Fréttir - Eyjafréttir - 24.02.2022, Síða 10

10 | | 24. febrúar 2022
Einar Birgir Baldursson, síðast
matgæðingur, skoraði á “ungfrú
Heimaey” eins og hann orðaði
það, Margréti Skúladóttur, til að
koma með næstu uppskrift.
• 1 laukur
• 5-7 gulrætur (þunnt skornar)
• 1 græn paprika
• 1 rauð paprika
• 1 kúrbítur (súkkíní)
• 1 brokkolíhaus
• 2 dósir niðursoðnir tómatar
(saxaðir)
• 1 lítil dós tómatpurre
• 1 stór dós kotasæla
• Lasagneblöð
• Rifinn mosarellaostur
• Basilik krydd
• Oregano krydd
• Herbamare salt (grænmetissalt)
• Olía
Aðferð:
Skera allt grænmetið niður, steikja
laukinn þar til hann verður mjúkur
og blanda svo öllu grænmetinu
saman á pönnuna og steikja í
ca. 10 mín. Hella niðursoðnu
tómötunum yfir grænmetið og
blanda tómatpurre útí. Láta malla
í aðrar 10-15mín. Krydda svo
eftir smekk með kryddunum sem
tiltekin eru hér að ofan. Hella
allri kotasæludósinni útá pönnuna,
skipta svo blöndunni í 3 hluta og
setja 1/3 á botninn á eldföstu móti
– raða svo lasagneblöðum yfir og
svo aftur 1/3 af blöndunni – raða
aftur lasagneblöðum yfir og aftur
1/3 af blöndunni.
Stilla ofninn á 180 gráður og
elda í c.a. 40-50 mín. Taka þá
lasagneað út úr ofninum og setja
rifna ostinn yfir og setja aftur í
ofninn í c.a. 10 mín.
Mjög gott að bera þetta fram með
fersku salati og hvítlauksbrauði.
Ég ætla að lokum að skora
á Magga á Felli, hann á eftir
að bjóða upp á eitthvað
skemmtilegt.
Grænmetislasagne Möggu Skúla
Margrét Skúladóttir
MATGÆÐINGURINN
Fannfergi í Vestmannaeyjum
hefur verið með því mesta sem
þekkist í upphafi árs. Því hefur
fylgt tilheyrandi ófærð og truflun
á samgöngum innanbæjar. Það
er jafnan fastur liður að snjó-
mokstur og snjóhreinsun lendi á
milli tannanna á fólki við þessar
aðstæður. Það er Vestmannaeyja-
bær sem annast snjómokstur í
Vestmannaeyjum í samstarfi við
verktaka í bænum. Við ræddum
við Ólaf Snorrason um þessi mál
en hann er framkvæmdastjóri um-
hverfis- og framkvæmdasviðs.
Ólafur segir skýra forgangsröðun
vera fyrir hendi við snjómokstur
og hann alla jafna unninn eftir
því. Stofnbrautir og fjölfarnar
safngötur njóta forgangs. Síðan
koma aðrar safngötur, en húsa-
götur eru almennt ekki ruddar fyrr
en að því loknu. Gangstéttar á
miðbæjarsvæðinu njóta forgangs
þegar gangstéttar eru ruddar, að
afloknum snjóruðningi gatna.
Gangstéttar á öðrum svæðum eru
almennt ekki ruddar fyrr en að því
loknu. Gönguleiðir á milli grunn-
skólanna og Íþróttamiðstöðvar
ganga fyrir. Aðrar gönguleiðir eru
almennt ekki ruddar.
250 þúsund á tímann
„Þetta er ótrúlegt magn sem við
höfum mokað síðustu daga. Það
hefur ekki verið mokað svona
hérna síðan 2008 en til saman-
burðar var snjómokstur síðasta
vetur nánast enginn. Eins og við
höfum verið að vinna þetta síð-
ustu daga þá eru þetta ansi margir
sem koma að snjóhreinsun. Í
Þjónustumiðstöð eru 10 starfs-
menn sem alla jafna eru allir í
þessum verkum, við höfum þar
þrjú stór moksturstæki og eitt lítið
auk snjóblásara og vörubíls. Ef
tæki og mannskapur verktaka bæt-
ist við þá eru þeir með tvær stórar
hjólaskóflur, þrjár til fjórar minni
hjólaskóflur og vörubíla, þar af
einn með snjótönn og söltunar-
græjum. Þetta eru bara þau tæki
sem eru að vinna fyrir okkur en
svo hafa fyrirtæki verið að koma
sér upp skóflum á lyftara og fleiri
tæki. Isavia er líka vel búið til að
sjá um flugvöllinn.
Hver hefur kostnaður verið við
snjómokstur síðustu ár? „Kostn-
aður er mismikill en mjög algengt
á bilinu 8-10 milljónir á ári. Ef
við erum að moka með allri þeirri
útgerð sem ég nefndi hér á undan
þá er ljóst að hver klukkutími í
mokstri kostar um 250 þúsund
krónur. Það er því ljóst að þessi
snjóþyngsli nú hafa kostað sitt.“
Fáir hafa samband
Ólafur segir ómögulegt að áætla
það magn sem er rutt á góðum
degi en segir ljóst að það sé
töluvert. Hann segir tækjakost
áhaldahússins góðan til að takast
á við svona áhlaup. „Tækjakostur
er nokkuð góður miðað við stærð
sveitarfélags ef við tökum öll
tæki með. Við erum líklega með
um 12-15 tæki úti þegar mest er.
Aðspurður um sérfræðiaðstoð á
samfélagsmiðlum segir Ólaf-
ur enga vöntun þar á. „Það er
svo merkilegt að við auglýsum
símanúmer þar sem fólki er bent
á að hafa samband við Þjónustu-
miðstöð í síma 488-2500. Þangað
berast aftur á móti mjög fáar
ábendingar. Það er meira röflað á
facebook sem er mjög erfitt fyrir
okkur að eltast við þegar allir eru
á kafi í vinnu. Þegar það er mikið
að gera er ekkert óeðlilegt að
eitthvað gleymist og þá er fínt að
fá ábendingar.“
Kerfið staðist aukið álag
Hvernig fer þetta snjómagn með
frárennsliskerfið? „Vatnið er í
raun ágætt í fráveitkerfið meðan
það er ekki of mikið. Gríðarlega
mikið álag er á kerfinu í gamla
bænum en við höfum verið að
bæta við lögnum undanfarin ár
til að reyna að koma í veg fyrir
hugsanleg tjón. Miklar rigningar
undanfarin ár er eitthvað nýtt fyrir
okkur og svokölluð 50 ára og
100 ára rigning eru orð sem við
heyrðum eiginlega aldrei en koma
sífellt oftar upp. Er þá átt við þá
rigningu sem líkleg er til að falla
einu sinni á 50 ára tímabili eða
100 ára tímabili. Það er ánægju-
legt að sjá að kerfið hefur staðið
þessar leysingar vel af sér. Það
sýnir okkur að þessar endurbætur
sem við höfum verið að gera hafa
verið að virka.“ Ólafur segir eitt
og annað gert til að koma í veg
fyrir vandamál í frárennsli. „Fyrir-
byggjandi aðgerðir eru miklar hjá
okkur og það er reglulega hreins-
að úr niðurföllum. Einu sinni á ári
hreinsum við brunna og fáum tæki
úr Reykjavík, svo erum við alltaf
að skiptum út gömlum lögnum.
Biður fólk að sýna þolinmæði
„Það er mikli reynsla hjá okkar
starfsfólki í því að þekkja þessa
helstu staði sem snjórinn hleðst
upp eftir vindáttum og jafnan er
lögð áhersla á að vinna á þeim
svæðum eins og kostur er.“ Ólafur
vildi koma þeim skilaboðum til
fólks að sýna þolinmæði við þess-
ar aðstæður. „Það er mikilvægt að
fólk sé ekki að æða út á óruddar
götur á illa búnum bílum. Það
getur valdið okkur miklum töfum
við þessar aðstæður.“
Ekki séð svona snjó síðan 2008