Fréttablaðið - 11.01.2023, Blaðsíða 4

ragnarjon@frettabladid.is
Heilbrigðismál „Ég held að þetta
sé ekkert einsdæmi, að fólk sé hálf
landlaust þegar það kemur að heil-
brigðiskerfinu, því miður,“ segir
Þuríður Harpa Sigurðardóttir, for-
maður Öryrkjabandalags Íslands
um það hvort finna megi dæmi í
þjóðfélaginu sem eru sambærileg
máli Sævars Daníels Kolandavelu.
Sævar er öryrki á fertugsaldri
sem farið hefur þrettán sinnum á
bráðamóttöku á einu ári til að leita
lækninga við slæmum meiðslum
sem hann hlaut á síðasta ári. Hann
hefur sótt eftir dánaraðstoð og er
heimilislaus.
Þuríður segist vissulega ekki hafa
þekkingu á máli Daníels en telur
aðgengi að heilbrigðiskerfinu mjög
takmarkað í dag.
„Biðlistar eru mjög langir, sama
hvar þú grípur niður og mikil þörf
er á breytingum svo fólk fái f ljótari
úrlausn mála. Þetta er svona hvort
sem það er um börn, ungmenni
eða fullorðið fólk að ræða,“ segir
Þuríður Harpa sem telur stöðuna
orðna mjög alvarlega.
„Ef þú biður um tíma hjá lækni
þá getur það verið allt að tveggja
mánaða bið. Þannig að þetta er
orðin nokkuð alvarleg staða myndi
ég segja því þetta er okkar fyrsta
snerting, að komast að á heilsu-
gæslu,“ segir hún.
„Ég held engu að síður að fólk
sem starfar innan heilbrigðiskerfis-
ins sé að reyna að gera sitt besta. En
það er eitthvað sem þarf að breyta
þarna, við erum orðin algjört bið-
listaland, alveg sama hvar við
komum að innan kerfisins,“ segir
Þuríður. n
Mig dreymdi mjög
mikið og ég hélt að
fólkið þarna vildi
drepa mig.
Tony Omos, stefnandi í málinu
Þetta er orðin nokkuð
alvarleg staða.
Þuríður Harpa
Sigurðardóttir,
formaður
Öryrkjabanda-
lagsins
Það sem þátttakendur uppskera:
• Aukið sjálfstraust, sterkari sjálfsmynd og trú á eigin getu
• Hugrekki til að segja sína skoðun óháð áliti annarra
• Kjark til að tala um eigin líðan og annarra
• Leiðir til að eignast vini, bæta samskipti og styrkja sambönd
• Þor til að koma hugmyndum sínum á framfæri og hafa áhrif
• Betra skipulag og skýrari markmið
• Jákvætt viðhorf og kvíða/streitustjórnun
Námskeið hefjast:
10 til 12 ára 28. janúar 10.00 -13.00 átta laugardaga í röð
13 til 15 ára 26. janúar 17.00 - 20.30 einu sinni í viku, 9 skipti
16 til 19 ára 25. janúar 18.00 -22.00 einu sinni í viku, 9 skipti
20 til 25 ára 24. janúar 18.00 -22.00 einu sinni í viku, 9 skipti
Gleðileg ný samskipti
Skráning á dale.is eða 555 7080
Ókeypis kynningartími dale.is/ungtfolk
*Hægt er að nota frístundastyrki bæjarfélaga sem greiðslu - Youth_Ad_121322
Aðalmeðferð fór fram í bóta-
máli Tony Omos gegn íslenska
ríkinu í gær. Lögreglurann-
sókn gegn honum var felld
niður eftir sjö og hálft ár.
kristinnhaukur@frettabladid.is
dómsmál Tony Omos, sem vistaður
var í rúmar tvær vikur í gæsluvarð-
haldi og var sakborningur í á átt-
unda ár, sagði fyrir dómi í gær að
meðferð lögreglunnar hefði haft
mikil áhrif á sig. Hann væri hrædd-
ur í hvert skipti sem hann keyrði
nálægt Litla-Hrauni þar sem hann
var vistaður.
„Þeir voru með hund og ég var
mjög hræddur,“ sagði Tony í vitna-
stólnum um handtökuna og hús-
leitina á heimili hans í Kef lavík
þann 6. september árið 2012. Mál
sem átti eftir að draga dilk á eftir sér
og að lokum leiða til þess að Hanna
Birna Kristjánsdóttir innanríkisráð-
herra sagði af sér og aðstoðarmaður
hennar, Gísli Freyr Valdórsson, var
dæmdur í skilorðsbundið fangelsi
fyrir hið svokallaða lekamál.
Tony, sem er frá Nígeríu, krefst 4
milljóna króna í bætur, með vöxtum
rúm tíu ár aftur í tímann, vegna
málsins en hann var sakaður um
að stunda mansal og trúnaðarupp-
lýsingum um hann lekið úr ráðu-
neytinu. Lögreglurannsóknin gegn
Tony var hins vegar felld niður.
„Ég mátti ekki tala við neinn. Mig
dreymdi mjög mikið og ég hélt að
fólkið þarna vildi drepa mig,“ sagði
Tony en hann var í gæsluvarðhaldi
og einangrun í fimm daga áður en
hann var yfirheyrður. Hann sagðist
hugsa mjög mikið um þennan tíma
og ræða það við eiginkonu sína, Eve-
lyn, sem var ein sjö kvenna frá Níg-
eríu sem lögreglan hafði til rann-
sóknar. Þau eiga í dag þrjú börn og
búa í Keflavík og hann starfar sem
leigubílstjóri. Tony sagði málið og
fjölmiðlaumfjöllunina hafa haft
áhrif á atvinnumöguleika sína.
Guðmundur Sigurðsson, rann-
sóknarlögreglumaður á Suður-
nesjum, lýsti aðdraganda rann-
sóknarinnar. Lögreglunni fannst
grunsamlegt að sjö nígerískar
konur, annað hvort ófrískar eða
með börn, kæmu frá sama svæðinu
til Íslands á ellefu mánaða tímabili,
sumar með tengsl við Tony sem
var þá hælisleitandi. Þá hafi félags-
þjónustan í Reykjanesbæ látið lög-
regluna vita að Tony væri að klæðast
dýrum fatnaði og væri með dýra
hluti, en innkoman hans væri lítil.
Var því ákveðið að fara í húsleit þar
sem haldlagðir voru munir, sem
sumir hverjir voru ætlað þýfi. Þar á
meðal 17 jakkar, 14 gallabuxur og 19
pör af skóm.
„Það er ekkert óeðlilegt að lög-
reglan sé á varðbergi þegar allar
þessar konur flykkjast til landsins,“
sagði Óskar Thorarensen, lögmaður
ríkisins, sem jafnframt hafnaði
öllum ásökunum um að lögreglan
hefði beitt vanvirðandi eða ólög-
mætri þvingun, eða gengið of langt
í sínum rannsóknum. En lögreglan
gerði fjárhagsrannsókn, líkams-
rannsókn og erfðafræðirannsókn
á Tony og öðrum aðilum málsins.
Kom þá í ljós að ein konan væri hálf-
systir hans.
Sagði Óskar málið umfangsmikið,
að Tony hefði verið tvísaga í skýrslu-
tökum og bæri því eigin sök. Á end-
anum hefði málið verið látið niður
falla vegna fyrningar.
Kristján Ágúst Flygenring, lög-
maður Tony, sagði að sönnunargögn
í málinu hefðu verið af verulega
skornum skammti og meðalhófs
hefði ekki verið gætt. Eftir skýrslu-
töku af Tony í desember árið 2013
hefði ekkert gerst frekar í rannsókn
málsins og ekkert sem réttlætti að
hann væri með réttarstöðu sak-
bornings í mörg ár til viðbótar.
„Ekki verður annað séð en að
reynt hafi verið að tengja hann við
ýmis af brot, þar á meðal mansal,“
sagði Kristján og vísaði til leka-
málsins. Jafnframt að enginn fótur
hefði verið fyrir þessum ásökunum
á hendur honum. n
Óttast að keyra nálægt Litla-Hrauni
Omos krefur
íslenska ríkið
um 4 milljónir
vegna með-
ferðar lög-
reglunnar og
gæsluvarðhalds.
Fréttablaðið/
anton brink
bth@frettabladid.is
Náttúruvá Snjóf lóð sem féllu á
Ólafs fjarðar veg í fyrrinótt voru
allt að sex metra þykk. Vegagerðin
ruddi veginn.
Samkvæmt Veðurstofunni er
óvenjulegur veikleiki í snjónum á
Norðurlandi þessa dagana.
Eru ökumenn á vélsleðum sér-
staklega varaðir við og beðnir
að fara varlega í fjalllendi og á sú
aðvörun um alla aðra sem ferðast
utan alfaraleiðar fyrir norðan. n
Tvö stór snjóflóð
á Ólafsfjarðarvegi
Nærri Ólafsfirði. Fréttablaðið/JSE
kristinnpall@frettabladid.is
FasteigNir Húsnæðisverð á Íslandi
hækkaði um 246,55 prósent frá
árinu 2010 fram á þriðja ársfjórðung
síðasta árs. Aðeins í Tyrklandi hefur
húsnæðisverð hækkað meira á sama
tímabili. Á sama tíma hefur hús-
næðisverð lækkað á Spáni, Kýpur
og Ítalíu.
Þetta kemur fram í nýrri saman-
tekt Eurostat, tölfræðiveitu Evrópu-
sambandsins, á þróun húsnæðis-
verðs síðastliðin ár. Ef nánar er rýnt
í þróunina kemur fram að fasteigna-
verð hérlendis hafi hækkað á hverju
ári frá 2010. n
Verðhækkunin sú
næstmesta í ESB
Aðeins í Tyrklandi hefur húsnæðis-
verð hækkað meira en á Íslandi.
Þuríður segir Ísland orðið algjört biðlistaland
4 Fréttir 11. janúar 2023 MIÐVIKUDAGURFréttablaðið