Fréttir - Eyjafréttir - 21.09.2022, Blaðsíða 18

18 | | 21. september 2022
Hampiðjan í Vestmannaeyjum þjónar flotanum þegar kemur að veiðarfær-
um. Þar er líka öflugur hópur sem alltaf er reiðubúinn þegar á þarf að halda.
Frá vinstri: Jón Garðar Einarsson, Sigurður Sveinsson, Óskar P. Friðriksson,
Ingveldur Magnúsdóttir, Birgir Þór Bjarnason, Ingi Freyr Ágústsson
og Magnús Birgir Guðjónsson. Mynd: Halli í London.
Ísfell netagerð í Vestmannaeyjum stendur á gömlum stoðum sem er Neta-
gerð Ingólfs Theódórssonar sem var með stærstu netaverkstæðum landsins á
síðustu öld. Þar er gert við öll veiðarfæri og ný búin til. Hér er Birkir Agn-
asson, framkæmdastjóri með sínum mönnum og einum gesti. F.v. Amboz,
Jacek, Birkir, Óskar sem leit við, Tindur Snær og Björn.
Umhverfisviðurkenningar Rótarý
og Vestmannaeyjabæjar voru
afhentar mánudaginn 5. septem-
ber sl. Snyrtilegasta fyrirtækið
þetta árið er Hafnareyri ehf. sem
Trausti Hjaltason stýrir.
„Við fluttum verkstæðið okkar
í húsið fyrir tæpum þremur árum
síðan og byrjuðum á að vinna í
lóðinni og aðlaga hana að okkar
starfsemi, við útbjuggum starfs-
mannaaðstöðu og komum upp
verkstæði að innan. Vinnslustöðin
átti húsið og hafði geymt veiðar-
færi og mjöl í húsinu, þá var búið
að taka þetta sögulega hús í gegn
að utan, klæða það og skipta um
þak,“ sagði Trausti.
Hafnareyri er þjónustufyrirtæki
til sjós og lands. Hjá fyrirtæk-
inu starfa um 60 starfsmenn.
Höfuðstöðvar fyrirtækisins eru
í Fiskiveri þar sem verkstæði
fyrirtækisins er. Hafnareyri rekur
einnig löndunarþjónustu, Eyjaís,
frystigeymslu, saltfiskgeymslu og
akstursþjónustu.
„Umsvifin eru meiri og fjöl-
breyttari en margan grunar og oft
mikið fjör. Það skiptir því miklu
máli að búa vel að starfsfólki og
erum við sífellt að leita leiða til
að gera betur. Í sameiningu hefur
okkur tekist að búa starfseminni
góða umgjörð. Viðurkenningin
er allra sem hér starfa og þurfa
allir að róa í sömu átt til að hafa
snyrtilegt umhverfi, starfsfólkið á
því mikið hrós skilið. Ég verð svo
að endingu að nefna að eigendur
fyrirtækisins hafa alltaf stutt vel
við bakið á okkar hugmyndum
varðandi framkvæmdir, sem er
ekki sjálfgefið,“ voru lokaorð
Trausta.
Hafnareyri snyrtilegasta fyrirtækið 2022
Myndir: Addi í London