
108 Reykjavík
www.z.is
Óvissa í alþjóðamálum varð Þor-
björgu S. Gunnlaugsdóttur
þingmanni Viðreisnar tilefni til þess
að stinga niður penna á bólakaf í
Fréttablaðið á þriðjudag. Megin-
stefið var að láðst hefði að ræða
Evrópumálin á Alþingi vegna stríðs-
ins í Úkraínu og kvartaði hún undan
því að það mætti
„bara ræða Evr-
ópumál þegar meiri-
hluti er fyrir því að
sækja um aðild á Al-
þingi“. Sem er auð-
vitað alls ekki þann-
ig vaxið.
- - -
Hvað er svona hættulegt við um-
ræðuna? Eða við það að þjóðin
fái að taka ákvörðun í þjóðar-
atkvæðagreiðslu? Það er þvert á
móti þögnin sem er hættuleg. Er
ekki bara best að treysta þjóðinni?“
- - -
Það væri að vísu fánýti, því Evr-
ópusambandið hefur verið afar
tvístígandi í þessum málum, aðal-
lega vegna þess að Þýskaland er
undir járnhæl Pútíns Rússlands-
forseta og Macron Frakklands-
forseti upptekinn við að sleikja skó
hans.
- - -
Hitt er þó skrýtnara, að Þorbjörg
virðist telja það til marks um
sérstaka þöggun ef stjórnarflokk-
arnir vilja ekki láta næstminnsta
flokkinn á þingi stjórna umræðunni,
líkt og þingheimi beri skylda til að
taka upp eina stefnumál hans.
- - -
En af hverju nota þingmenn Við-
reisnar ekki þau tæki, sem
þeir þó hafa, og leggja fram frum-
vörp og þingsályktanir í þá veru?
Það er fyrir það sem þingmönnum
er borgað; ekki leikaraskap og væl
undan því að aðrir flokkar taki ekki
þeirra mál á dagskrá. – Taki þing-
menn sjálfa sig og störf sín ekki al-
varlegar en svo, er engin ástæða til
þess að nokkur annar geri það.
Þorbjörg S.
Gunnlaugsdóttir
Hví segið þér ekki
það sem mér finnst?
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Samkeppniseftirlitið telur að sam-
runi Haga og Eldum rétt leiði til
styrkingar á markaðsráðandi stöðu
Haga á dagvörumarkaði og sömu-
leiðis á markaðsráðandi stöðu Eld-
um rétt á líklegum markaði fyrir
sölu samsettra matarpakka í gegn-
um netið.
Tilkynnt var í mars að Hagar, sem
reka m.a. verslunarkeðjurnar Hag-
kaup og Bónus, og eigendur Eldum
rétt hefðu náð samkomulagi um
kaup Haga á öllu hlutafé Eldum rétt.
Síðarnefnda fyrirtækið hefur sér-
hæft sig í gerð matarpakka.
Samkeppnisstofnun hefur haft
þennan samruna til skoðunar og seg-
ir á heimasíðu sinni að rannsóknin á
samkeppnislegum áhrifum samrun-
ans hafi verið umfangsmikil. Sam-
keppniseftirlitið hafi m.a. fram-
kvæmt athugun á meðal hagsmuna-
aðila og neytendakönnun á meðal
viðskiptavina matarpakkafyrirtækja
til viðbótar við ítarlega greiningu á
gögnum og upplýsingum sem fylgdu
samrunatilkynningu.
Samkeppniseftirlitið hefur birt
samrunaaðilum andmælaskjal. Þar
kemur m.a. fram það frummat Sam-
keppniseftirlitsins að samruninn feli
í sér samruna náinna keppinauta og
jafnframt að Eldum rétt sé mikil-
vægur keppinautur Haga á dagvöru-
markaði. Sameinað félag sé líklegt til
að geta hindrað stækkun keppinauta
sinna. Þá er það einnig frummat
Samkeppniseftirlitsins að talsverðar
aðgangshindranir séu inn á bæði
dagvörumarkað og líklegan markað
fyrir verslun með samsetta matar-
pakka.
Bæði félög hafa mótmælt þessu
frummati Samkeppniseftirlitsins í
aðalatriðum og fært rök fyrir því að
Samkeppniseftirlitinu beri að breyta
frummati sínu við endanlegt mat sitt
á áhrifum samrunans.
Samruni talinn hindra samkeppni
- Samkeppniseftirlitið rannsakar kaup Haga á Eldum rétt - Markaðsráðandi
Kirkjudeildir, sem samanlagt telja
2,5 milljarða kristins fólks um allan
heim, standa saman að Grænum
september – The season of Creation
– á hverju ári.
Þjóðkirkjan hefur tekið virkan
þátt í Grænum september frá því
2017. Fram kemur í tilkynningu að
síðari ár hafi verið lögð áhersla á
samtal við landverndar- og náttúru-
fræðinga, innlenda sem erlenda.
Nú á laugardag verður fjölskyldu-
dagur í Skálholti með gróðursetn-
ingu og kynningu á skógrækt og
skírnarskógi. Einnig verða kynnt
áform um söfnun og dreifingu á
birkifræjum og tekið til hendinni við
það ef þannig viðrar. Þá er ráðgert
að hafa þar fund á vegum Grænna
söfnuða þjóðkirkjunnar. Grænn
september hefst með útvarpsmessu
sunnudaginn 4. september í Vídal-
ínskirkju. Þar mun Kristján Björns-
son vígslubiskup í Skálholti flytja
ávarp. Sérstakri uppskeru- og um-
hverfismessu verður útvarpað frá
Langholtskirkju hinn 18. september
þar sem Agnes Sigurðardóttir bisk-
up Íslands prédikar.
Ákveðið hefur verið að efna í
fjórða sinn til Skálholtsráðstefnu 12.
október næstkomandi til þess meðal
annars að fylgja eftir áætlun sem
unnin hefur verið í samvinnu um-
hverfisnefndar þjóðkirkjunnar,
Landgræðslunnar og Skógrækt-
arinnar um skógrækt, endurheimt
votlendis og landgræðslu á kirkju-
jörðum. Á ráðstefnunni verða einnig
biskupar Grænlands, Færeyja og Ís-
lands, Paneeraq Siegstad Munk,
Jógvan Friðriksson, Agnes Sigurð-
ardóttir og Kristján Björnsson, sem
undirbúa þar þátttöku sína í Hring-
borði norðurslóða 13.-16. október.
Grænn september
á vegum kirkjunnar
- Skálholtsráðstefna
haldin um skógrækt
og landgræðslu
Morgunblaðið/Árni Sæberg
Skálholt Skálholtsráðstefna verður
haldin í fjórða sinn.