Borgfirðingabók - 01.12.2009, Qupperneq 178

178 Borgfirðingabók 2009
hefur verið stór á öllum sýningu félagsins síðan leikdeildin var stofn-
uð, en hann hefur sett upp ljós og veitt tæknilega aðstoð.
Alla tíð hefur verið gott samstarf milli ungmennafélaganna í hérað-
inu varðandi leiksýningar. Meðal annars hafa þau lánað hvert öðru
nauðsynjamuni eftir þörfum. Jafnvel leikarar hafa verið fengnir að
láni.
Í nokkur skipti hafa leikfélög utan héraðs sýnt leikverk sín á sviði
í Brautartungu og auk þess hefur ungmennafélagið annað slagið
um langt skeið efnt til leikhúsferða innan héraðs og utan. Oftast til
Reykjavíkur en lengst hefur verið farið til Akureyrar.
Hér hefur verið stiklað á stóru um viðleitni Lunddælinga til að
auðga menningarlíf samfélagsins með leiksýningum af einhverju
tagi. Auðvitað var það af vanefnum gert framan af árum á mælikvarða
nútímans, enda voru skilyrðin ólík, en merkilegt framtak engu að
síður. Gerðabækur ungmennafélagsins eru fáorðar um þessa viðburði,
og þeir sem fyrstir stigu á svið í Lundarhúsin gamla eru ekki lengur til
frásagnar. Þessi frásögn er því nokkuð götótt þegar lengst er seilst inn
í fortíðina. Að síðustu skal þeim þakkað er lögðu þessari samantekt til
nokkurn fróðleik – eða myndir. Virði lesendur viljann fyrir verkið.
Leiðrétting
Í Borgfirðingabók í fyrra, 2008, voru birtar árferðislýsingar árin 1914-
1922, skráðar af Jóni Jónssyni, sem lengi var vinnumaður á Gilsbakka
og bóndi í Árdal í Andakíl 1932-63. Í inngangi ritstjóra var þess m. a.
getið að Jón hefði verið kvæntur og átt Halldóru Hjartardóttur. Sagt
var að þau hefðu skilið, en það er rangt. Ritstjóri biðst afsökunar á
þessari missögn.
FTH