Skessuhorn - 23.11.2022, Síða 28

MIÐVIKUDAGUR 23. NÓVEMBER 202228
Vörur og þjónusta
H P Pípulagnir ehf.
Alhliða pípulagnaþjónusta
Hilmir 820-3722
Páll 699-4067
hppipulagnir@gmail.com
S
K
E
S
S
U
H
O
R
N
2
01
8
Fyrir alla vigtun
Húsarafmagn
Töflusmíði
Iðnaðarrafmagn
Bátarafmagn
Bílarafmagn
RAFMAGN
vogir@vogir.is Sími 433-2202
VOGIR
Bílavogir
Kranavogir
Skeifuvogir
Pallvogir
Aflestrarhausar
Hönnun prentgripa
& alhliða prentþjónusta
Dreifi bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
- Meirapróf - Fjarnám - Aukin ökuréttindi
Verkleg kennsla/próf; Akranes - Reykjavík,- valkvætt.
Upplýsingar á aktu.is og í síma 892-1390.
Ökuskóli allra landsmanna
GJ málun ehf
málningarþjónusta
Akravellir 12 - Hvalfj arðarsveit sími 896 2356
301 Akranes gardjons@visir.is
Garðar Jónsson
málarameistari
1990-2020 30 ár
Fréttaveita Vesturlands
www.skessuhorn.is
Nú í seinni tíð þurfa slökkvilið æ
oftar að kljást við eld sem á orsök
sín í hinum ýmsu raf­ og snjall­
tækjum á heimilum landsmanna.
Þessi tæki eru að sjálfsögðu komin
til að vera en tilkoma þeirra og
mikil notkun kallar á meiri árvekni
vegna eldhættunnar sem af þeim
stafar. Það er auðvitað fyrst og
fremst á ábyrgð fullorðinna á heim­
ilum að sjá til þess að sem minnst
hætta stafi af raf­ og snjalltækjum
en það er líka mikilvægt að þeir
ræði við þá sem yngri eru um þessa
hættu og kenni þeim að draga úr
henni. Þar skiptir mestu að standa
með öruggum hætti að hleðslu til
dæmis snjallsíma og rafhlaupahjóla.
Þessi tæki á ævinlega að hlaða og
geyma í öruggu umhverfi þar sem
síður er hætta á að eldur komi upp
eða breiðist út með tilheyrandi
tjóni og óþægindum.
Eldvarnaátakið
Slökkviliðsmenn leggja sitt af
mörkum í því að fræða börn og full­
orðna um eldhættu á heimilum og
viðbrögð við þeim. Landssamband
slökkviliðs­ og sjúkraflutninga­
manna stendur um þessar mundir
fyrir Eldvarnaátakinu sem fram fer í
grunnskólum um allt land. Við heim­
sækjum krakkana í 3. bekk, ræðum
við þá um eldvarnir og afhendum
þeim margvíslegt fræðsluefni um
þær, svo sem söguna um Loga og
Glóð og handbók Eldvarnabanda­
lagsins um eldvarnir heimilisins. Við
ætlumst til þess að börnin fari heim
með þessa nýfengnu þekkingu og
ræði eldvarnir heimilisins við for­
eldra og forráðamenn.
Eldvarnir á heimilum
Í samtölum okkar við börnin
leggjum við einkum áherslu á eftir­
farandi:
• Að í íbúðinni sé nægilegur fjöldi
reykskynjara til að tryggja að
fjölskyldan fái viðvörun ef eldur
kemur upp og tíma til að bregð­
ast við.
• Að eldvarnateppi sé á sýnilegum
stað í eldhúsi, en afar algengt er
að eldur komi upp í eldhúsum.
• Að fara alltaf varlega í umgengni
við opinn eld og raftæki.
• Að slökkvitæki sé sýnilegt við
helstu flóttaleiðir.
• Að allir á heimilinu hafi að
minnsta kosti tvær flóttaleiðir,
þekki þær og viti hvar á að safn­
ast saman utandyra ef yfirgefa
þarf heimilið.
Síðast en ekki síst er mikilvægt
að börnin þekki neyðarnúmerið,
112. Við þekkjum mörg dæmi þess
að börn hafi hjálpað með því að
hringja í 112.
Sýnum aðgát
Hér á landi farast að meðaltali um
tvær manneskjur í eldsvoðum á
ári hverju. Miklu fleiri verða fyrir
líkam legu og andlegu heilsutjóni af
völdum eldsvoða ár hvert. Hér glat­
ast auk þess að meðaltali á hverju
ári um tveir milljarðar króna í elds­
voðum. Það er því ekki að ástæðu­
lausu sem Landssamband slökkvi­
liðs­ og sjúkraflutningamanna
stendur fyrir Eldvarnaátakinu í
nóvem ber ár hvert. Átakið er mik­
ilvæg viðbót við forvarnastarf sem
unnið er á vegum Eldvarnabanda­
lagsins, slökkviliðanna, slysavarna­
deilda og fleiri árið um kring.
Með aðgát í daglegri umgengni
og nauðsynlegum eldvarnar búnaði
getum við dregið verulega úr líkum
á að eldur komi upp og valdi tjóni
á lífi og eignum. Við slökkviliðs­
menn viljum því hvetja fólk ein­
dregið til að huga að eldvörnum
heimilisins. Það er ekki síst mikil­
vægt nú í aðdraganda aðventu og
hátíðanna þegar eldhætta á heim­
ilum eykst. Förum varlega með
opinn eld, sýnum aðgát og tryggjum
að á heimilinu sé fyrir hendi allur
nauðsynlegur eldvarnabúnaður sem
gerir okkur kleift að bregðast við ef
eldur kemur upp.
Bjarni Kr Þorsteinsson
Höfundur er slökkviliðsstjóri
í Borgarbyggð
Pennagrein Pennagrein
Eflum eldvarnir á heimilum
— það er svo mikið í húfi
Af skot­
vopnaeign
landsmanna
Talið er að mikil aukning hafi orðið
á skotvopnaeign landsmanna og
er það að mínu mati slæm þróun.
Skotvopn eru svo til eingöngu
notuð til að drepa. Allskonar skot­
vopn; rifflar, skammbyssur, hagla­
byssur og jafnvel hríðskotabyssur
eru að verða algengar eignir lands­
manna. Þessi þróun er varhugaverð
og verður að stöðva.
Íslendingar hafa verið stoltir
af því að vera eina þjóðin í heim­
inum sem ekki hefur her eða her­
menn sem stjórnað er af stofnunum
stjórnvalda landsins. Við erum því
vopnlaus þjóð í þeim skilningi og
eftir því sem ég best veit eina sjálf­
stæða og fullvalda ríkið í veröldinni
sem svo er.
En hvernig á að stöðva þessa
óhugnanlegu þróun á vopnaeign
landsmanna? Það eru nokkrar
leiðir til þess. Í fyrsta lagi skal kraf­
ist þess að allir eigendur skotvopna
skuli skrá eign sína hjá löggæslu
landsmanna, sem er samkvæmt
lögum skylda að gera. Í öðru lagi
að eigendur skotvopna sem selji
vopnið tilkynni viðkomandi yfir­
völdum kaupanda þess. Í þriðja lagi
að framleiðsla á skotvopnum hér á
landi verði bönnuð.
Ég veit að þetta yrði bann á frelsi
manna til að eignast ákveðna hluti
en það er líka bann á fleiri skað­
legum efnum, þ.e. vímuefnum.
Það er engin nauðsyn að almenn­
ingur eigi skotvopn. Byssuleyfi eru
enn í fullu gildi og það eru skýr
ákvæði í lögum hverjir geta fengið
byssuleyfi og hvaða skyldur eru því
samfara. Það ætti því ekki að vera
vandi að stöðva þessa þróun.
Þar sem lögreglustjóri lands­
ins er tengdur byssusala og inn­
flytjanda skotvopna þá verður
núverandi lögreglustjóri að víkja.
Almenningur á að láta í sér heyra
þegar svona stórmál koma upp. Ef
ekki á illa að fara í náinni framtíð
þá skora ég á Alþingi að blanda sér
í þetta mál, því að hér er verið að
brjóta lög um byssuleyfi og ýmis­
legt annað tengt þessu máli.
Gæti það ekki skeð hér að bilaður
einstaklingur næði í skotvopn t.d.
hríðskotabyssu og ryki inn í skóla
eða samkomuhús og dræpi börn og
fleiri manneskjur? Þetta gerist oft
á ári erlendis, sérstaklega í Banda­
ríkunum þar sem skotvopnaeign
almennings er mest.
Hafsteinn Sigurbjörnsson