Borgfirðingabók - 01.12.2009, Blaðsíða 186

186 Borgfirðingabók 2009
HELGI BJARNASON
Hvar urðu Heiðarvíg?
(Höfundur tók ljósmyndirnar)
Enginn veit hvaða stað höfundur Heiðarvíga sögu hafði í huga þegar
hann lýsti syðra víginu á Tvídægru, bardagastaðnum sjálfum. Lýs-
ingin í sögunni er ekki nógu nákvæm til þess að hægt sé að átta sig
fullkomlega á því. Vötn og tjarnir eru óteljandi á Tvídægru og margir
tangar, nes og hólmar í þeim. Það flækir einnig málið að tvær leiðir
eru yfir heiðina og mismunandi útfærslur á báðum.
Heiðarvíg á Tvídægru eiga sér langan aðdraganda í sögunni, hátt
á annan áratug. Þar skiptast á hefndir og gagnhefndir með miklum
mannvígum. Sagan nær hámarki með frásögnum af orrustunni á Tví-
dægru árið 1014, öll atburðarásin stefnir að henni.
Í Heiðarvígum áttust við Húnvetningar og Borgfirðingar. Nítján
manna flokkur Húnvetninga undir forystu Barða Guðmundssonar
(Víga-Barða) í Ásbjarnarnesi í Vesturhópi reið í hefndarhug yfir Tví-
dægru og niður í Hvítársíðu. Eftir að þeir höfðu vegið Gísla Þorgauts-
son þar sem hann hafði verið að slætti með bræðrum sínum á Gullteigi
við Þorgautsstaði héldu þeir sömu leið til baka. Borgfirðingar söfnuðu
liði og urðu þrír bardagar í tanga í vatni í sunnanverðum Vatnaflóa
þar sem Húnvetningar ákváðu að verjast. Borgfirðingar komu í litlum
flokkum og var ójafn leikurinn þangað til þeir Barði sáu til megin
liðssafnaður Borgfirðinga og riðu undan. Borgfirðingar urðu frá að
hverfa vegna þoku. Voru þá átta menn sunnan fallnir, að því er fram