Ægir - 01.01.2023, Blaðsíða 27

27
Bylting er að eiga sér stað í línubún-
aði en norski framleiðandinn Mustad
Autoline er að setja á markaðinn nýtt
kerfi sem heitir E-line og er alfarið
knúið með rafmagni. Sigurður Óli Þór-
leifsson hjá Mustad Autoline á Íslandi
segir að fyrstu kerfi þessarar tegund-
ar hér á landi verði sett í vor í bát
sem er hér í endursmíðum fyrir kaup-
endur í Kanada en hann segist reikna
með að E-line línukerfi verði komin í
báta íslenskra útgerða innan tveggja
ára.
Hraðvirkari og
auðveldari stjórnun
„Beitningarvélin hefur verið rafdrifin í
stóru bátunum en með E-line eru bæði
uppstokkari og dráttarspil orðin rafdrifin
í stað þess að vera vökvaknúin. Þar með
er allt línukerfið orðið rafdrifið og því
fylgja margir kostir. Kerfið býður upp á
mun nákvæmari upplýsingar en áður um
veiðarnar og aflann en ein af stóru
breytingum er spilið og hvernig stýring-
in á því bregst hratt við öllum hreyfing-
um á bátnum og átaki á línuna. Sá mikli
fjöldi skynjara sem er í dráttarskífunni
gerir að verkum að hún bregst mun
hraðar og betur við. Sem dæmi eru 3600
skynjarar á dráttarskífunni nú miðað við
12 áður. Það þýðir að minna tapast af
fiski af krókunum í drætti og aflinn verð-
ur meiri sem því nemur,“ segir Sigurður
en burstasettin sem þrífa línuna og krók-
ana eru einnig knúin rafdrifnum tjökkum
í E-line kerfinu og eru hraðvirk.
Stöðugt kerfi og mikill
olíusparnaður
Sú reynsla sem komin er af E-line kerfinu
frá Mustad sýnir glögglega að ekki að-
eins er kerfið hljóðlátt miðað við vökva-
drifna búnaðinn heldur er olíunotkun
bátanna til muna minni.
„Í stærri bátunum sést að olíusparn-
aðurinn er verulegur og jafnvel meiri en
menn áttu von á þegar kerfið var þróað.
E-line spilið frá Mustad hefur verið í
norska línubátnum Loran í á þriðja ár og
á þeim tíma hefur aðeins þurft viðhalds-
vinnu í um 30 mínútur samtals, viðhald
sem allt var leyst í fjartengingu í gegnum
tölvu. Stöðugleiki búnaðarins hefur því
reynst einstaklega mikill,“ segir Sigurður
og bendir á að líkt og í allri nútíma tækni
bjóði E-line upp á stjórnun í gegnum
smáforrit í snjalltækjum og hægt er að
fjartengjast kerfinu frá landi og fylgjast
þannig með allri virkni og framvindu á
veiðunum.
„Öll stjórnun er einföld á kerfinu og
það er í heild sinni mjög aðgengilegt og
gott fyrir sjómennina, fyrir utan hversu
hljóðlátt það er. Það atriði eitt og sér
skiptir miklu fyrir þá sem vinna við línu-
kerfið um borð, eina sem heyrist er þegar
krókarnir renna eftir línurekkunum,“
segir hann.
E-line fyrir allar stærðir línubáta
E-line kerfið verður í boði fyrir allar
stærðir línubáta. „Útfærslan er svolítið
önnur á E-line kerfinu fyrir minni plast-
bátana og hún verður að fullu tilbúin frá
og með næsta hausti. Slíkt kerfi er núna í
reynslunotkun í Noregi áður en það
verður sett á markað,“ segir Sigurður en
fyrir þá sem eru með eldri Mustad línu-
kerfi í dag er mögulegt að skipta yfir í
rafknúninn búnað að hluta til, fyrir þá
sem frekar vilja.
„Margir eru hins vegar með kerfi sem
komin eru til ára sinna og sá kostur er
því oft mun hagkvæmari þegar upp er
staðið að skipta alveg um kerfi og nýta
með því alla þá kosti sem nýja E-line
kerfið hefur að bjóða. Í nýsmíðum munu
menn eflaust horfa til þessa kerfis þegar
þar að kemur en nýsmíðar eru í biðstöðu
hjá mörgum meðan samdráttur er í
kvóta.“
Ný og ódýrari beita væntanleg
Fleiri nýjungar eru á döfinni frá Mustad
því dótturfyrirtæki þess í Noregi, Norbait,
er að setja á markaðinn nýja gerð af
beitu sem Sigurður segir að séu viðbrögð
við háu verði á beitu á heimsmarkaði.
„Norbait hefur sett á markað nýja gerð
af beit fyrir snjókrabbagildrur, sem er
þegar uppseld út árið 2023 og á næstu
mánuðum mun fyrirtækið einnig koma
með beitu fyrir línuveiðar og mismunandi
fisktegundir. Þetta er útfærsla á beitu
sem kemur mjög vel út á línunni og ég
bind vonir við að hún verði umtalsvert
ódýrari en sú beita sem býðst í dag. Gangi
það eftir þá verður þessi nýja beita önnur
bylting frá Mustad til viðbótar við E-line
kerfið. Með sanni er því hægt að segja að
það sé mikið að gerast hjá okkur,“ segir
Sigurður.
Mustad Autoline með nýtt og
rafvætt línukerfi
 Sigurður Óli Þorleifsson stýrir starf-
semi Mustad Autoline á Íslandi.
 Uppstokkari og línuspil í nýju E-line
vörulínunni.
Veiðarfæri & veiðitækni
 Norska línuskipið Loran hefur verið með E-line kerfið frá Mustad Autoline í á
þriðja ár og er reynslan mjög góð.