Morgunblaðið - Sunnudagur - 27.11.2022, Page 18

18
MATUR
MORGUNBLAÐIÐ SUNNUDAGUR 27.11.2022
FUNKY BHANGRA
Ferðalag og ný upplifun
Yesmine Olsson er enginn nýgræðingur
þegar kemur að mat, en hún opnaði
í Pósthúsinu veitingastaðinn Funky
Bhangra, og útskýrir að Bhangra sé
tegund af dansi þar sem dansarar eru
skrautlega klæddir.
„Ég hef verið mikið að vinna með
Bollywood-dansa þannig að ég ákvað
að nota orðið Bhangra í nafn staðar-
ins,“ segir Yesmine og segir matinn vera
undir áhrifum frá mörgum löndum.
„Þetta er ekki ekta indverskt heldur
undir áhrifum frá mínum bakgrunni,“
segir Yesmine, en hún er frá Sri Lanka
og alin upp í Svíþjóð.
„Þannig að maturinn er í raun blanda
frá Sri Lanka, Svíþjóð, Indlandi og
Íslandi. Þetta er léttari matur en dæmi-
gerður indverskur matur og ég myndi
segja að við förum hér í ferðalag. Þetta
passar allt skemmtilega saman og er ný
upplifun. Ég er mjög bjartsýn og jafnvel
þó það séu margar mathallir í borginni,
eru þær allar mjög ólíkar.“
FINSEN MATUR OGVÍN
Franskt bistró
Kokkurinn Eiríkur Róbertsson er mennt-
aður í franskri matargerð og hlakkar mikið
til að leyfa fólki að smakka hjá sér á Finsen
mat og vín.
„Þetta er franskt bistró en nafnið Finsen
kemur frá fyrsta póstmeistara Íslands.Við
höldum okkur í klassískri franskri mat-
reiðslu hérna,“ segir Eiríkur og segist bjóða
upp á smárétti, steikarsamloku, „ribeye“-
steik, humarsúpu og franska lauksúpu.
„Það hefur gengið rosalega vel og það er
mjög skemmtileg stemning í húsinu. Þessi
mathöll er allt öðruvísi en aðrar og við
erum í hjarta miðbæjarins.Við höfum selt
mikið af steikarsamlokum og svo kemur
skemmtilega á óvart að lauksúpan er mjög
vinsæl.“
YUZU
Öðruvísi
hamborgarar
Embla Margrét Særósardóttir stóð
vaktina á veitingastaðnum Yuzu þegar
blaðamann bar að garði.
„Við erum með öðruvísi ham-
borgara undir asískum áhrifum.Yuzu
er asískur sítrusávöxtur og það er
mikið af sítrus í matnum okkar og
þetta sérstaka bragð. Maturinn er
ekki endilega mjög sterkur, en mörg
skemmtileg brögð í gangi,“ segir Embla
og segir mikið að gera síðan staðurinn
var opnaður.
„Það verður örugglega brjálað að
gera núna fyrir jólin. Ég er mjög bjart-
sýn á framhaldið,“ segir hún að lokum.
Afsakið enn eina
mathöllina!
Gamla góða pósthúsið í miðbænum hefur nú fengið nýtt hlutverk.
Þar hefur verið opnuð ný mathöll þar sem átta veitingastaðir kepp-
ast við að bjóða upp á fjölbreyttan og fallegan mat frá ýmsum heims-
hornum. Allir ættu að geta fundið eitthvað við sitt hæfi.
Ásdís Ásgeirsdóttir asdis@mbl.is
Fallega rauða pósthúsið sem stendur á horni Pósthús-
strætis og Austurstrætis hefur afgreitt sinn síðasta
pakka því nú iðar þar allt af lífi og ilmar vel af mat. Um
síðustu helgi var þar opnuð mathöllin Pósthús Foodhall &
bar og hafa gestir streymt þar inn alla vikuna, enda forvitni-
legt að sjá og gaman að smakka eitthvað nýtt. Blaðamaður
lagði leið sína í miðbæinn og hitt fyrir káta veitingamenn
sem voru sammála um að fyrstu dagarnir lofi góðu. Ljóst
er að vel hefur lukkast að breyta húsinu því innréttingar
eru bæði smart og notalegar í senn og ekki skemmir fyrir
fallegu bogadregnu gluggarnir sem setja svip sinn á staðinn.
Fullt hús frá opnun
Þórður Axel Þórisson, framkvæmdastjóri mathallarinnar,
segir að fimm ár séu síðan byrjað var að huga að Pósthúsi
Foodhall.
„Framkvæmdir hafa nú staðið yfir í tvö ár, alveg á fullu.
Við duttum auðvitað inn í Covid-tímabilið og því seinkaði
aðeins að opna. Þetta hefur heppnast alveg rosalega vel.
Hér eru flottir rekstraraðilar og flest allt nýir staðir hér. Það
er æðisleg tilfinning að sjá höllina opna og viðtökurnar hafa
verið frábærar. Það hefur verið fullt hús,“ segir Þórður og
segist afar bjartsýnn á framhaldið.
Í stærsta salnummá sjá innrammaðan texta þar sem
stendur:Afsakið enn einamathöllina, en myndin er verk
eftir listakonuna Sísí Ingólfsdóttur.
„Við erum að gera grín að okkur sjálfummeð þessu
verki en ég óttast ekki samkeppni. Við erum á frá-
bærum stað í miðbænum og það vilja allir borða án
þess endilega að þurfa að setjast inn á veitingastað í
marga klukkutíma. Hér geta allir komið, fjölskyldur
og vinahópar og allir fengið mat og drykk við hæfi.“
Framkvæmdastjór-
inn Þórður Axel
er afar ánægður
með viðtökurnar á
Pósthús Foodhall.