Veiðimaðurinn - 01.06.1980, Síða 52

Einar Hannesson
Laxá í Leirársveit
í samanburði við lög annarra þjóða, t.d.
norsk lög, hefur veiðilöggjöf okkar í veiga-
miklum atriðum reynst heilladrjúg fyrir
viðhald og vöxt íslenska laxastofnsins.
I þessu efni skulu nefnd tvö atriði, sem
skera sig úr við slíkan samanburð. Hið
fyrra er bann við laxveiði í sjó og það
síðara félagslegi þátturinn, veiðifél-
ögin. Veiðifélög komu fyrst til sögunnar
í löggjöfmni árið 1934, og frá 1970 hefur
það verið lagaskylda að stofna veiðifélög
um allar ár og vötn í landinu.
Heimastjórn veiðimála.
Veiðifélag er heimastjórn á hlutaðeig-
andi svæði. Það skipuleggur og ráðstafar
veiði og því er skylt að stunda fiskrækt.
í veiðifélagi um Laxá í Leirársveit, sem
ætlunin er nú að gera að umtalsefni, hefur
verið unnið heilladrjúgt starf að þeim
verkefnum, sem slíku félagi ber að sinna.
Óhætt er að segja, að árangurinn hafi
ekki látið á sér standa; þröskuldar hafa
verið yfirstignir, svo sem í sambandi við
hagsmunaátök um lagnetaveiði á leiru-
svæði árinnar fyrr á árum og myndun
heildarfélags um allt svæðið, og laxveiðin
hefur aukist mjög mikið. Veiðimálastjóri
og aðrir starfsmenn Veiðimálastofn-
unar hafa á grundvelli laga veitt leiðbein-
ingar og aðstoð við uppbyggingu félagsins
og framkvæmdir á vegum þess, eins og í
veiðifélagsstarfi almennt í landinu.
Veiðifélag um Laxá í Leirársveit var
stofnað árið 1934, og er það annað elsta
veiðifélag í landinu, en félagið um
Einar Hannesson
Blöndu í Austur-Húnavatnssýslu er árinu
eldra en Laxárfélagið. Blöndufélagið er
reyndar með eldri rætur, því það hafði
áður verið fiskræktarfélag allt frá árinu
1929.
Þrjátíu og fímm veiðijarðir.
Þegar veiðifélagið um Laxá var sett á lagg-
irnar, náði það aðeins til árinnar frá efri
hluta leirusvæðis (ósasvæðis) hennar og að
Eyrarfossi og tók einungis til laxveiði.
Stofnjarðir félagsins voru 19 talsins,
en síðar var félagið stækkað í báðar áttir,
þ.e. 1954 voru teknar inn í það jarðir, sem
land eiga að ám og vötnum ofan Eyrar-
foss, og síðar, 1958, bættust því allar
jarðir að ósasvæðinu. Tvöfaldaðist jarða-
fjöldi innan félagsins, og nú var félagið
búið að taka á sig nær endanlega mynd,
miðað við vatnakerfi Laxár. Það nær yfir
jarðir í þremur hreppum; Hvalfjarðar-
strandarhreppi, Skilmannahreppi og
Leirár- og Melahreppi.
50
VEIÐIMAÐURINN