Borgfirðingabók - 01.12.2009, Side 6

6 Borgfirðingabók 2009
nýsköpun, réttlætir löngun og viðleitni Íslendinga til að lifa saman
sem fullvalda þjóð.
Borgfirðingabók er ofurlítið framlag til íslenskrar menningar. Í
henni birtast frásagnir, sögur og ljóð og margháttaðar upprifjanir á
íslensku þjóðlífi fyrr og nú. Fjölmargir hafa lagt henni til efni. Drýgst
til að miðla reynslu til nútíðar og framtíðar hefur verið roskið fólk og
gamalt, sem lifað hefur tímana tvenna og hefur frá mörgu að segja.
Einmitt í þessu sýnir sig mikilvægt hlutverk aldraðra í þjóðfélaginu.
Ég sem þessar línur rita hef verið ritstjóri Borgfirðingabókar frá
því að ársritið var endurvakið árið 2004, nú í ár ásamt Snorra Þor-
steinssyni. Mér er nú efst í huga innilegt þakklæti til allra þeirra sem
lagt hafa ritinu til efni, fjölbreytilega texta, myndir eða upplýsingar.
Þeir eru svo margir að ég má ekki upp telja. Þó verð ég sérstaklega að
þakka ritnefndarfólki sem með mér starfaði á liðnum árum, Snjólaugu
Guðmundsdóttur og Þóru Magnúsdóttur, Bjarna Valtý Guðjónssyni
prófarkalesara, Áslaugu Þorvaldsdóttur ljósmyndara og ekki síst
Snorra Þorsteinssyni, sem verið hefur formaður Sögufélags Borgar-
fjarðar og annast allar fjárreiður Borgfirðingabókar. Nýju ritnefndar-
fólki, Ásdísi Helgu Bjarnadóttur og Eggerti Sólbergi Jónssyni óska
ég heilla.