Fréttablaðið - 24.02.2023, Blaðsíða 6
Hagsmunir Íslendinga
í deilunni snúast að
miklu leyti um tengi-
flug Icelandair í Kefla-
vík.
Þetta er mjög vand-
ræðalegt fyrir íslensk
stjórnvöld.
Auður Önnu
Magnúsdóttir,
Landvernd
kristinnpall@frettabladid.is
VESTURBYGGÐ Bæjarráð Vestur-
byggðar hefur gefið grænt ljós á
að Golfklúbbur Patreksfjarðar fái
heimild til að virkja ána Botnsá við
klúbbhús félagsins.
Golf k lúbbur inn v ill byg g ja
heimavirkjun, steypt inntaks-
mannvirki sem skili um 10kW úr
Botnsá til eigin nota.
Í bréfi frá klúbbnum kemur fram
að starfsemin sé að aukast en vegna
skorts á orku þurfi að hita golfskál-
ann upp með jarðefnaeldsneyti.
Með virkjun verði eignum félagsins
bjargað á umhverfisvænni máta.
„Menn innan klúbbsins komu
með þessa hugmynd um að virkja
ána við klúbbhúsið. Ástæðan er sú
að við fáum hvergi rafmagn, við
erum of langt frá línunni og höfum
þurft að reiða okkur á ljósavél og
gas. Þetta er orðið svo dýrt að við
náum ekki að kynda golfskálann
og hann skemmist við það,“ segir
Sigurður Viggósson, formaður golf-
klúbbsins.
„Þessi á heitir Botnsá og liggur
meðfram golfvellinum. Hún er
ekki stór og þetta telst örvirkjun.
Við teljum okkur geta náð að halda
upphituðu húsi, og jafnvel þegar
vel stendur á, boðið upp á að hlaða
golf bíla og kerrur að sumri til á
þennan máta,“ segir Sigurður og
heldur áfram:
„Þetta eru orkuskipti, úr olíu
og gasi yfir í rafmagn. Þetta hefur
mjög lítil áhrif á umhverfið og er
nauðsynlegt, því við höfum reynt
að fá lögn hingað en það er of dýrt
því við erum utan leiðarinnar.“ n
Golfklúbbur megi virkja á við völlinn
Sigurður
Viggósson,
formaður
Golfklúbbs
Patreksfjarðar
kristinnpall@frettabladid.is
AKUREYRI Heildartekjur Bifreiða-
stæðasjóðs á Akureyri á síðasta
ári vegna sekta, aukastöðugjalda
og gjaldmæla, námu tæplega 52,7
milljónum íslenskra króna. Það
dreifðist yfir átta mánaða tímabil
frá apríl þegar gjaldskylda var tekin
upp fyrir bílastæði. Þetta kom fram í
svari Akureyrarbæjar við fyrirspurn
Fréttablaðsins.
Akureyrarbær tók aftur upp
gjaldskyldu í bæjarfélaginu á síðasta
ári eftir að hafa um árabil notast við
svokallaðar bifreiðastæðaklukkur.
Ökumenn gátu þá lagt bílum sínum
gjaldfrjálst í mislanga stund eftir
svæðum.
Í svari Akureyrar kemur fram að
sektir vegna ólöglega lagðra bíla og
bíla sem var ýmist lagt of lengi í bíla-
stæði eða gleymdist að greiða fyrir,
voru 26,4 milljónir og að í heild
sinni voru 26,3 milljónir greiddar í
gjaldmæla, þar með talið íbúakort
og fastleigusvæði. n
Rúmlega fimmtíu milljónir í bílastæði
kristinnpall@frettabladid.is
VERSLUN Velta olíuverslana hér-
lendis hækkaði um 74 prósent á
milli ára miðað við veltu íslenskra
fyrirtækja, samkvæmt virðisauka-
skattsskýrslum. Veltan fór úr 143
milljörðum í 249 milljarða. Þetta
kemur fram í samantekt Hagstof-
unnar.
Heilt yfir virðist velta hafa auk-
ist í f lestum atvinnugreinum hér á
landi á milli ára. Mesti vöxturinn
átti sér stað innan ferðaþjónust-
unnar en hjá ferðaskrifstofum og
ferðaskipuleggjendum jókst veltan
úr 46 milljörðum í 118 milljarða á
síðasta ári, sem er 159 prósenta
veltuaukning.
Rekstur gististaða skilaði 121
milljarðs veltu til samanburðar við
65 milljarða veltu árið áður. n
Ársvelta olíuverslana snarhækkar
Eldsneytisverð fór á mörgum stöðum í yfir 300 krónur á lítrann.
Umrætt gjaldtímabil
stóð yfir í átta mánuði
á síðasta ári.
Framkvæmdastjóri Land-
verndar þungorð í garð
stjórnvalda. Ósjálfbær stefna
að fá sem flesta ferðamenn.
Innviða ráðherra segir talið til
marks um fákunnáttu.
bth@frettabladid.is
LOFTSLAGSMÁL Íslensk stjórnvöld
hafa komið fram með óábyrgum
hætti í loftslagsmálum með kröfum
ráðherra um sérmeðferð hjá ESB
vegna losunar frá millilandaflugi.
Þetta segir Auður Önnu Magnús-
dóttir, framkvæmdastjóri Land-
verndar.
Á sama tíma og íslensk stjórn-
völd stefna að kolefnishlutleysi
innan nokkurra ára, hraðar en flest
önnur ríki, stendur millilandaflugið
uppi án lausna um umhverfisvænar
úrbætur, að sögn Auðar. Í því ljósi
þurfi að bregðast við.
„Samdráttur í f lugi er nauðsyn-
legur. Þess vegna er rosalega skrýtið
að land sem ætlar að minnka losun
um 55 prósent fyrir árið 2030 sæki
um undanþágur frá gjöldum á losun
frá millilandaf lugi,“ segir Auður.
„Þetta er mjög vandræðalegt fyrir
íslensk stjórnvöld sem hafa sett sér
metnaðarfull markmið um kol-
efnishlutleysi.“
Auður segir að í þessu máli tali
hún sem einstaklingur. Stjórn Land-
verndar hafi ekki tekið afstöðu til
málsins. Hún gefur lítið fyrir raddir
forstjóra stóru f lugfélaganna sem
hafi spáð hruni hagkerfisins að
óbreyttu.
„Við erum ekki að tala um neina
rekstrarlega katastrófu þegar breyt-
ingarnar ná fram að ganga heldur
kannski ellefu prósenta hækkun á
flugverði,“ segir hún. „Það eru engar
tæknilausnir í sjónmáli fyrir milli-
landaflug, ólíkt stuttum flugferð-
um. Þá er ekkert annað í stöðunni
en að fljúga sjaldnar til að minnka
losun á næsta áratug.“
Auður segir að hagsmunir Íslend-
inga í deilunni snúist að miklu leyti
um tengiflug Icelandair í Keflavík.
„Hér fara mjög margir farþegar í
gegn og losa mjög mikið. Flugtök og
lendingar valda langmestri losun,“
segir hún. „Í stað þess að farþegar
fljúgi beint frá Stokkhólmi til New
York stöndum við fyrir mjög mikilli
aukamengun út af þessu aukastoppi
hér.“
Þá segir Auður að innviðir Íslands
séu komnir að þolmörkum vegna
fjölda ferðamanna. Málið sé tæki-
færi til að endurmeta ábyrgð okkar
til framtíðar.
„Við þurfum ekki f leiri ferða-
menn en 2,4 milljónir. Nú væri
kannski ágætt að ákveða hámarks-
fjölda ferðamanna hér á landi,
reyna að leggja áherslu á að þeir
sem heimsækja okkur dvelji leng-
ur. Ísland er stórkostlegt ævintýri,
Ísland er meira en þriggja daga
stopp í Reykjavík, ekki síst ef við-
koman kostar mikla mengun.“
Auður segir mótsögn felast í
gríðarlegri stækkun flugvallarins í
Keflavík á sama tíma og Ísland lýsi
yfir áætlun um að draga mikið úr
losun.
„Nei, samúð mín liggur alls ekki
hjá íslenskum stjórnvöldum í þessu
máli. Það er líka mjög skrýtið hve
þessi mótmæli Íslendinga koma
seint fram,“ segir Auður. Hún segir
fátt benda til að ESB taki mark á
óskum íslenskra stjórnvalda, enda
engin ástæða til.
Inntur viðbragða við orðum
Auðar segir Sigurður Ingi Jóhanns-
son innviðaráðherra: „Hún þyrfti að
kynna sér málið betur.“ n
Óskir um afslátt af mengun
óábyrgar og vandræðalegar
Auður Önnu Magnúsdóttir segir fækkun ferðamanna ekkert stórslys heldur tækifæri til að sýna aukna ábyrgð.
FRÉTTABLAÐIÐ/SIGTRYGGUR ARI
bth@frettabladid.is
SAMGÖNGUMÁL Deila Íslands við
ESB vegna losunargjalda af milli-
landaf lugi er í hörðum hnút. Ein
rammasta milliríkjadeila seinni
tíma kann að vera í uppsiglingu.
Sigurður Ingi Jóhannsson inn-
viðaráðherra segir að samgöngu-
ráðherrar erlendra ríkja hafi sýnt
málinu mikinn skilning. Þrátt fyrir
marga fundi hafi þó ekki tekist að fá
ESB til að breyta útfærslunni.
Álögurnar eru að sögn Sigurðar
Inga sérlega óheppilegar fyrir félög
sem reka tengif lugsmiðstöðvar.
Samkeppnishæfi raskist, hætta sé á
að farþegar velji sér f lug með þeim
sem losi mest og hafi minnstar
skyldur af því að f lug með þeim
verði ódýrara.
„Það getur þýtt meiri losun og
Deila Íslands og ESB í hörðum hnút og óljóst með árangur
Sigurður Ingi
Jóhannsson,
innviðaráðherra
þá hefur þessi aðgerð ESB þveröfug
áhrif miðað við tilganginn,“ segir
Sigurður Ingi. „Þetta skilja allir í
samgöngugeiranum, en skrifræðið
er þannig að þegar ESB er komið
af stað þá er erfitt að stoppa. Það
er mjög erfitt að ná samtali við
umhverfisvæng ESB,“ segir Sigurður
Ingi.
Spurður hvort hann hafi fengið
bein viðbrögð frá Ursulu von der
Leyen, forseta framkvæmdastjórn-
ar ESB, vegna deilunnar er svarið:
„Hún hefur ekki viljað tala við mig.“
Eitt þeirra úrræða sem Ísland
getur beitt er neitunarvald í sam-
eiginlegu EES-nefndinni. Af leið-
ingar beitingarinnar, sem yrði for-
dæmalaus, gætu orðið miklar.
„Ég trúi á skynsemi mannsins og
vilja til að hlusta á góð rök. Jafnvel
innan ESB.“ n
6 FRÉTTIR FRÉTTABLAÐIÐ 24. FEBRÚAR 2023
FÖSTUDAGUR