Fréttir - Eyjafréttir - 21.09.2022, Blaðsíða 32

32 | | 21. september 2022
Vélaverkstæðið Þór var stofn-
að þann 1. nóvember 1964 í
Vestmannaeyjum og er meðal
elstu fyrirtækja landsins sem
þjónustað hefur sjávarútveg og
fiskvinnslufyrirtæki. Fyrirtækið
er mjög vel tækjum búið og hefur
tölvustýrðum vélum fjölgað í takt
við þróunina. Meðal þeirra er
öflug vatnskurðarvél sem eykur
möguleika fyrir hinn almenna
borgara að nota þjónustuna, t.d.
við skurð á flísum og að láta útbúa
allskyns merki og skraut skorið
út úr ryðfríu stáli eða hvaða efni
sem er.
„Í dag erum við sautján starfs-
menn og stærsta verkefnið er
hrognahúsið hjá Ísfélaginu, þjón-
usta við bátana hérna í Eyjum og
svo erum við alltaf að framleiða
Sigmund sleppibúnaðinn,“ segir
Sævald Páll Hallgrímsson, fram-
kvæmdastjóri. Vélaverkstæðið Þór
er í eigu Sævalds og fjölskyldu
og fleiri.
Sigmundsbúnaðurinn
Þess má geta að Vélaverkstæðið
Þór vann að þróun björgunarbún-
aðar, Sigmunds sleppibúnaðar í
samstarfi við uppfinningamanninn
Sigmund Jóhannsson og fram-
leiðir nú allar gerðir af Sigmunds
sleppibúnaði. Kom Sigmund að
fleiri verkefnum hjá Þór sem hefur
orðið að aðlaga sig breyttum tím-
um og aðstæðum og hefur tekist
það með miklu ágætum.
„Önnur verkefni eru rennismíði
allskonar, smíði á öllum gerðum
færibanda, þvottakör og krapakör
fyrir báta og fiskvinnslu. Þór
býður upp á nýja hönnun á lestar-
böndum í skip sem gerir frágang
á fiski einfaldari og gæði fisksins
betri. Líka utanhúss klæðningar
ásamt þakkössum og öllum
gerðum flastninga. Þetta er bara
hluti af því sem við erum að gera.
Við búum að góðum tækjabúnaði
og öflugum starfsmönnum með
mikla reynslu. Þannig að okkur er
ekkert að vanbúnaði þegar kemur
að smíði úr járni, áli og blikki,“
sagði Sævald að endingu.
Vélsmiðjan Þór Nútíma fyrirtæki á traustum grunni:
Þjónustar sjávarútveg á sjó og í landi