Skessuhorn - 23.11.2022, Síða 10

MIÐVIKUDAGUR 23. NÓVEMBER 202210
Líkt og mörg undanfarin ár verður
Lionsklúbbur Akraness með útleigu
á ljósakrossum í kirkjugarðinum í
Görðum nú í byrjun aðventunnar.
„Við verðum í garðinum á eftir­
töldum dögum: Laugardaginn 26.
nóvember kl. 11.00.­ 15.30, sunnu­
daginn 27. nóvember kl. 13.00.­
15.30 og laugardaginn 3. desember
kl. 13.00.­ 15.30,“ segir í tilkynn­
ingu frá klúbbnum.
„Við höfum lengi styrkt Heil­
brigðisstofnun Vesturlands á Akra­
nesi með tækjagjöfum og munum
við að sjálfsögðu halda því áfram.
Í fyrra afhentum við tæki að verð­
mæti 3,7 milljónir króna. Nú í ár
afhentum við Heilbrigðisstofnun
Vesturlands að gjöf færanlegt
ómskoðunartæki að verðmæti sjö
milljónir króna.“
Leiguverðið fyrir ljósakrossana
í kirkjugarðinum verður það sama
og á síðasta ári eða 8.000 krónur.
„Að venju munum við endurnýja
krossana og í ár fáum við 250 nýja
krossa. Upplýsingar um útleigu
krossanna gefa Valdimar Þorvalds­
son í síma 899­9755 og Ólafur
Grétar Ólafsson í síma 844­2362.
Einnig má panta krossa á netföngin
oligretar@aknet.is og valdith@
aknet.is Greiða má inn á reikning
0186­26­017754 kt: 530586­1469.
Ykkar stuðningur hefur gert okkur
kleift að styðja myndarlega við
bakið á Heilbrigðisstofnun Vestur­
lands á Akranesi og við Lionsmenn
þökkum kærlega fyrir myndar­
legan stuðning undanfarinna ára
og vonumst til að sá stuðningur
haldi áfram,“ segir í tilkynningu frá
Lionsklúbbi Akraness.
mm
Þriðjudaginn 15. nóvember sl. var
haldinn súpufundur fyrir atvinnu­
rekendur í Borgarbyggð. Um sjö­
tíu manns mættu til að hlýða á
örfyrirlestra og taka þátt í sam­
talinu. Tilgangur fundarins var
að auka samtal milli atvinnu­
lífs og stjórnsýslunnar. Á örfyrir­
lestrum gátu gestir fengið kynn­
ingu á tilgangi og markmiði Upp­
byggingarsjóðs Vesturlands, kynn­
ingu á nýju deiliskipulagi í Vallar­
ási ásamt fræðslu um rammasamn­
inga Ríkiskaupa. Þá fór Guðveig
L. Eyglóardóttir forseti sveitar­
stjórnar yfir framtíðarsýn sveitar­
stjórnar í atvinnumálum. Umræð­
urnar í lokin voru einnig afar líf­
legar en þá gafst fundargestum
tækifæri til að spyrja viðmælendur
og kjörna fulltrúa spjörunum úr.
Á heimasíðu Borgarbyggðar
segir að ljóst sé að fundur sem þessi
sé mjög mikilvægur fyrir atvinnu­
lífið og er fyrirhugað að halda
annan slíkan á vormánuðum. vaks
Síðastliðinn fimmtudag voru hin
árlegu umhverfisverðlaun Borg­
arbyggðar afhent við hátíðlega
athöfn í Ráðhúsi Borgarbyggðar.
Að venju var það umhverfis­ og
landbúnaðar nefnd sveitarfélags­
ins sem veitti verðlaunin og stýrðu
samkomunni þær Sigrún Ólafs­
dóttir formaður nefndarinnar og
Hrafnhildur Tryggvadóttir deildar­
stjóri umhverfis­ og framkvæmda­
mála. Auglýst var eftir tilnefningum
frá almenningi um hvaða garðar,
býli eða fyrirtæki verðskulduðu
að hljóta verðlaun fyrir árið 2022.
Nefndin safnaði saman þeim til­
nefningum sem bárust og fór í vett­
vangsferðir til að meta aðstæður.
Einnig var samfélagsviðurkenning
afhent. Verðlaunahöfum var afhent
birkiplanta frá Páli og Ritu í Greni­
gerði auk viðurkenningarskjals og
handverks úr Ljómalind.
Snyrtilegasta
bændabýlið
Gunnlaugsstaðir í Stafholtstungum
hlutu verðlaun fyrir snyrtilegasta
bændabýlið í sveitarfélaginu. Þar
eru bændur þau Þórður Einars­
son, Jórunn Guðsteinsdóttir og
Guðmundur Eggert Þórðarson.
Við verðlaununum fyrir þeirra
hönd tók Caroline Langhein. „Á
Gunnlaugsstöðum hefur mikil
uppbygging átt sér stað á liðnum
árum. Þar er nýlegt, stórglæsilegt
fjós og mikil og stöðug þróun í
uppbyggingu. Gömul hús í bland
við ný, en öllu vel við haldið. Þá
er mikil ræktun í gangi á jörðinni.
Gunnlaugsstaðir eru dæmi um
góða samvinnu milli kynslóða.
Virkilega ánægjulegt er að sjá svona
þróun í sveitum Borgarbyggðar,“
sagði í umsögn dómnefndar.
Falleg lóð við
íbúðarhúsnæði
Kjartansgata 20 í Borgarnesi hlaut
verðlaun fyrir snyrtilegasta hús og
lóð í þéttbýli. Í tilnefningu segir:
„Virkilega snyrtileg lóð sem dútlað
er við af kostgæfni. Hús og lóð eru
mjög snyrtileg, gróður vel snyrtur
og augljóst að mikil vinna er lögð í
umhirðu.“ Þar búa þau Hilmar Þór
Hákonarson og Dóróthea Elísdóttir.
Snyrtileg lóð við
atvinnuhúsnæði
Hótel Varmaland í Stafholtstungum
hlaut verðlaun sem snyrtilegasta
lóð og atvinnuhúsnæði. Í umsögn
segir m.a. að aðgengi að húsinu sé
aðlaðandi og skemmtilegt samspil
þess gamla og nýja. Einstaklega vel
heppnuð viðbygging er við húsið.
Í eldri hluta hússins var um ára­
tuga skeið rekinn húsmæðraskóli
og síðar gistiheimili og grunn­
skóli um tíma. Eftir að húsið var
selt nýjum eigendum var byggt við
það og breytt miklu innan dyra.
Loks var opnað hótel sem rekið
er allt árið. Það var Herborg Svala
Hjelm hótel stjóri sem tók við verð­
laununum.
Steinunn hlaut sam­
félagsviðurkenninguna
Samfélagsviðurkenning umhverfis­
og landbúnaðarnefndar vegna
umhverfis og landbúnaðar­
mála hlaut Steinunn Árnadóttir
í Borgar nesi. Í umsögn nefndar­
innar segir: „Dýravelferð þarf alltaf
að vera í hávegum höfð ekki síst í
stóru og öflugu landbúnaðarhéraði
eins og Borgarbyggð. Mikilvægt er
að fólk láti sig hag dýranna varða
og leggi þeirra málstað lið þegar
þurfa þykir. Það þarf kjark, þor
og þrautsegju til að standa upp og
taka afstöðu með erfiðum málum
með vindinn í fangið. Það hefur
Steinunn svo sannarlega gert þegar
um er að ræða erfið dýravelferða­
mál. Af einstakri elju hefur hún
fylgt málum eftir af eldmóði sem
eftir er tekið.“
Aðspurð sagðist Steinunn Árna­
dóttir þakklát Borgarbyggð fyrir
þann stuðning sem sveitarfélagið
hafi sýnt í því dýravelferðarmáli
sem um ræðir, jafnvel þótt bein
aðkoma sveitarfélaga sé lítil eins
og núverandi lagarammi sýni. „Það
skiptir miklu máli að við förum
að sjá breytingar þegar kemur að
viðbrögðum við því þegar grunur
leikur á um að dýravelferð sé í
ólagi. Ég lít svo á að lög um dýra­
velferð séu góð, en við þurfum ein­
faldlega að vera betri í að fylgja
þeim eftir. Hlutaðeigandi stofnanir
þurfa þar að taka sig á. Nú er nýlát­
inn Stefán Skarphéðinsson fyrrum
sýslumaður Borgfirðinga. Hann
átti drjúgan þátt í að semja þau lög
sem nú eru í gildi um dýravelferð
og finnst mér vel við hæfi að minn­
ast hans nú fyrir hans góða þátt í
því,“ sagði Steinunn í samtali við
Skessuhorn.
mm
Súpufundur í
Borgarbyggð vel sóttur
Frá súpufundinum í Borgarnesi. Ljósm. borgarbyggd.is
Ljósakrossar í kirkjugarðinn
helsta fjáröflun Lionsklúbbsins
Valdimar Þorvaldsson forseti Lionsklúbbs Akraness afhenti í síðustu viku gjafa­
bréf fyrir nýtt færanlegt ómskoðunartæki. Björn Gunnarsson svæfingalæknir á
HVE veitti gjöfinni viðtöku. Ljósm. mm
Umhverfisverðlaun Borgarbyggðar afhent
Fulltrúar verðlaunahafa. Sitjandi eru Herborg Svala Hjelm frá Hótel Varmalandi, Caroline Langhein frá Gunnlaugsstöðum
og Steinunn Árnadóttir. Á myndina vantar Hilmar og Dórótheu, eigendur Kjartansgötu 20. Fyrir aftan eru nefndarmenn og
starfsmaður hennar. F.v: Hrafnhildur Tryggvadóttir, Sigrún Ólafsdóttir, Þórður Brynjarsson, Þorsteinn Eyþórsson og Kristján
Á. Magnússon.
Gunnlaugsstaðir í Stafholtstungum. Ljósm. jþg. Hótel Varmaland. Kjartansgata 20 í Borgarnesi.