Borgfirðingabók - 01.12.2009, Blaðsíða 172

172 Borgfirðingabók 2009
Leiksýningar í Lundarreykjadal
Leiklistarstarf Lunddælinga mun allt vera bundið Ungmennafélag-
inu Dagrenningu sem stofnað var árið 1911. Aðalhvatamaður að stofn-
un þess og fyrsti formaður var Jón Ívarsson frá Snældubeinsstöðum
sem verið hafði meðal stofnfélaga Ungmennafélags Reykdæla þrem
árum fyrr og í fyrstu stjórn þess. Jón var farkennari í Lundarreykjadal
veturinn áður en félagið var stofnað. Þó nokkrir Reykdælir, þ. á m. þrír
stofnfélagar Umf. Reykdæla aðrir en Jón fluttust í Lundarreykjadal
á næstu árum og áratugum. Einnig fluttu Eyrarbræður í Flókadal sig
úr Umf. Reykdæla í Dagrenningu, trúlega vegna þess að skemmra
var að sækja fundi og ekki yfir á að fara. Það er því líklegt að reyk-
dælskra áhrifa hafi gætt í Umf. Dagrenningu, en Reykdælir voru
nokkru fyrr á ferð með leiksýningar, enda fyrr komnir með eigið húsa-
skjól. Kunnugt er að sumir þeir Reykdælir sem fluttust suður yfir
hálsa höfðu áður stigið á svið í Reykholtsdalnum. Það þótti í frásögur
færandi að Þorsteinn Kristleifsson frá Stóra-Kroppi, lengst af bóndi
á Gullberastöðum, lék Skugga-Svein í Reykholtsdalnum og gerði
áhorfendum svo bilt við þegar hann kom inn á sviðið og hrópaði
„drepum, drepum“, að sumum lá við öngviti.
Það er af félögum Dagrenningar að segja að árið 1916 byggja þeir
félaginu hús að Lundi sem enn stendur. Þetta hús var síðan aukið
nokkuð og gerðar á því breytingar og lagfæringar eftir því sem tímar
liðu. Fljótlega eftir að húsið er risið á Lundi er farið að tala um að
halda skemmtifund. Þess er getið í gerðabók félagsins að 2. janúar
ÓLAFUR JÓHANNESSON