Borgfirðingabók - 01.12.2009, Síða 176

176 Borgfirðingabók 2009
væðingu Íslendinga. Var sýnt fyrir fullu húsi og dansað á eftir. Sýning-
in var endurtekin skömmu síðar við góða aðsókn. Herbíll og fallbyssa
blöstu við komufólki í Brautartungu og hermenn með byssur um öxl.
Á samkomum 1. maí 1996 var Íslenski herinn sýndur í Grundarfirði
og Ólafsvík að bón verkalýðsfélaga þar vestra, og var verkið þá lagað
nokkuð að nýjum og breyttum aðstæðum. Ekið var með leikmynd og
aðrar nauðsynjar á gömlum herbíl vestur á Nes.
Sjálfstætt fólk eftir Halldór Laxness var sett á svið síðla árs 1996
og sýnt fram yfir nýár. Hjalti Rögnvaldsson átti hugmyndina að verk-
efnavali og hugðist stýra verkinu en gat ekki komið því við er til átti
að taka. Hann hafði þó lagt drög að efnistökum og leikmynd áður
en hann varð frá að hverfa. Þórunn Magnea Magnúsdóttir hljóp í
skarðið og fylgdi þeim hugmyndum sem Hjalti hafði lagt upp með.
Leikgerðin var heimagerð og mótuð af Hjalta, Þórunni Magneu og
Gísla Einarssyni.
Þegar skammt var til frumsýningar kom
babb í bátinn. Ólafur Ragnarsson taldi
að höfundarréttur útgáfufyrirtækis síns,
Vöku Helgafells, hefði verið sniðgenginn
og bannaði hann sýningu verksins. Þá
kom Auður Sveinsdóttir, eiginkona höf-
undarins, til hjálpar og bjargaði málum
á ögurstundu. Sjálfstætt fólk var sýnt í
Brautartungu sautján sinnum við góða
aðsókn. Kafli úr verkinu var sýndur á
útisviði á Hvanneyri á Borgfirðingahátíð
sumarið eftir. Uppsetning þeirra Hjalta
og Þórunnar Magneu á Sjálfstæðu fólki
markaði tímamót í borgfirsku leikhúsi að
umfangi og formi til.
Vorið 1998 var leiklesið úr Þorpinu eftir
Jón úr Vör á skemmtisamkomu í Brautar-
tungu. Var það í lok leiklistarnámskeiðs
þar sem Valgeir Skagfjörð leiðbeindi.
Hildur Jósteinsdóttir í hlutverki Snæfríðar
Íslandssólar í Íslandsklukkunni.
Ljósm. Skessuhorn.