Skessuhorn - 23.11.2022, Qupperneq 8

MIÐVIKUDAGUR 23. NÓVEMBER 20228
Gæðaviðmið
innleidd
GRUNDARFJ: Í vor hófst
vinna í leikskólanum Sól­
völlum í Grundarfirði við
að innleiða gæðaviðmið um
leikskólastarf en það er eins
konar uppskrift að góðu leik­
skólastarfi sem hver skóli
gerir að sínum, segir í frétt
á vef Grundarfjarðarbæjar.
Kerfisbundið eru gæðavið­
miðin innleidd með því að
þræða þau í gegnum allt
starfið. Notaðar eru m.a.
kannanir, rýni á fundum og
margt fleira til þess að finna
út hvort skólinn mæti þeim
viðmiðum sem lagt er upp
með í leikskólastarfi á Íslandi
og birtist í skólastefnu
Grundarfjarðarbæjar (frá
2014, verður endurskoðuð
2023) og í skólanámskrá
leikskólans. Leikskólinn fær
beinan stuðning frá skóla­
þjónustu Ásgarðs við að
útfæra leikskólastarfið, áætl­
anagerð, kennslu­ og stjórn­
endaráðgjöf o.fl. Samhliða
þessum umbótum og rýni
á starfinu verður sett upp
áætlun um innra mat skólans
en með innra mati er átt við
sjálfsmat stofnunar og er það
unnið af starfsfólki hennar.
Markmið innra mats er
að tryggja að starfsemi skól­
ans sé í samræmi við lög,
reglugerðir og aðalnámskrá.
Grundvallaratriði innra mats
er að það stuðli að umbótum
sem bæti skólastarfið og efli
skólaþróun. Stofnað verður
matsteymi, búin til langtíma­
áætlun og ársáætlun, lagðar
fyrir kannanir meðal starfs­
fólks og foreldra auk annarra
gagna sem munu nýtast skól­
anum við að rýna í sitt starf
og sjá hvar hann stendur
gagnvart þeim viðmiðum
sem lagt er upp með. -gbþ
Aflatölur fyrir
Vesturland
12.–18. nóvember
Tölur (í kílóum)
frá Fiskistofu
Akranes: 3 bátar.
Heildarlöndun: 935.793 kg.
Mestur afli: Hákon EA:
930.910 kg í tveimur
löndunum.
Arnarstapi
Engin löndun á tímabilinu.
Grundarfjörður: 8 bátar.
Heildarlöndun: 434.930 kg.
Mestur afli: Breki VE:
139.187 kg í einum róðri.
Ólafsvík: 10 bátar.
Heildarlöndun: 164.357 kg.
Mestur afli: Steinunn SH:
41.200 kg í þremur róðrum.
Rif: 14 bátar.
Heildarlöndun: 421.512 kg.
Mestur afli: Örvar SH:
80.196 kg í einni löndun.
Stykkishólmur: 3 bátar.
Heildarlöndun: 13.650 kg.
Mestur afli: Bára SH: 7.556
kg í fjórum löndunum.
1. Hákon EA – AKR:
663.340 kg. 12. nóvember.
2. Hákon EA – AKR:
267.570 kg. 17. nóvember.
3. Breki VE – GRU:
139.187 kg. 15. nóvember.
4. Örvar SH – RIF: 80.196
kg. 15. nóvember.
5. Tjaldur SH – RIF: 79.630
kg. 14. nóvember.
-sþ
Í vikunni sem leið færðu ellefu
kvenfélagskonur frá Kvenfélagi
Borgarness, Öldunni gjafir og áttu
góða stund með starfsfólki. Aldan
vinnustofa í Borgarnesi er vernd­
aður vinnustaður fyrir fólk með
skerta starfsgetu. Konurnar færðu
stofnuninni þyngingarsæng og sér­
stök slökunargleraugu að gjöf, en
þessi búnaður mun meðal annars
koma að góðum notum við slökun
og til að draga úr streitu og kvíða.
Fram kemur á heimasíðu Borgar­
byggðar að gjafirnar munu koma
sér vel þar sem Aldan er nýbúin að
fjárfesta í nuddstól og sett hefur
verið upp sérstakt skynörvunar­
og slökunarherbergi í nýja hús­
næði Öldunnar á Sólbakka. „Starfs­
fólk Öldunnar þakkar kvenfélaginu
kærlega fyrir gjafirnar og fyrir að
gefa sér góðan tíma til að stoppa og
spjalla við starfsfólk,“ segir í frétt á
vef Borgarbyggðar. vaks
Hrútaskrá sauðfjársæðingastöðv­
anna fyrir 2022­23 er nú komin á
vefinn og er sömuleiðis væntanleg
á prenti í vikunni. Jafnan er víða
til sveita beðið með eftirvæntingu
eftir að Hrútaskráin komi út. Þá
setjast menn yfir þetta merka rit,
spá og spekúlera og velja í fram­
haldinu hvaða sæði verður pantað
í uppáhalds ærnar til kynbóta á
stofninum.
Á vef LMR kemur fram að skráin
er 56 síður að stærð, litprentuð í
A4­broti og inniheldur upplýsingar
um 47 hrúta sem notaðir verða
til sæðinga í vetur. „Hrútakostur­
inn er að venju gríðarlega öflugur,
blanda af reynsluboltum sæðinga­
stöðvanna og yngri kappa sem hafa
nú hafið sinn fyrsta vetur á sæðinga­
stöðvunum. Þá eru aðrir valkostir
í boði, svo sem ferhyrndur hrútur
og feld­ og forystufjárhrútar.“ Rit­
stjóri skráar innar er Guðmundur
Jóhannes son en efni hennar er að
mestu tekið saman og skrifað af Árna
B. Bragasyni, Eyþóri Einarssyni
og Fanneyju Ólöfu Lárusdóttur.
Flestar ljósmyndir eru teknar af
Höllu Eygló Sveinsdóttur en auk
hennar tóku Eyþór Einarsson og
Torfi Bergsson myndir af hrútum.
Rósa Björk Jónsdóttir sá um upp­
setningu og umbrot en prentun var
í höndum Fjölritunar­ og útgáfu­
þjónustunnar í Borgarnesi. mm
Útvarp Akraness er í hugum
margra Skagamanna órjúfanlegur
hluti af jólaundirbúningnum en
útvarpað er ætíð fyrstu helgina í
aðventu. „Í ár verður útvarpað dag­
ana 25.–27. nóvember. Þetta er
í 35. skipti sem Útvarp Akraness
fer í loftið. Dagskráin verður fjöl­
breytt, fræðandi og skemmtileg og
ættu allir að finna eitthvað við sitt
hæfi. Gamlir þættir í bland við nýja.
Við verðum í loftinu á FM 95,0 og
á www.iasund.is alla helgina,“ segir
í tilkynningu.
mm
Hrútaskráin komin út
Aldan fékk góðar gjafir
Frá afhendingu gjafarinnar. Ljósm. borgarbyggd.is
Útvarp Akraness verður í loftinu um helgina
Stefnt er að því að malbika Borg­
arbraut í Borgarnesi, frá Egils­
götu og upp fyrir Borgarbraut 15,
í þessari viku ef veður leyfir. Náist
það hefst vinna við yfirborðsfrá­
gang, eins og hellulögn og kant­
steina. Vonir standa til að ná að
klára þessa vinnu sem fyrst en
ljóst er að það þurfti að endurnýja
meira af gangstéttum en gert var
ráð fyrir í upphafi.
Fram kemur á heimasíðu
Borgar byggðar að í beinu fram­
haldi hefjist vinna við að endur­
nýja lagnir og götu frá Borgar­
braut 15 upp að gatnamótum
Skallagrímsgötu. Er um að ræða
áfanga sem átti að fara í á næsta
ári miðað við upphaflega áætlun
en ákveðið var að fara í þennan
hluta núna strax til að hægt sé
að fjarlægja hjáleiðina í gegnum
Kveldúlfsvöll.
„Þegar búið verður að malbika
fyrsta hlutann verður gatan opnuð
fyrir umferð en þó þarf að aka
varlega um svæðið þar sem áfram
verður unnið að því að merkja
svæðið og huga að frágangi,“ segir
í tilkynningu á borgar byggd.is.
vaks
Gatnaframkvæmdir í gangi á Borgarbraut
Séð yfir Borgarnes. Ljósm. mm
Andrea Björnsdóttir í viðtali hjá Hlédísi Sveinsdóttur.