Ægir - 01.01.2023, Blaðsíða 11

11
Allt á uppleið nema
heilfrystur fiskur
Fleiri vöruflokkar sjávarafurða sýna
áhugaverða aukningu milli ára. Þannig
nam verðmæti frystra flaka um 86 millj-
örðum í fyrra og jókst um 21% á föstu
gengi.
Útflutningsverðmæti saltaðra og
þurrkaðra afurða jókst um 16% milli ára,
rækju um 31% og „annarra sjávaraf-
urða“ um 20% en í þeim flokki eru til að
mynda loðnuhrogn. Sem jafnframt getur
skýrt hækkun þessa afurðaflokks að
stærstum hluta. Ferskrar afurðir skiluðu
hækkun upp á 5% milli ára og sem fyrr
segir er það eingöngu vöruflokkurinn
frystur heill fiskur þar sem verður sam-
dráttur í verðmæti milli ára. Þau drógust
saman um 23% milli ára.
Sjávarafurðir aldrei lægra hlutfall
útflutningsverðmæta
Radarinn bendir á að þrátt fyrir þessa
þróun í verðmæti sjávarafurðanna og
metár þá hafi sjávarafurðir samt sem
áður aldrei verið lægra hlutfall af heild-
arverðmæti vöruútflutnings frá Íslandi.
Það segir sýna sögu um breytingar og
þróun í atvinnulífinu.
„Augljós skýring er að útflutnings-
verðmæti annarra afurða jukust talsvert
umfram sjávarafurðir á tímabilinu. Ber
hér hæst að nefna afurðir stóriðju, en
eins er veruleg aukning á öðrum iðnað-
arvörum og afurðum fiskeldis. Þar liggja
jafnframt fremur miklar verðhækkanir
en magnaukning að baki. Verðmæti
vöruútflutnings fór í fyrsta sinn yfir
1.000 milljarða króna á árinu og jókst um
36% frá fyrra ári á föstu gengi. Var hlut-
deild sjávarafurða þar með um 35% af
verðmæti vöruútflutnings á árinu sam-
anborið við 39% árið áður.“
 Út úr þessari töflu má með skýrum hætti lesa breytingar í atvinnulífinu á undanförnum árum. Áliðnaður stendur fyrir æ
hærra hlutfalli verðmætis vöruútflutnings og með sama hætti sækir fiskeldið nú í sig veðrið hvað þetta varðar. Fyrir vikið
hefur verðmæti sjávarafurða sem hlutfall af heildinni aldrei verið minna en í fyrra.
 Loðnuveiðar í fyrra voru dýrmæt innspýting fyrir sjávarútvegsgreinina og
þjóðfélagið allt. Hvað gerist í ár?