Morgunblaðið - Sunnudagur - 09.10.2022, Side 17

hversu mikill er þrýstingurinn á bak við tjöldin.
„Við hófum samstarf við Google,“ sagði Melissa
Flemming, yfirmaður tjáskipta hjá Sameinuðu
þjóðunum, á upplýsingafundi í síðasta mánuði.
Ástæðan var sú að þegar leitað var að „loftslags-
breytingum“ á Google sá hún sér til skelfingar að
„ótrúlega afbökuð svör birtust ofarlega á síð-
unum“! Nú er búið tryggja að upplýsingar frá SÞ
birtast efstar.
Það er ekkert annað, segir WSJ, og nefnir að það
séu varla falsfréttir, svo notaður sé þekktur frasi,
að vekja athygli á að internetið er fullt af misgóð-
um upplýsingum.
Í leiðaranum er bent á að á netinu mátti í faraldr-
inum finna ótraustar og jafnvel rangar upplýsingar
varðandi veirumál sem Facebook og Twitter unnu
með yfirvöldum við að fara yfir.
Ritskoðunin stenst illa og er ill
En þar voru einnig bönnuð sjónarmið um að veiran
kynni upphaflega að hafa lekið út af kínverskri
rannsóknarstofu. Öllu slíku tali var hent út sem
rausi rugludalla.
Ekki löngu síðar var fjöldi viðurkenndra vísinda-
manna tilbúinn að staðfesta að slíkt kæmi mjög vel
til greina og verðskuldaði rækilega skoðun.
Það er afar slæmt merki og hringir aðvör-
unarbjöllum þegar einn aðili í pólitískri umræðu
telur sig eiga rétt til að skrúfa fyrir þann míkrófón
sem hinn aðili umræðunnar hefur.
Og vandinn sem þarf að hafa í huga er að ritskoð-
unarmenn tæknirisa okkar koma nánast alfarið úr
hjörð harðlínumanna til vinstri.
Hvað loftslagsbeytingarnar varðar er rang-
hugmyndastimpillinn notaður næsta ósparlega.
Jafnvel þeir eru útskúfaðir sem viðurkenna að jarð-
eldsneytið sé vandamál, en telja jafnframt að
mannkynið geti lagað sig að breyttum veruleika, en
heimsendaspár séu á hinn bóginn óverjandi öfgar
og niðurgreiðslur „grænna orkugjafa“ standist illa
fjárhagslegar kröfur.
Gina McCarthy, ráðgjafi Hvíta hússins um lofts-
lagsmál, sagði: „Við þurfum á því að halda nú að
tæknifyrirtækin komi af krafti að málinu.“ Hún
sagði að andstaðan hefði nú hvarflað frá lofts-
lagsafneitun yfir í efasemdir um gagnsemi sólar-
orku eða gildi vindmylla. Þau sjónarmið séu jafn
hættuleg og afneitunin sjálf!
Með öðrum orðum sé óhjákvæmilegt að herða
enn á ritskoðuninni hafi fólkið vaxandi efasemdir
um þær lausnir sem loftslagslobbíistar prédika.
Þegar önnur eins yfirlýsing kemur frá æðstu
mönnum í Hvíta húsinu er ekki að undra að þeir
verði vissari í sinni sök, sem treysta tækni- og
samfélagsrisunum sífellt verr, segir í leiðara WSJ.
Og í lokin segir: „Þar með komum við á ný að
Elon Musk, ef við gerum ráð fyrir að kaup hans á
Twitter gangi upp eftir allt saman.
Áform hans um félagslega miðilinn liggja ekki
ljós fyrir. En hann hefur orðað það svo, að Twitter
eigi að vera „umræðutorg“ samtímans og vera vett-
vangur ólíkra skoðana í frjálsri umræðu.
Góð byrjun á þessu gæti verið að kasta ritskoð-
urum loftslagsfársins fyrir róða.“
Morgunblaðið/Kristinn Magnússon
’
Smám saman er orðið ljóst að Twitter,
Facebook, Google og allir þessir „risar“
hafa verið stórlega misnotaðir í þágu Demó-
krataflokksins og einnig í þágu þeirra hug-
mynda sem nýttar hafa verið síðustu árin til
að vekja ótta og skelfingu hjá almenningi.
9.10. 2022 MORGUNBLAÐIÐ SUNNUDAGUR 17