Morgunblaðið - 08.10.2022, Síða 48

48 ÍÞRÓTTIR
MORGUNBLAÐIÐ LAUGARDAGUR 8. OKTÓBER 2022
Danmörk
Lyngby – Viborg...................................... 1:1
- Alfreð Finnbogason fór meiddur af velli
á 41. mínútu hjá Lyngby en Sævar Atli
Magnússon var ónotaður varamaður.
Freyr Alexandersson þjálfar liðið.
Staðan:
Nordsjælland 11 7 2 2 18:10 23
Randers 11 6 4 1 17:11 22
Viborg 12 6 3 3 17:13 21
Silkeborg 11 6 1 4 18:13 19
AGF 11 5 1 5 14:11 16
København 11 5 0 6 18:17 15
Midtjylland 11 3 5 3 19:18 14
Horsens 11 4 2 5 10:12 14
OB 11 4 2 5 13:18 14
Brøndby 11 3 3 5 13:18 12
AaB 11 2 4 5 10:15 10
Lyngby 12 0 5 7 12:23 5
Tyrkland
Gaziantep – Adana Demirspor .............. 1:1
- Birkir Bjarnason var allan tímann á
bekknum hjá Adana Demirspor.
_ Efstu lið: Adana Demirspor 18, Istanbul
Basaksehir 17 Konyaspor 17, Galatasaray
17, Trabzonspor 16, Besiktas 15.
Holland
B-deild:
Jong Ajax – Helmond Sport ................... 0:1
- Kristian Nökkvi Hlynsson lék allan leik-
inn með Jong Ajax.
Roda – Venlo ............................................ 4:1
- Kristófer Ingi Kristinsson var ónotaður
varamaður hjá Venlo.
Ítalía
B-deild:
Genoa – Cagliari ...................................... 0:0
- Albert Guðmundsson lék allan leikinn
með Genoa.
_ Efstu lið: Reggina 15, Bari 15, Genoa 15,
Brescia 15, Ternana 13, Frosinone 12.
England
QPR – Reading......................................... 2:1
- Jökull Andrésson, markvörður hjá
Reading, er frá keppni vegna meiðsla.
Vináttulandsleikir kvenna
Hvíta-Rússland – Rússland..................... 0:2
Tékkland – Ungverjaland........................ 3:3
Noregur – Brasilía ................................... 1:4
Þýskaland – Frakkland ........................... 2:1
Spánn – Svíþjóð ........................................ 1:1
England – Bandaríkin.............................. 2:1
Undankeppni EM U17 kvenna
A-deild á Ítalíu:
Sviss – Ísland............................................ 3:1
Emelía Óskarsdóttir 45. (víti)
Ítalía – Frakkland .................................... 2:4
_ Sviss 6 stig, Frakkland 3, Ítalía 1, Ísland
1. Ísland mætir Frakklandi í lokaumferð-
inni á mánudag.
4.$--3795.$
Subway-deild karla
Haukar – Höttur................................... 98:92
Keflavík – Tindastóll ............................ 82:80
Staðan:
Breiðablik 1 1 0 111:100 2
Stjarnan 1 1 0 84:76 2
Haukar 1 1 0 98:92 2
ÍR 1 1 0 83:77 2
Grindavík 1 1 0 88:83 2
Keflavík 1 1 0 82:80 2
Tindastóll 1 0 1 80:82 0
KR 1 0 1 83:88 0
Höttur 1 0 1 92:98 0
Njarðvík 1 0 1 77:83 0
Valur 1 0 1 76:84 0
Þór Þ. 1 0 1 100:111 0
1. deild karla
Fjölnir – Skallagrímur......................... 75:89
Hrunamenn – Ármann......................... 96:83
ÍA – Hamar ........................................... 93:86
Sindri – Þór Ak ..................................... 98:50
Staðan:
Sindri 3 3 0 263:205 6
Selfoss 2 2 0 192:140 4
Álftanes 2 2 0 185:177 4
ÍA 3 2 1 245:240 4
Ármann 3 2 1 288:287 4
Hamar 3 1 2 283:275 2
Skallagrímur 3 1 2 250:253 2
Hrunamenn 3 1 2 271:291 2
Fjölnir 3 0 3 237:290 0
Þór Ak. 3 0 3 209:265 0
1. deild kvenna
Þór Ak. – Hamar/Þór ........................... 81:61
Staðan:
KR 3 3 0 235:192 6
Þór Ak. 4 3 1 275:234 6
Snæfell 3 2 1 225:176 4
Stjarnan 2 2 0 171:142 4
Ármann 2 1 1 136:129 2
Hamar-Þór 4 1 3 274:273 2
Tindastóll 3 1 2 213:178 2
Aþ/Lei/UM 2 0 2 156:179 0
Breiðablik B 3 0 3 110:292 0
Spánn
B-deild:
Estela – Alicante.................................. 76:70
- Ægir Már Steinarsson skoraði 4 stig, tók
3 fráköst og gaf 1 stoðsendingu á 22 mín-
útum hjá Alicante.
4"5'*2)0-#
Handknattleikskonan Lovísa
Thompson hefur yfirgefið herbúðir
danska félagsins Ringkøbing eftir
aðeins nokkurra mánaða veru hjá
félaginu. Hún yfirgaf Val í lok síð-
asta tímabils og samdi við Ringkøb-
ing, en hefur nú ákveðið rifta samn-
ingi sínum við félagið.
Ringkøbing staðfesti tíðindin á
Facebook-síðu sinni í gær. „Því
miður var Ringkøbing ekki rétta fé-
lagið fyrir Lovísu. Við höfum því
samþykkt beiðni hennar um að rifta
samningnum,“ segir í yfirlýsingu
félagsins.
Lovísa farin frá
Danmörku
Morgunblaðið/Eggert
Öflug Lovísa Thompson er farin frá
Ringkøbing eftir stutta dvöl.
Alfreð Finnbogason lagði upp mark
Lyngby í 1:1-jafntefli liðsins á
heimavelli gegn Viborg í dönsku
úrvalsdeildinni í fótbolta í gær-
kvöldi.
Því miður fyrir Alfreð meiddist
hann á viðbeini eða öxl og fór af
velli á 41. míntútu. Ekki er ljóst hve
lengi framherjinn verður frá
keppni vegna meiðslanna. Sævar
Atli Magnússon var allan tímann á
bekknum hjá Lyngby, en Freyr Al-
exandersson þjálfar liðið. Tímabilið
hefur verið erfitt hjá Lyngby, sem
er eina lið deildarinnar án sigurs.
Morgunblaðið/Kristinn Magnússon
Meiddur Alfreð Finnbogason er enn
og aftur að glíma við meiðsli.
Alfreð lagði upp
og meiddist
HANDBOLTI
Jóhann Ingi Hafþórsson
johanningi@mbl.is
„Ég er að byrja þriðja tímabilið mitt
með þeim og mér líður ótrúlega vel,“
sagði Díana Dögg Magnúsdóttir, 25
ára landsliðskona í handbolta, í sam-
tali við Morgunblaðið um veru sína
hjá þýska 1. deildarliðinu Sachsen
Zwickau.
Tími Díönu hjá félaginu hefur ver-
ið viðburðaríkur, því liðið vann 2.
deildina á fyrsta tímabili hennar
með liðinu og hélt sér síðan í efstu
deild með dramatískum hætti á síð-
ustu leiktíð. Það gerði liðið með sigri
í lokaumferðinni og svo umspili, en
útlitið var ekki bjart þegar lítið var
eftir af tímabilinu. Nú hefur Díana
verið gerð að fyrirliða liðsins.
Níu út og átta inn
„Ég er búin að koma mér vel inn í
liðið og orðin fyrirliði. Við erum að
spila okkur svolítið saman, því það
fóru níu leikmenn og komu átta nýir
inn í staðinn. Við höfum ekki alveg
náð úrslitunum sem við viljum, sér-
staklega ekki í síðustu þremur leikj-
um. Við gleymum fyrsta leiknum á
móti liði sem er í Meistaradeildinni,
það sleppur. Annars er ég mjög
ánægð. Við erum að koma okkur vel
saman og við erum með betra lið en í
fyrra. Ég hef fulla trú á að við verð-
um ekki svona neðarlega,“ sagði
Díana en Sachsen Zwickau er án
stiga eftir fjóra leiki.
Díana sinnir háskólanámi ytra
meðfram því að leika í efstu deild
Þýskalands. Hún var ákveðin í að
klára námið, en Eyjakonan gerði
fyrst um sinn tveggja ára samning
við félagið, áður en hann var síðan
framlengdur. Hún var á meðal bestu
leikmanna liðsins á fyrsta tímabilinu
sínu í efstu deild Þýskalands, sem er
gríðarlega sterk.
Gekk ótrúlega vel í fyrra
„Ég samdi til tveggja ára fyrst og
ég þurfti að vinna mér inn mína
stöðu í skyttunni. Eftir frekar stutt-
an tíma tókst það, því ég var komin í
stöðuna í nóvember. Svo gekk mér
ótrúlega vel í fyrra og leist vel á nýju
leikmennina, svo ég ákvað að vera
lengur. Ég vissi alveg að ég yrði úti
svona lengi, meðal annars út af
námi, en var ekki endilega búin að
ákveða að vera svona lengi í þessu
félagi,“ sagði hún.
Díana kann vel við fyrirliða-
hlutverkið og að vera leiðtogi bæði á
vellinum og utan hans.
Leikmenn treysta mér
„Ég hef alltaf verið til í að taka að
mér svona mikilvæg verkefni og
leiða liðið mitt áfram, hvort sem það
er utan eða innan vallar. Leikmenn
trúa og treysta mér fyrir öllu og
maður tekur því og leiðir sitt lið
áfram,“ sagði hún.
Díana lék með uppeldisfélaginu
ÍBV áður en hún skipti yfir til Vals
árið 2016. Eftir góð ár hjá Hlíðar-
endafélaginu lá leiðin til Þýskalands,
þar sem hún hefur bætt sig mikið á
rúmum tveimur árum.
Bætt mig ótrúlega mikið
„Já ótrúlega mikið. Leikurinn hjá
mér hefur kannski breyst. Hreyfing-
arnar og hvernig maður les og horfir
á leikinn er öðruvísi. Ég er orðin
miklu sneggri líka. Ég var ekki hæg-
asti leikmaðurinn, en er samt orðin
töluvert sneggri núna. Ég er ekki
endilega sterkari en ég var, en klár-
lega sneggri. Við vorum að lyfta
miklu meira á Íslandi en við gerum
úti,“ sagði hún.
Díana verður vonandi í eldlínunni
með íslenska landsliðinu er það
mætir Ísrael í tveimur leikjum á
heimavelli í byrjun nóvember í und-
ankeppni heimsmeistaramótsins.
Tognaði mjög illa
Hún er að glíma við meiðsli, sem
hún varð fyrir í leik gegn Thüringer
á miðvikudaginn var. Óvíst er hve
lengi hún verður frá keppni.
„Þetta er mjög slæm tognun og ég
get mjög lítið hreyft úlnliðinn. Bólga
hefur komist á milli litlu beinanna í
honum. Ég er samt bjartsýn á að
vera ekki lengi frá, þar sem ég á og
má hreyfa hann til að draga úr bólg-
unni, svo ég komist fyrr á völlinn.
Um leið og sársaukinn minnkar þá
ætti hreyfigetan að aukast. Maður
er fegnastur með að ekkert brot hafi
verið í þessu. Ég veit því miður ekki
nákvæmlega hversu lengi ég verð
frá, en ég stefni auðvitað á að vera
klár í næsta leik. Ef það gengur upp
ættu landsleikirnir ekki að vera í
hættu, en það er spurning hvort
maður verði í hópnum eða ekki,“
sagði Díana.
Fulla trú á liðinu gegn Ísrael
Eyjakonan viðurkennir að hún viti
lítið um ísraelska liðið, en á þó von á
að íslenska liðið verði sterkara í
leikjunum tveimur.
„Mér líst vel á þetta verkefni. Við
eigum að vera með yfirhöndina í
þessum leikjum og ég hef fulla trú á
að við klárum það. Ég þekki þetta lið
voðalega lítið en maður kynnir sér
þær betur áður en þessir leikir fara
fram,“ sagði Díana.
Íslenska liðið leikur báða leikina
við Ísrael á heimavelli. Díana segir
það jákvætt, þótt hún hefði verið til í
að heimsækja Ísrael.
„Það er gott að fá tvo heimaleiki,
en ég hefði alveg verið til í að fara til
Ísraels, skoða landið og spila þar.
Annars er frábært að fá þær heima
og vonandi kemur nóg af fólki að
styðja. Mér finnst við vera sterkari á
pappír og við eigum að hugsa það
sjálfar að við eigum að vera sterkari.
Við verðum að sýna og sanna það að
við erum með betra lið og erum góð
handboltaþjóð,“ sagði hún.
Alltaf til í að
taka mikil-
væg verkefni
Morgunblaðið/Eggert
Þýskaland Díana Dögg Magnúsdóttir er komin af stað á sínu þriðja tímabili
með þýska liðinu Sachsen Zwickau og stundar jafnframt háskólanám.
- Díana Dögg er orðin fyrirliði Sach-
sen Zwickau í efstu deild Þýskalands
KA/Þór og Gorche Petrov frá Norð-
ur-Makedóníu skildu jöfn, 20:20, í
fyrri leik liðanna í 2. umferð Evr-
ópubikars kvenna í handbolta í gær-
kvöldi.
Því er allt hnífjafnt fyrir seinni
leikinn sem fer fram í kvöld, en báð-
ir leikir einvígisins eru spilaðir í KA-
heimilinu.
Leikurinn var sá fyrsti sem KA/
Þór leikur í Evrópukeppni á heima-
velli, en leikir liðsins til þessa í
keppninni hafa farið fram erlendis.
Biðin var þess virði fyrir áhorfendur
í KA-heimilinu, því leikurinn var hin
mesta skemmtun, hnífjafn og spenn-
andi. Þá neitaði ungt lið KA/Þórs að
gefast upp. Hver leikmaðurinn á
fætur öðrum hefur helst úr lestinni á
undanförnum vikum og mánuðum.
Aðrir leikmenn tóku við keflinu og
gerðu það vel.
Hildur Lilja Jónsdóttir var marka-
hæst hjá KA/Þór með fimm mörk og
þær Unnur Ómarsdóttir og Lydía
Gunnþórsdóttir voru með fjögur
hvor. Matea Lonac varði 18 skot í
marki KA/Þórs, þar af tvö víti.
Ljósmynd/Þórir Tryggvason
Evrópukeppni Hildur Lilja Jónsdóttir hjá KA/Þór sækir að marki Gjorche
Petrov í fyrsta Evrópuleik liðsins í KA-heimilinu í gærkvöldi.
Akureyringar neit-
uðu að gefast upp