Borgfirðingabók - 01.12.2009, Side 32

2 Borgfirðingabók 2009
RAGNAR SVEINN OLGEIRSSON
Höfundur tvítugur.
Borgarnes í æsku minni
Eftir 1940
(Í Borgfirðingabók í fyrra, 2008, birtust brot úr endurminningum
Ragnars Sveins Olgeirssonar undir fyrirsögninni Borgarnes í æsku
minni. Hér verður nú fram haldið sem þá var frá horfið.)
Eins og áður hefur komið fram kom her hans hátignar Bretakonungs
hingað til lands á vordögum 1940. Þá varð gerbylting í lífi fátækrar
þjóðar sem fram að þeim tíma hafði að mestu lifað við eymdarkjör.
Karlar fengu vinnu við að byggja yfir hermennina og einnig vegi
um braggahverfin sem voru á Bæjar-Jónstúni, Svarfhóls-Jónstúni,
gamla íþróttavellinum og Vegamótum, bæði þar sem Húsasmiðjan er
nú með starfsemi sína og einnig þar sem Mjólkurbúið reis seinna og
Loftorka er með sína aðstöðu á gamla íþróttavellinum.
Í vegavinnu
Sumarið 1939 tók Guðjón Bachmann mig í vegavinnu. Þar var flokks-
stjóri Þórður Jónsson, fremur lágvaxinn, áhugamaður ágætur. Mat-
ráðskona var Áslaug Bachmann, mjög góð; starfaði hún við þetta í
mörg sumur. Þarna var einnig maður hennar, Karl Eyjólfur Jónsson,
og tók hann við flokksstjórn á þriðja sumri mínu 1941. Mitt starf