Borgfirðingabók - 01.12.2009, Qupperneq 198

198 Borgfirðingabók 2009
ast víða um heiðina þegar Borgfirðingar ráku flóttann og leikurinn
borist alveg norður undir byggð í Húnavatnssýslu. Meðal annars er
Skeljaháls, Fyrirsátur og Hveranes nefnd til sögunnar, Mordísarhæð
á Arnarvatnshæðum og Haugar við Víðidalsá.
Sjálfur nefnir Jón að sumar sögurnar séu ótrúlegar. Þá vekur Kå-
lund athygli á því að frásagnir Jóns séu ruglingslegar á köflum og
blandist saman við þjóðsöguna af Hellismönnum í Surtshelli. Margir
staðirnir virðast tengjast dysjum og haugum úr fornum sið, og rifjar
Kålund upp í því sambandi að Heiðarvíg hafi átt sér stað eftir kristni-
töku.
Hvar er svo bardagastaðurinn?
Svarið við spurningunni um það hvar Heiðarvíg urðu verður svo sem
ekki annað en hægt var að sjá fyrir í upphafi. Nokkrir staðir koma til
greina en enginn einn fellur algerlega að skilyrðum sögunnar.
Bardagastaðurinn þyrfti helst að fullnægja öllum þeim skilyrðum
sem nefnd hafa verið. Þau hafa ekki öll verið mátuð við staðina, til
þess skortir enn upplýsingar um aðstæður. Helstu skilyrði:
Hann þarf að teljast til Borgarfjarðar.
Hann þarf að vera í Flóa (Vatnaflóa) sunnanverðum.
Hann þarf að vera við reiðfæra leið úr Kjarardal í Núpsdal.
Hann þarf að vera við Dofinsfjöll.
Þar þarf að vera við vatn, í tanga sem er 18 manna breidd og pláss
fyrir hesta frammi.
Hann þarf að vera í réttri afstöðu til nyrðra vígisins (þar sem tang-
inn er helmingi mjórri).
Þaðan þarf að sjást tímanlega til eftirreiðarmanna.
Skammt frá eiðinu þarf að vera mólendi.
Þótt vestari leiðin sé illfær ríðandi mönnum að sumri til er að sjálf-
sögðu ekki óhugsandi að Barði og félagar hafi farið þar um. Leiðin
var jafn seinfær eftirreiðarmönnum. Þá er Barði mikil hetja í sögunni
og jafnvel talinn göldróttur. Hvað ætli einn fúaflói standi fyrir þannig
manni?