Borgfirðingabók - 01.12.2009, Síða 161

161Borgfirðingabók 2009
Rannsóknir á þjóðmenningarstað
Fræðastarf Snorrastofu í Reykholti
Undanfarin ár hefur Snorrastofa í Reykholti, sem er sjálfseignarstofnun,
stundað og tekið þátt í fjölda rannsókna. Öflugt fræðastarfið er yfirleitt
stundað í alþjóðlegu samhengi, en vísindamenn á sviði miðaldafræða
um heim allan vinna náið saman með Snorrastofu. Auk rannsókna
sinnir stofnunin einnig ýmissi annarri starfsemi til kynningar á ís-
lenskri miðaldamenningu, og hefur Reykholt og Snorri Sturluson þar
vitaskuld forgang.
Hugmyndin um rannsóknatengingu kom fram í stjórn Snorrastofu
vorið 1998, og á grundvelli hennar var höfundur þessarar greinar
ráðinn til starfa sem forstöðumaður. Byggja átti upp háskólatengda
starfsemi í Reykholti og þróa samvinnu við skyldar menntastofnanir
heima og erlendis. Farið var með hugmyndina til Björns Bjarnasonar
menntamálaráðherra, sem hafði vakið máls á því að í Reykholti yrði,
í tengslum við Snorrastofu, eins konar evrópskt menningarsetur þar
sem stunduð yrðu miðaldafræði og rannsóknir á fornminjum. Þessi
áhersla í starfsemi stofnunarinnar varð síðan að veruleika þrátt fyrir
ýmsar hindranir og hefur rannsóknarþátturinn eflst stöðugt með árun-
um.
Virtar rannsóknarstarfstofnanir staðsettar fjarri háskólamiðstöðv-
um og stórborgum eru til víða, enda oft talið álitlegur kostur fyrir
fræðilegt starf að vera laus við skarkala og ónæði þéttbýlis. Vegna
nútímatækni og stöðugt öflugri samgangna verður tæpast sagt að stað-
BERGUR ÞORGEIRSSON