Morgunblaðið - 29.10.2022, Page 10

10 FRÉTTIR
Innlent
MORGUNBLAÐIÐ LAUGARDAGUR 29. OKTÓBER 2022
Höskuldur Daði Magnússon
hdm@mbl.is
„Í ár verða haldin hefðbundin íslensk
jól,“ segir Gunnar B. Sigurgeirsson,
aðstoðarforstjóri Ölgerðarinnar. Eg-
ils hvítöl verður aftur fáanlegt fyrir
jólin eftir að framleiðslu þess var
hætt fyrir tveimur árum. Hvítölið,
sem síðast var selt í dósum, verður nú
aftur í upphaflegum umbúðum.
Margir lýstu óánægju sinni með að
hvítölið skuli hafa verið tekið út af
sakramentinu og því má öruggt telja
að endurkomunni verði tekið fagn-
andi. „Það er alltaf gott þegar við
finnum fyrir sterkum tengslum þjóð-
arinnar við vörur okkar og því gaman
að geta nú boðið aftur upp á Egils
hvítöl,“ segir Gunnar.
Hvítölið var lengi afgreitt í porti á
horni Frakkastígs og Njálsgötu og
síðar við Rauðarárstíg. Þar var ölið
afgreitt í gegnum lúgu en löng biðröð
myndaðist gjarnan fyrir jólin og
stundum fyrir páska. Lárus Berg
Sigurbergsson, þá framkvæmdastjóri
tæknisviðs Ölgerðarinnar, rifjaði upp
þessa tíma í viðtali við Morgunblaðið
árið 2006. Hann sagði að yfirleitt
hefði einn fjölskyldumeðlimur verið
sendur í leiðangur eftir ölinu en ef
röðin var mjög löng hefði fólk stund-
um skipst á að standa þar. „Og þótt
maður væri krókloppinn og krump-
aður lét maður sig hafa það, því ann-
ars yrðu jól án hvítölsins og það gat
maður ekki hugsað sér. Það gat samt
komið fyrir, eftir að fólk var búið að
standa í röð í tvö til þrjá tíma, að það
fór tómhent heim. Ölið var þá einfald-
lega búið því framleiðslugetan var
takmörkuð. Þá hófst afgreiðslan ekki
aftur fyrr en daginn eftir eða þann
næsta,“ sagði hann.
Gunnar aðstoðarforstjóri kannast
vel við þessar minningar. „Margir
eiga minningar af kaupum á hvítöli í
lítravís við húsakynni Ölgerðarinnar
við Rauðarárstíg þar sem langar rað-
ir mynduðust gjarnan þegar Íslend-
ingar fengu áfyllingu á brúsa sína
beint úr framleiðslunni. Á þessum
109 árum er óhætt að segja að hvítöl-
ið hafi mátað sig í flestar umbúðateg-
undir; til dæmis í gömlu góðu halda-
brúsana úr plasti og síðast í
hefðbundnar nútímaáldósir. En núna
leitum við aftur í upprunann því upp-
haflega var hvítölið selt í glerjum, líkt
og maltið og aðrar vörur í árdaga Öl-
gerðarinnar.“
„Uppskriftin er í takt við það sem
hún hefur verið frá árinu 1913 en það
má áætla að með nýjum tækjum og
vinnsluaðferðum breytist drykkir
eitthvað með tímanum. Við teljum
okkur hafa náð leiðum til að færast
enn nær því sem Tómas Tómasson,
stofnandi Ölgerðarinnar, skapaði á
sínum tíma,“ segir Gunnar og færir
sig að endingu út á ákveðið jarð-
sprengjusvæði um það hver sé besta
blandan með jólamatnum:
„Í gegnum tíðina hefur það auðvit-
að einnig tíðkast að blanda Egils app-
elsín í hvítöl, líkt og maltið – og svo er
það auðvitað drukkið eitt og sér. Ég
veit um fjölskyldur sem hafa einungis
drukkið Egils hvítöl á jólunum í ára-
tugi og geta þær tekið gleði sína á ný.
En hvítölið er léttara á bragðið og
sumum finnst það henta betur. Ég
kýs það því að minnsta kosti með jóla-
steikinni!“
Hvítölið aftur á markað fyrir jólin
- Jólunum bjargað hjá mörgum landsmönnum - Hvítölið nú selt í gleri eins og var í upphafi fyrir
rúmum hundrað árum - Reykvíkingar biðu í röð við Rauðarárstíg á árum áður eftir hvítöli í brúsa
Morgunblaðið/Ólafur K. Magnússon
Hefð Landsmenn biðu með brúsa og fötur eftir hvítölinu sínu árið 1976.
Ljósmynd/Hari
Endurkoma Hvítölið kemur aftur á markað og nú í upphaflegum umbúðum.
Ljósmynd/Hari
Sáttur Gunnar B. Sigurgeirsson drekkur hvítöl með jólasteikinni sinni.
Eldri borgarar á
Norður- og Austurlandi:
Sérstök aðventuferð til
Kaupmannahafnar
20.-24. nóvember 2022 - aukaferð v. mikillar eftirspurnar
Brottför með Niceair frá Akureyri síðdegis á sunnudegi og
flogið til baka e.h. á fimmtudag – 4 nætur/5 dagar
Verð: 199.000 kr. á mann í tvíbýli*
*Aukagjald v/gistingar í einbýli er 38.500 kr.
Innifalið eru flug með Niceair, skattar, gisting,
m/morgunverði á Hotel Skt. Petri 5*, rútuferðir,
kvöldverðir og annað samkvæmt dagskrá.
! ! ! ! !
Niko ehf | Austurvegi 6 | 800 Selfoss | kt. 590110-1750
Nánari upplýsingar eru veittar hjá Ferðaskrifstofu eldri borgara í
símum 783-9300 og 783-9301, einnig með tölvupósti í
gegnum netfangið hotel@hotelbokanir.is og á
www.ferdaskrifstofaeldriborgara.is
Gist er á hinu glæsilega
Hotel Skt. Petri 5* sem
er staðsett í miðborg
Kaupmannahafnar.
Skemmtileg og fjölbreytt dagskrá
Sunnudagur: Flogið með Niceair kl. 15.50 síðdegis og lent í Kaupmannahöfn
kl. 19.50 að staðartíma. Gisting á hinu glæsilega Hotel Skt. Petri í miðborg
Kaupmannahafnar.
Mánudagur: Skoðunarferð um gamla bæinn með Ástu Stefánsdóttur
leiðsögumanni sem gengur um slóðir Fjölnismanna og fræðir farþega um
sögu Kaupmannahafnar.
Þriðjudagur: Heimsókn í Jónshús, þar sem staðarhaldarinn Halla
Benediktsdóttir tekur á móti hópnum og fræðir um sögu hússins. Um kvöldið
er snæddur „Julefrokost“ í Tivoli á veitingastaðnum Grøften. Eftir kvöld-
verðinn er hægt að skoða sig um í Tivoli sem hefur verið breytt í „Juleland“ á
Aðventunni.
Miðvikudagur: Sigling um síkin og Christianshavn meðan hljómsveit
Michael Bøving og félaga leikur jazztónlist og vanalega ríkir mikil stemning í
þessum ferðum. Um kvöldið er snæddur ekta danskur matur á veitingastaðnum
Karla sem er í göngufæri frá hótelinu.
Fimmtudagur: Brottför frá hóteli á Kastrup flugvöll fyrir hádegi og beint flug
þaðan til Akureyrar laust eftir hádegi.
Fararstjóri: Sigurður K. Kolbeinsson.