Veiðimaðurinn - 01.08.1981, Qupperneq 31

eiganda, því að veiðin komst í hendur
enskrar konu, frú Kennard, um 1920.
Þetta ástand með eignarréttinn ríkti síðan
lengst af allar götur fram undir 1958, sem
fyrr segir, og það ár féllu öll veiðiréttindi
á ný undir jarðirnar, þegar leigumála í
sambandi við innlausn veiðiréttinda lauk.
Félagsmálin.
Jafnskjótt og veiðin komst á ný í hendur
landeigenda, var hafinn undirbúningur
stofnunar fiskræktarfélags um Langá og
Urriðaá, sem síðar stóð fyrir sumum þeim
framkvæmdum, sem tíundaðar hafa verið
hér að framan, en annað hefur verið unnið
á vegum einstakra landeigenda, svo sem
bygging fiskvegar í margnefndan Sveðju-
foss, hjá Grenjum og Litla—Fjalli. Auk
þess hafa landeigendur sjálfir verið að
„breyta og bæta“ ána fyrir landi sínu sem
fyrr greinir.
Veiðifélag var hinsvegar sett á laggirnar
árið 1972 og leysti af hólmi fiskræktar-
félagið eftir 12 ára starf þess. Veiðifélagið
starfar, eins og fiskræktarfélagið gerði, á
grundvelli laga um lax- og silungsveiði.
Það skipuleggur veiði og ræktun á félags-
svæðinu, er tekur til Langár sjálfrar frá ósi
í sjó að Langavatni, ásamt Urriðaá, þver-
ár Langár. Innan vébanda félagsins eru 16
jarðir og tvö afréttarlönd, sem liggja að
ánni neðan Langavatns. Jarðirnar eru allar
í Alftaneshreppi og Borgarhreppi í Mýra-
sýslu, en Langá er merkjavatn hreppanna.
Það verkefni bíður úrlausnar, að koma á fót
veiðifélagi um Langavatn og árnar, sem í
það falla, en það yrði væntanlega deild í
heildarfélagi um vatnasvæði Langár.
Eingöngu stangveiði.
Veiðieigendur við Langá hafa verið sam-
mála um, að hver einstakur landeigandi
ráðstafi veiði fyrir sínu landi og eingöngu
Við Langá Ljósm. RH
sé stunduð stangveiði á félagssvæðinu. Um
tíma var í tíð fiskræktarfélagsins beitt net-
um á neðsta hluta svæðisins, en sl. 10 ár
hefur eingöngu verið veitt á stöng. Fyrst
(1949) voru ákvarðaðar fjórar stengur til
veiða í Langá. Stangveiðiálag hefur aukist
smám saman með netaupptöku og aukinni
ræktun, og nú er leyfð alls 13 V2 stöng í
Langá og Urriðaá. Veitt er í fimm pörtum
eða svæðum í Langá, en Urriðaá er leigð út
í einu lagi. Langármenn annað hvortleigja
út veiði eða stunda sjálfir veiði fyrir sínu
landi. Sumir landeigendur hafa samvinnu
um útleigu, en aðrir eru einir á báti. Stöng-
um er skipt upp milli jarða í samræmi við
arðskrá. Þá hafa aðilar að stangveiðisvæð-
inu keypt arðshluti jarðeigenda við ósa-
svæðið (netaðastaða). Gera má ráð fyrir, að
heildarverðmæti veiði á Langársvæðinu
muni hafa numið um 40 milljónum gkr. á
sl. ári.
VEIÐIMAÐURINN
29