Víkurfréttir - 08.03.2023, Síða 15

„Ta k m a r k i ð
er að komast í
sterkari deild,
é g t e l m i g
hafa mögu-
leika á því ef
ég held áfram
á sömu braut
og ég hef verið
á í v e t u r,“
segir körfuknattleiksmaðurinn
Kristinn Pálsson.
Kör fuknatt le iksmaðurinn
Kristinn Pálsson frá Njarðvík, sem
síðast lék með liði Grindavíkur
áður en hann hélt á vit atvinnu-
mennskuævintýranna í Hollandi,
hefur verið að gera það gott að
undanförnu. Hann kom til Íslands
í síðustu viku til að taka þátt í und-
irbúningi landsliðsins fyrir leikina
tvo en var ekki valinn í endanlegan
hóp fyrir leikina. Honum hefur
gengið vel í atvinnumennskunni í
Hollandi á þessu tímabili.
„Liðið sem ég spila með í Hol-
landi heitir Aris Leeuwarden og er
í efstu deild sameiginlegar deildar
Hollands og Belgíu. Þessar ná-
grannaþjóðir ákváðu fyrir tveimur
árum að sameina deildirnar og
er fyrirkomulagið í raun nokkuð
flókið. Fyrst er spilað við liðin í
sama landi og fimm efstu komast
í Gulldeild og þá er spilað heima
og að heiman við liðin frá hinu
landinu. Svo er úrslitakeppni
milli liðanna frá sama landi og í
lokin úrslitakeppni allra liðanna.
Okkur var spáð í sjöunda sæti og
hefðum þá farið í Silfurdeildina en
við náðum fjórða sætinu og erum
ánægðir með það. Þessi deild er
ansi sterk, það voru fjögur lið
úr hollensku deildinni í Cham-
pions league eða Eurocup í fyrra
og fimm lið frá Belgíu, það segir
nokkuð. Belgíska deildin var metin
sterkari og það er verið að reyna
rífa þá hollensku upp með því að
sameina deildirnar. Það eru engin
takmörk á útlendingum og í mínu
liði er Ástrali, Kanadamaður og
tveir Bandaríkjamenn. Ég er eini
Evrópumaðurinn utan Hollands.
Þessi deild er sterkari en sú ís-
lenska en allt öðruvísi, hér er lítið
um að einhver einn leikmaður sé
að skora mjög mikið og menn eru
í mesta lagi að spila rúmar tuttugu
mínútur í leik og nánast rúllað á
öllum tólf leikmönnunum. Við
erum fjórir sem erum að skora í
kringum tíu stig í mínu liði, sjálfur
er ég með 11 stig og ? fráköst að
meðaltali.“
Stefnir í sterkari deild
Kristinn er vanur því að búa er-
lendis eftir að hafa farið ungur til
Ítalíu til að spila körfubolta og var
svo í þrjú ár í háskólaboltanum í
Bandaríkjunum. Hann kann vel
við sig í Leeuwarden sem er 100
þúsund manna borg en hann
stefnir hærra. „Stefnan að klára
tímabilið sterkt í Hollandi en
ef við förum alla leið þá verður
spilað fram í júní. Takmarkið er að
komast í sterkari deild, ég tel mig
hafa möguleika á því ef ég held
áfram á sömu braut og ég hef verið
á í vetur,“ sagði Kristinn að lokum.
Kristinn að gera það gott í Hollandi
Sigurbjörn Daði Dagbjartsson
sigurbjorn@vf.is
Það voru u.þ.b. 1100 ungir og efnilegir körfuknattleikskrakkar, sem
létu gamminn geysa í öllum íþróttahúsum Reykjanesbæjar um síðustu
helgi en þá var Nettómótið haldið.
„Ég held að það sé hægt að halda
því fram að mótið hafi gengið vel
og allir krakkarnir voru ánægðir
held ég og vona. Þetta mót hófst má
segja í kringum 1990, hét þá Kókó-
mjólkur-mótið, svo óx það jafnt
og þétt og breyttist í Samkaups-
mótið. Þegar Samkaup fór svo að
leggja meiri áherslu á Nettó-vöru-
merkið í kringum 2010 breyttist
nafn mótsins í Nettómótið. Það
er mikið fjör hjá krökkunum en
nokkuð stíf dagskrá er frá morgni
til kvölds, ekki bara inni á körfu-
boltavellinum. Krakkarnir fara t.d.
í sund, bíó, við komum stórum og
flottum hoppukastala fyrir í Nettó-
höllinni og ég er nokkuð viss um
að það var ekki mikið bensín eftir
á tanki krakkanna þegar lagst var
á koddann um níuleytið á kvöldin.
Þetta mót er fyrir 1.-5. bekk og allir
eru sigurvegarar. Það er oft gaman
að fylgjast með krökkunum, þau
eru mismiklir keppnismenn og
sumir segjast hafa talið stigin
og halda því fram að sitt lið hafi
unnið,“ segir Jón Ben Einarsson,
mótsstjóri Nettómótsins.
Það eru grannafélögin Keflavík
og Njarðvík sem halda mótið
sameiginlega. Jón Ben tók þátt í
stofnun félags sem heldur utan um
mótið, Karfan, hagsmunafélag en
allur ágóði rennur í unglingastarf
félaganna.
„Félögin hafa alltaf haldið þetta
mót saman en við stofnuðum sér-
stakt félag utan um mótið árið
2011, það er betra að halda utan
um það þannig. Það er mjög gaman
að taka þátt í þessu og þarna snúa
erkifjendurnir bökum saman má
segja þessa helgi. Ég vil koma á
framfæri kærum þökkum til allra
sjálfboðaliðanna sem lögðu hönd
á plóg um helgina,“ sagði Jón Ben
í lokin.
Rekstraraðilar hinna ýmsu fyrir-
tækja, bakaría, veitingastaða og
verslana njóta góðs af því þegar
þúsundir ungmenna og foreldra
mæta í Reykjanesbæ. Iðulega
var fullt úr úr dyrum á mörgum
stöðum.
1100 börn á vel heppnuðu Nettómóti í körfuknattleik
vÍkurFrÉttir á suðurNEsJuM // 15