Morgunblaðið - 29.10.2022, Qupperneq 4

4 FRÉTTIR
Innlent
MORGUNBLAÐIÐ LAUGARDAGUR 29. OKTÓBER 2022
Meiraprófsnámskeið
á íslensku
Nánari upplýsingar: www.okuland.is
Hefst
14.
nóvember
Ólafur Eiríksson, lögmaður Jóns
Hilmars Karlssonar, segir líklegt að
dómi héraðsdóms í máli hins síðar-
nefnda gegn þrotabúi föður hans,
Karls Emils Wernerssonar, verði
áfrýjað.
Héraðsdómur Reykjaness rifti í
gær ráðstöfun Karls Emils Werners-
sonar frá árinu 2014 á sölu allra hluta
í Toska ehf. til sonar síns, Jóns Hilm-
ars Karlssonar. Fékk hann alla hluti í
Lyfjum og heilsu á um 1,1 milljón
króna. Var Jón dæmdur til að greiða
þrotabúi Karls Emils Wernerssonar
464 milljónir kr. auk dráttavaxta í
tæplega fjögur ár.
Toska var móðurfélag Faxa sem
átti félagið Faxar, en það félag átti
nær allt hlutafé í Lyfjum og heilsu.
Bú Karls var tekið til gjaldþrota-
skipta í apríl árið 2018. Þrotabúið
gerði í málinu kröfu um riftun á sölu
Karls á Toska til sonar hans í aðdrag-
anda gjaldþrotaskiptanna og byggði
þá kröfu annars vegar á 131. gr. laga
nr. 21/1991 um gjaldþrotaskipti o.fl.
og hins vegar 141. gr. sömu laga.
Í dómi héraðsdóms, sem féll í
fyrradag, var talið að salan á Toska
hefði farið fram fyrir það 24 mánaða
tímamark sem mælt væri fyrir um í
131. gr. laganna og var Jón því sýkn-
aður af riftunarkröfu á þeim grund-
velli.
Á hinn bóginn var fallist á að um
hefði verið að ræða ótilhlýðilega ráð-
stöfun þrotamanns í aðdraganda
gjaldþrots hans og að Karl hefði á því
tímamarki sem ráðstöfunin fór fram
verið ógjaldfær.
Þá var talið að Jón, sem er sonur
Karls, hefði verið grandsamur um
ógjaldfærni föður síns er hann eign-
aðist Toska.
Var krafa um riftun ráðstöfunar-
innar því tekin til greina á grundvelli
141. gr. fyrrgreindra laga og stefnda
gert að greiða þrotabúinu sem nam
tjóni þess vegna sölunnar, sem fyrr
segir.
Héraðsdómur vísaði í fyrradag frá
kröfu þrotabús Karls Emils Wer-
nerssonar þess efnis að afsala aftur til
þrotabúsins öllum hlutum í Toska
ehf. gegn greiðslu frá þrotabúinu á
söluverði hlutanna. Var þá ekki fallist
á kröfu þrotabúsins þess efnis að Jón
Hilmar greiddi því 2,6 milljarða
króna með dráttarvöxtum, ef afsali
hluta þrotabúsins yrði ekki komið við.
Máli Lyfja og heilsu líklega áfrýjað
- Jón Hilmar Karlsson dæmdur til að greiða þrotabúi föður síns 464 milljónir króna - Líklegt að
Jón áfrýi dóminum - Gjafagerningur Karls til Jóns talinn „ótilhlýðilegur“ - 1,1, milljón fyrir alla hluti
Morgunblaðið/Golli
Lyf og heilsa Líklegt er að Jón muni áfrýja dóminum, að sögn verjanda.
Efling stefnir að því að afhenda
Samtökum atvinnulífsins (SA)
kröfugerð sína á mánudaginn kem-
ur. Í kjölfarið verða birtar kröfu-
gerðir á hendur ríkinu og vegna líf-
eyrissjóðakerfisins, að því er fram
kom á heimasíðu Eflingar í gær.
Þar segir m.a. að fjölmenn samn-
inganefnd Eflingar, skipuð félags-
fólki úr mörgum geirum vinnumark-
aðarins, vinni hörðum höndum að
smíði kröfugerðar til SA.
Kjarni um 40 virkra félagsmanna
og trúnaðarmanna ber uppi starf
samninganefndar Eflingar. Unnið
hefur verið í hópum og skipulega
leitast eftir að kalla fram skoðanir
og raddir nefndarmanna. Fundirnir
hafa verið textatúlkaðir milli ensku
og íslensku á skjá, og glærukynn-
ingar þýddar, líkt og á öllum fé-
lagsfundum Efl-
ingar. Sólveig
Anna Jónsdóttir,
formaður Efling-
ar og formaður
samninganefnd-
ar, hefur stýrt
fundunum.
Efling efndi til
kjara- og við-
horfskönnunar og
tóku þrefalt fleiri
félagsmenn þátt í henni en nokkru
sinni áður eða 4.500 manns. Könn-
unin er ein af lykilforsendum kröfu-
gerðarvinnunnar. Þátttakan var
hlutfallslega mest á meðal félags-
manna sem eru af erlendu bergi
brotnir en könnunin var þýdd á tíu
tungumál. Sólveig Anna formaður
greindi frá niðustöðum kjarakönn-
unarinnar á fundi í fyrradag. Sagt
verður frá helstu niðurstöðum síðar.
Annar liður í undirbúningi Efling-
ar fyrir kjaraviðræður er þátttaka
um 30 manna hóps virkra félags-
manna í námskeiði um þátttöku í
samningaviðræðum. Um er að ræða
fjarnámskeið á vegum Rosa Luxem-
burg Stiftung. Jane McAlevey leiðir
námskeiðið en hún er virtur fyrirles-
ari og höfundur á sviði skipulagðrar
verkalýðsbaráttu.
Mikið hefur verið rætt um reynslu
Eflingar af kjaraviðræðum síðustu
ára. „Ég skynja eindreginn vilja
meðal félagsfólks til að samninga-
viðræður verði skipulagðar með
þátttöku þeirra og að viðræður verði
opnar og gangsæjar,“ er haft eftir
Sólveigu Önnu, formanni Eflingar.
gudni@mbl.is
Kröfugerð á mánudag
- Efling hefur lagt mikla vinnu í undirbúning kjaraviðræðna
Sólveig Anna
Jónsdóttir
Guðni Th. Jóhannesson, forseti Ís-
lands, og Eliza Reid forsetafrú lentu
á Íslandi seint í gærkvöldi eftir opin-
bera heimsókn til Slóvakíu. Segir
Guðni heimsóknina hafa verið afar
ánægjulega og til þess fallna að efla
samstarf Íslands við Slóvakíu á sviði
jarðhitanýtingar, rannsókna og ný-
sköpunar.
„Með okkur voru fulltrúar úr við-
skiptalífinu sem hyggjast efla sam-
starf við Slóvaka á sviði jarðhitanýt-
ingar, en fyrir þeim hópi fór Halla
Hrund Logadóttir orkumálastjóri. Í
gær [fimmtudag] var svo haldið mik-
ið málþing og er ljóst að Slóvakar
vilja nýta þessa auðlind betur. Er
það einkum vegna áherslna þeirra á
græna orku en ekki síður til að losna
undan olíu og gasi frá Rússum,“
sagði Guðni í samtali við mbl.is.
„Strax eftir þetta þing sköpuðust
sambönd og hugmyndir um sam-
starf sem lofa góðu. Íslensk fyrir-
tæki hafa nú þegar látið að sér
kveða í Slóvakíu en nú á heldur bet-
ur að gefa í á þessum vettvangi,“
bætti hann við.
Vert er að geta þess sérstaklega
að á sama tíma og Guðni forseti sat
málþingið um jarðhitanýtingu sat
Eliza forsetafrú vel sótt málþing um
jafnréttismál. Í sendinefnd forseta
var einnig Willum Þór Þórsson heil-
brigðisráðherra og ávörpuðu þeir ís-
lenska læknanema, starfsfólk og
stjórn Komeníusarháskóla í borg-
inni Martin.
Nýsköpun
og nýting
jarðhita
Guðni Th. Jóhannesson, forseti Íslands, ánægður með opinbera heimsókn til Slóvakíu