Borgfirðingabók - 01.12.2009, Qupperneq 80

80 Borgfirðingabók 2009
Var það allt vel og snyrtilega unnið. Hann var góður lesari og las
jafnan húslestur meðan það tíðkaðist. Hann las mikið og átti gott safn
bóka. Hann keypti fyrsta útvarpstæki sem kom á heimilið. Jakob var
hagmæltur, átti létt með að kasta fram vísu og orti gjarna undir dýrum
bragarháttum. Í bréfi er Kristleifur Þorsteinsson skrifaði til Vestur-
Íslendinga í nóvember 190 er eftirfarandi frásögn:
Guðný Snorradóttir dó 1852 og var jörðuð í Húsafellskirkjugarði.
Eftir það tók að fyrnast yfir helgi þessa grafreits, þar til séra Snorri
birtist í draumi Jakobi Guðmundssyni vinnumanni á Húsafelli. Bað
prestur Jakob að endurreisa kirkjugarðinn, svo að klaufdýrin træðu
ekki á leiði sínu. Þessi draumur endurtók sig þrisvar sinnum og bar
prestur alltaf fram hina sömu ósk, en bætti við síðasta skiptið, að
hann ætlaði ekki að beiðast þessa oftar. Næsta vor lét Jakob af eigin
fé reisa vandaða girðingu með vírneti og steyptum stöplum.

Á fimmta áratugnum fékk hann öðru sinni hvatningu frá sr. Snorra
í þetta sinn um endureisn kirkju. Hann varð sér úti um teikningu frá
Ásgrími Jónssyni og átti síðar góðan hlut að byggingu kirkjunnar.
Jakob var fróðleiksmaður, en syrgði alla ævi að hafa ekki getað nýtt
tækifæri til mennta er honum bauðst. Hann var skapmikill og gat
Jakob Guðmundsson f. 1. júní 1873 vinnumaður á Húsafelli skilur mjólkina
árið 1953, áttræður farinn að heilsu en reynir að gera gagn í búrinu.