Borgfirðingabók - 01.12.2009, Side 29

29Borgfirðingabók 2009
Þetta verk er forgengilegt eins og önnur mannanna verk. Það er
því verkefni komandi kynslóða að halda vörðunni við svo sem þurfa
þykir á hverjum tíma.
Frásögn af framkvæmd verksins
Við Geir Þorleifsson
lögðum af stað frá Beig-
alda um kl. 04:00 að
nóttu að Grenjum. Þegar
þangað kom voru Þiðrik
og Haukur búnir að
binda í bagga klyfjar á
þrjá reiðingshesta sem
voru sandur og sement
í réttum hlutföllum og
4 borðfjalir tveggja
metra langar sem notað-
ar voru sem réttskeiðar
við hleðslu á vörðunni,
og ýmis smá áhöld.
Eftir gott morgunkaffi á Grenjum voru baggar látnir til klakks og
lestin fetaði sig götuna á leið til Grenjadals og hefur horfið sjónum
heimamanna við Heiðarvörðuna.
Minnisvarðanum var valinn staður þar sem hinar gömlu götur úr
Grenjadal og Hraundal mætast sunnan við rætur Lambafells, 400
metrum sunnan gangnamannahússins og 20 metrum austan gras-
lautarinnar þar sem Sveinn laut að grasi.
Geir og Þiðrik voru hleðslumenn en við Haukur vorum í hlutverki
handlangara, bárum að hraunhellur í hleðsluna, hrærðum steypuna
og fleira. Nú kom sér vel að Geir tók með sér múrexi, því höggva
þurfti vankanta af sumum hraunhellunum. Vatn í steypuna var sótt í
hraungjótu miðja vegu til gangnamannahússins þar sem vatn aldrei
þrýtur og var notað á þessum tíma í haustleitum.
Minnisvarðinn ásamt höfundi og Guðrúnu
Lilju, dótturbarni. Grímsstaðamúli, til vinstri
Rauðakúla í bakgrunni.