Borgfirðingabók - 01.12.2009, Qupperneq 19

19Borgfirðingabók 2009
í vinnu utan héraðs, mig minnir
við vegagerð og sláturhússtörf (á
Hvammstanga?) og líklega víðar.
Kristín hafði verið í Reykjavík
við nám í hússtjórnarskóla,
fatasaumi á klæðskeravinnustofu og
garðyrkjunámi í Gróðrarstöðinni hjá
Einari Helgasyni, sem var þekktur
garðyrkjufrömuður. Þetta nám
nýttist henni allt vel seinna nema
helst hússtjórnarnámið. Reyndar var
hún einn vetur ráðskona á Húsafelli
hjá Þorsteini Þorsteinssyni eftir að
hann missti konu sína. Magnús fór
snemma að vera í Stafholti á vetrum
hjá séra Gísla Einarssyni og frú
Vigdísi Pálsdóttur en við heyskap
á Laxfossi á sumrin. Hann var
seinna lengi viðloðandi í Stafholti,
bjó þar síðast félagsbúi með Jóni
Brynjólfssyni frá Hlöðutúni og Ragnari Pálssyni frá Arnarholti. Það
var áður en þeir Ragnar keyptu Hvítsstaði og fóru að búa þar. Jón
hafði verið í vetrarvist í Svignaskarði hjá Guðmundi Daníelssyni
og Guðbjörgu Sæmundsdóttur. Líka var hann í Arnarholti hjá Hirti
Snorrasyni og Ragnheiði Torfadóttur. Hjörtur var alþingismaður og
gegndi ýmsu félagsmálastússi. Búsýslan mæddi því mikið á Ragn-
heiði sem var stórhuga búkona. Ég kom stundum á heimili Ragnheiðar
í Reykjavík, eftir að hún var flutt þangað, því að ég var kunnugur
Ásgeiri bókaverði syni hennar. Henni varð þá tíðrætt við mig um
Jón á Laxfossi og hældi honum á hvert reipi fyrir dugnað, glaðlyndi
og aðra mannkosti. Henni fannst Jón hafa verið sér mikil stoð við
búskapinn.
Systkinin höfðu vanist bústörfum allt frá barnæsku og kunnu
ágætlega til allra hefðbundinna verka, hvert á sínu verksviði. Þau voru
mjög vinnusöm og slógu aldrei slöku við því að brýn verkefni fylgdu
hverri dagstund og árstíð. Verkaskipting var í allföstum skorðum og
skýr aðgreining á verksviði karla og kvenna.
Kvennaverkin inni við voru m. a. dagleg matseld sem Elísabet
annaðist alveg þangað til Hólmfríður kona Jóns tók við búsforráðum.
Þorsteinn Snorrason á Sporði.