Fréttablaðið - 24.01.2023, Blaðsíða 28

Ísland vann bæði Svíþjóð og Frakk-
land í riðlinum en þau mættust í
úrslitaleiknum síðar í mótinu.
Ísland vann átta af tíu
leikjum á mótinu og
tapaði aðeins einum
leik, gegn Ungverjum í
átta liða úrslitunum.
Ungverjar náðu 11-3
kafla á síðustu átján
mínútum leiksins.
Um árabil hefur verið talað
um Svíagrýluna í handbolta
og Danagrýluna í knatt-
spyrnu. Þá hafa Króatar
reynst landsliðum okkar
erfiðir á öllum sviðum en
svo virðist sem ný grýla sé
vöknuð til lífs. Ungverjar
standa sífellt í vegi Íslands á
ögurstundum.
kristinnpall@frettabladid.is
Strákarnir okkar í handboltalands-
liðinu eru á heimleið af Heims-
meistaramótinu í handbolta þar
sem tapið gegn Ungverjum reyndist
örlagavaldur. Ungverjar fóru áfram
á innbyrðis viðureignum og skildu
Strákana okkar eftir í sárum. Margir
voru á því að Ísland gæti einfaldlega
orðið heimsmeistari en tólfta sætið
reynist líklegast niðurstaðan.
Þetta er ekki í fyrsta skiptið sem
Ungverjar kremja íslensk hjörtu á
ögurstundu. Fréttablaðið tók saman
nokkur dæmi það þegar Ungverjar
gerðu út um íslenska drauma. n
Alltaf eru það
Ungverjarnir
1997
Komið í veg fyrir leik um
verðlaunasæti
Á HM 1997 í Japan vann Ísland átta
af fyrstu tíu leikjunum og tapaði
aðeins einum leik. Eftir nánast full-
komna riðlakeppni þar sem Ísland
vann riðilinn unnu Strákarnir okkar
Norðmenn í 16 liða úrslitunum
áður en þeir voru stöðvaðir af Ung-
verjum. Róbert Júlián Duranona
fór fyrir íslenska liðinu sem tapaði
með einu marki í Kumamoto.
Íslenska liðið vann leiki gegn Spáni
og Egyptalandi og lenti í fimmta
sæti á mótinu sem er enn þann dag
í dag besti árangur Íslands á HM.
2012
Vítið sem fór í súginn
Burðarásarnir úr silfurliðinu fjórum árum áður voru
flestir til staðar. Ísland vann alla fimm leikina í riðl-
inum, þar á meðal eins marks sigur á verðandi Ól-
ympíumeisturum Frakka. Ungverjar biðu Íslendinga
í átta liða úrslitunum í leik sem fæstir gleyma. Ísland
fékk vítakast þegar fjórtán sekúndur voru eftir og
marki yfir en vítið frá Snorra Steini Guðjónssyni var
varið af Nándor Fazekas og Ungverjar keyrðu upp
hraðaupphlaup og jöfnuðu þegar tvær sekúndur
voru eftir. Ekki tókst að knýja fram sigur í fyrri hluta
framlengingarinnar en í þeirri seinni náðu Ungverjar
að standast lokaáhlaup Íslands og fögnuðu sigr-
inum.
2020
Stórmótaganga karlalandsliðsins stöðvuð
Íslenska karlalandsliðið í knattspyrnu undir stjórn Eriks
Hamrén virtist vera á leiðinni á sitt þriðja stórmót í röð
þegar skammt var til leiksloka á tómum þjóðarleikvangi
Ungverja. Á lokamínútum leiksins jöfnuðu Ungverjar
leikinn með heppnismarki eftir darraðardans í teig Ís-
lands en Ungverjar áttu enn eftir að gera endanlega út
um vonir Íslands. Í uppbótartíma var það vonarstjarna
Ungverja, Dominik Szoboszlai, sem tók málin í sínar
hendur og skoraði með stórkostlegu einstaklingsfram-
taki og gerði út um vonir karlaliðs Íslands um að komast
á annað Evrópumótið í röð og þriðja stórmótið.
2023
Heimsmeistaradraumar
urðu að engu
Í hálfleik leiksins gegn Ungverjum
þann 14. janúar síðastliðinn voru
eflaust margir sem hugsuðu sér
gott til glóðarinnar og fóru að
skoða ferð á útsláttarkeppni HM.
Ísland var búið að vera frábært í
fyrri hálfleik og leiddi með fimm
mörkum gegn Ungverjum og
umræðan um verðlaunasæti ekki
langt undan. Munurinn fór mest
upp í sex mörk en þá fór allt í
skrúfuna. Hér varð hrun og í Sví-
þjóð líka. Íslenska liðið átti engin
svör á lokakaflanum og Ungverjar
unnu tveggja marka sigur sem
reyndist örlagavaldurinn þar sem
Ungverjar fara áfram í átta liða
úrslitin á innbyrðis viðureignum
gegn Íslandi.
Ungverjaland hefur
unnið fimm af sjö
leikjum gegn Íslandi á
HM í handbolta.
24 lífið FRÉTTABLAÐIÐ 24. jAnúAR 2023
ÞRiðJUDAGUR