Morgunblaðið - 01.11.2022, Síða 10

10 FRÉTTIR
Innlent
MORGUNBLAÐIÐ ÞRIÐJUDAGUR 1. NÓVEMBER 2022
Sigtryggur Sigtryggsson
sisi@mbl.is
Nú hillir undir að byggingar-
framkvæmdir hefjist á lóðinni
Frakkastíg 1. Lóðin er beint fyrir
neðan Franska spítalann svo-
nefnda, sem er friðað hús, byggt
árið 1902 sem spítali fyrir franska
sjómenn.
Umrædd lóð, á horni Frakkastígs
og Skúlagötu, komst í fréttirnar
fyrir nokkrum misserum þegar íbú-
ar í nágrenninu og Íbúasamtök
miðborgarinnar mótmæltu því að
háhýsi yrði reist þar. Borgaryfir-
völd tóku mótmælin ekki til greina
að öðru leyti en því að húsið var
lækkað úr átta hæðum í sjö og
verða efstu hæðirnar inndregnar.
Fyrr á þessu ári óskuðu Leigu-
íbúðir ehf. eftir leyfi til að flytja
fjögur eldri hús á lóðina. Því var
hafnað af Reykjavíkurborg með
þeim rökum að lóðin væri hluti af
Græna planinu og væri í úthlut-
unarferli.
Á fundi borgarráðs í síðustu viku
var samþykkt úthlutun lóðar og
sala byggingarréttar fyrir íbúðar-
húsnæði við Frakkastíg 1 til IÐU
ehf. Félagið var sigurvegari sam-
keppninnar um „grænt húsnæði
framtíðarinnar“ á lóðinni. Úthlutun
lóðarinnar er háð því skilyrði að við
byggingu húsnæðis þar verði unnið
í samræmi við þá tillögu sem teym-
ið sendi inn í samkeppnina, en að
teyminu standa IÐA, arkitekta-
stofan Lendager og SAP arkitekt-
ar. Hugmyndafræðin á bak við um-
sóknina er kölluð IÐA fjölkynslóða-
byggð. Í teyminu eru átta
einstaklingar. Teymisstjóri er Björt
Ólafsdóttir, fyrrverandi umhverfis-
ráðherra. Framkvæmdastjórn mun
annast Helgi Gunnarsson, stofnandi
og framkvæmdastjóri GG Verks og
meðeigandi í IÐU ehf .
Úthlutun lóðarinnar var sam-
þykkt með fjórum atkvæðum borg-
arráðsfulltrúa Samfylkingarinnar,
Framsóknar, Pírata og Viðreisnar
gegn tveimur atkvæðum borgar-
ráðsfulltrúa Sjálfstæðisflokksins.
Borgarráðsfulltrúi Sósíalistaflokks
Íslands sat hjá við afgreiðslu máls-
ins. Málið fer nú til endanlegrar af-
greiðslu borgarstjórnar.
IÐA greiðir 165,5 milljónir
Um er að ræða 741 fermetra lóð
þar sem hámarksbyggingarmagn
er samtals 1.557 m2 ofanjarðar og
675 m2 neðanjarðar. Heildar-
greiðsla fyrir byggingarrétt lóð-
arinnar, að meðtöldum gatnagerð-
argjöldum, er 165,5 milljónir króna.
„Okkar sýn er að vinna verkefnið
þannig að það verði „lighthouse
project“ eða einskonar fyrirmynd
fyrir raunverulega sjálfbært og um-
hverfisvænt verkefni í mannvirkja-
gerð og skipulagi á Íslandi. Þá
leggjum við áherslu á að hanna
húsið þannig að það bjóði allskonar
fólk velkomið, af mismunandi aldri
og færni og að það bjóði upp á sam-
neyti og tengi mismunandi hópa
saman,“ segir meðal annars í lýs-
ingu á áformum teymis IÐU.
Íbúðirnar á Frakkastíg 1 verða
samkvæmt deiluskipulagi 20 talsins
og auk þess er gert ráð fyrir at-
vinnuhúsnæði á jarðhæð. Er þá
horft til kaffihúss, þar sem fólk geti
m.a. unnið fjarvinnu.
IÐA áformar að byggja 60-90
fermetra íbúðir til sölu á reitnum,
en öll þróun og hönnun á íbúðunum
gengur út á að þangað vilji fjöl-
breyttir hópar fólks sækja í að búa
við iðandi mannlíf og grænan lífs-
stíl. Gert er ráð fyrir að íbúar og
húsfélag geti, ef það svo kýs, notast
við tæknilausnir IÐU til að leiða
fram deilihagkerfi, efla grænan lífs-
stíl, auðvelda samgang og sinna
viðhaldi og lögbundnum skyldum er
varða hússtjórn.
Breyta þarf um kúrs
„Stefna IÐU er að byggja hús
sem draga úr þeim gríðarlega
ágangi á auðlindir jarðar og þeirri
kolefnislosun sem fellur til vegna
byggingariðnaðarins. Enda sýna
rannsóknir að iðnaðurinn þarf að
breyta um kúrs og að óbreyttar að-
ferðir geta ekki gengið til lengdar,“
segir m.a í umsókn Iðu um lóðina.
Jafnframt sé það sýn IÐU að hús
eigi að hafa mun víðtækari tilgang
en einungis þann að vera þak yfir
höfuðið.
Morgunblaðið/sisi
Lóð úthlutað Lóðin sem um ræðir er á horni Frakkastigs og Skúlagötu.
Fjær má sjá Franska spítalann, sem er friðað hús, byggt árið 1902.
Tölvumynd/Lendager/SAP arkitektar
Frakkastígur Svona sjá arkitektarnir fyrir sér útlit nýbyggingarinnar. Horft er niður Frakkastíg í átt til Esjunnar.
„Grænt“ hús rís við Frakkastíg
- Reykjavíkurborg úthlutar umdeildri lóð til IÐU ehf. - Þar á að rísa svokölluð fjölkynslóðabyggð
Velferðarsjóður barna hefur ákveðið
að verja þremur milljónum til að
styrkja barnastarfið hjá samtökunum
„Flotta fólk“ sem aðstoða úkraínskar
fjölskyldur á flótta. Það er fyrsta
framlagið í landssöfnun samtakanna
sem verður formlega hleypt af stokk-
unum í dag, 1. nóvember. Áætlað er
að safna 20 milljónum til að tryggja
starfsemina næsta árið.
Samtökin reka athvarf barna og
foreldra frá Úkraínu í Áskirkju, út-
hlutunarmiðstöð í Neskirkju og Sam-
félagshús úkraínskra flóttamanna á
Aflagranda 40. Samtökin sinna auk
þess sálgæslu og læknisþjónustu og
hafa skipulagt fjölda viðburða fyrir
úkraínskar fjölskyldur sem hingað
hafa leitað. Þetta er í annað sinn sem
Velferðarsjóðurinn leggur þessu
starfi lið en í mars sl. fengu samtökin
5 milljónir úr sjóðnum til að standa að
aðstoð við börn og barnafjölskyldur.
Það framlag var í minningu Valgerð-
ar Ólafsdóttur, stofnanda og fyrrver-
andi framkvæmdastjóra sjóðsins,
sem lést í fyrra. Stjórnarformaður
sjóðsins er Kári Stefánsson.
Velferð Sveinn Rúnar Sigurðsson tekur við styrknum frá Kára Stefánssyni
og Kristínu B. Jónsdóttur, framkvæmdastjóra Velferðarsjóðs barna.
Flotta fólk fær styrk
- Velferðarsjóður barna hefur styrkt
samtökin um alls átta milljónir króna