Feykir - 16.03.2022, Qupperneq 5

ÍÞRÓTTAFRÉTTIR F
Subway deildin | ÍR – Tindastóll 71–75
Stólarnir rifu tvö stig úr Hellinum
Lið Tindastóls vann fjórða leik
sinn í röð sl. fimmtudagskvöld
og þriðja leikinn á einni viku
þegar liðið sótti hellisbúana í
Breiðholtinu heim. Eins og
vanalega þegar lið ÍR heldur
partý þá var boðið upp á baráttu
og spennu. Tindastólsmenn
voru án Javon Bess en náðu að
negla saman þokkalegasta
varnarvegg og í sókninni steig
Taiwo upp og sýndi listir sínar.
Lokatölur voru 71-75 og
Tindastólsmenn öruggir með
sæti í úrslitakeppninni.
Jafnræði var með liðunum í
fyrsta leikhluta en Stólarnir þó
yfirleitt með örlitla forystu.
Staðan var 17-19 að honum
loknum. Fimm stig frá Taiwo
og tvö víti frá Sigga komu
Stólunum átta stigum yfir
snemma í öðrum leikhluta, 22-
30, en mestur varð munurinn
tólf stig eftir þrist frá Arnari
þegar tvær og hálf mínúta voru
til leikhlés, 25-37. Átta stigum
munaði í hálfleik, staðan 31-39.
Fyrstu fimm stig síðari hálf-
leiks voru heimamanna og
leikurinn í raun í járnum allt til
loka. Allt var jafnt, 55-55, eftir
að Pétur setti niður tvö víti
undir lok þriðja leikhluta en
það voru heimamenn sem
byrjuðu lokafjórðunginn betur,
komust fjórum stigum yfir, 61-
57, en þá tók Taiwo upp á því að
galdra fram nokkrar körfur og
kom Stólunum yfir á ný. Staðan
var 65-68 þegar fimm mínútur
voru eftir af leiknum og tókst
heimamönnum aldrei að kom-
ast yfir það sem eftir lifði. Igor
Maric jafnaði fyrir ÍR þegar
tæpar tvær mínútur voru eftir,
71-71, en Taiwo og Pétur skelltu
í eitt hollý-hú fyrir forystunni.
Í næstu sókn ÍR rændi Pétur
boltanum snyrtilega af Triston
Simpson og Arnar tryggði
síðan sigurinn með því að
pakka tveimur vítaskotum í
körfuna.
Sannarlega sætur sigur
Tindastóls og er liðið nú í sjötta
sæti Subway-deildarinnar og á
eftir að spila þrjá leiki. Næsti
leikur er gegn Keflvíkingum í
Síkinu 24. mars, síðan heim-
sækja Stólarnir flengjarana í
Þorlákshöfn og síðasta dag
marsmánaðar mætir lið Þórs
frá Akureyri í Síkið.
Taiwo Badmus gerði 27 stig
í leiknum og hirti átta fráköst,
Arnar skilaði 19 stigum, Zoran
Vrkic 12 og Siggi var með níu
stig og tíu fráköst. Þegar
tölfræði leiksins er skoðuð
kemur í ljós að ÍR hafði
naumlega betur á flestum
sviðum – nema þegar kemur að
vítaskotum. Heimamenn fengu
aðeins níu víti í leiknum (7/9) á
meðan Tindastólsmenn fengu
18 (16/18). Þetta ætti að gefa til
kynna að Stólarnir hafi spilað
vörnina vel. /ÓAB
Taiwo Badmus í baráttunni gegn liði KR á dögunum. Þessi körfuboltabisness getur
stundum verið tómt basl. MYND: HJALTI ÁRNA
1. deild kvenna í körfubolta
Þrír leikir á fjórum dögum hjá Stólastúlkum
Stólastúlkur spiluðu átjánda
leik sinn í 1. deild kvenna sl.
laugardagskvöld þegar
lærisveinkur Brynjars Karls í
Aþenu/UMFK mættu í Síkið.
Gestirnir fóru betur af stað og
leiddu með níu stigum í hálfleik
en lið Tindastóls gafst ekki upp
og náði vopnum sínum í síðari
hálfleik. Lokamínúturnar voru
æsispennandi en heimastúlkur
héldu út og unnu leikinn 68-66.
Staðan í hálfleik 26-35 fyrir
Aþenu en einhverja eldræðu
hefur Jan þjálfari þrumað yfir
sínum stúlkum í hléi því heima-
stúlkur komu ákveðnar til leiks
og hófu fljótlega að saxa á
forskot gestanna í síðari hálfleik
og skópu sigurinn með góðum
kafla snemma í fjórða leikhluta.
Maddie Sutton var atkvæðamest
að venju, gerði 30 stig og tók 22
fráköst. Eva Rún gerði 16 stig og
átti sex stoðsendingar og Ingi-
gerður gerði tíu stig.
Tap gegn liði Hamars/Þórs
Daginn eftir kom síðan lið
Hamars/Þórs í heimsókn í Síkið
og þær reyndust sterkari aðilinn,
kannski komin smá þreyta í
fætur heimastúlkna þegar leið á
leikinn. Astaja Tyghter fór
mikinn í liði gestanna, gerði 47
stig. Eftir ágæta byrjun
Stólastúlkna þá náðu gestirnir
yfirhöndinni skömmu fyrir hlé
og liði Tindastóls gekk illa að
minnka forskotið í síðari hálfleik
– eða í raun bara alls ekki.
Lokatölur 69-82.
Maddie gerði 27 stig fyrir lið
Tindastóls og tók 14 fráköst. Eva
Rún gerði 14 stig og átti fimm
stoðsendingar, Anna Karen var
með átta stig, Klara Sólveig sjö,
Ingigerður sex, Fanney María
fimm og Inga Sólveig tvö.
Síðasti leikur tímabilsins hjá
liði Tindastóls var síðan spilaður
í gærkvöld en þá var Feykir
farinn í prentun. /ÓAB
Tindastólsmenn hafa verið
duglegir að segja frá
samningum við leikmenn sem
verða með meistaraflokkum
félagsins í sumar.
Nýverið var samið við Yves
Ngassaki um að leika með
karlaliði félagsins í 4. deildinni
í sumar en hann er fæddur
1996, franskur framherji sem
hefur spilað á Englandi og í
Kanada. Þá hafa sænsku
tvíburarnir Anton og Oskar
Örth samið við Stólana en þeir
eru fæddir 1995 og hafa æft
með liði Tindastóls frá því í
byrjun febrúar. Um síðustu
helgi settu þeir Eysteinn Bessi
Sigmarsson og Spánverjinn
Juan Carlos Dominguez
Requena nöfn sín undir samn-
ing við Stólana en Domi spil-
aði með Stólunum sl. sumar.
Hjá kvennaliði Tindastóls
gerðu Aldís María Jóhanns-
dóttir og Anna Margrét
Hörpudóttir samninga við
knattspyrnudeild Tindastóls
og verða því með Stólastúlkum
í Lengjudeildinni í sumar.
Aldís María, sem er alin upp
hjá Þór Akureyri, samdi til
eins árs en Króksarinn Anna
Margrét samdi til tveggja ára.
/ÓAB
Lengjubikarinn í knattspyrnu
Bæði norðanliðin nokkuð
sátt þrátt fyrir töp
Leikið var í Lengjubikarnum í
knattspyrnu á laugardag en
fyrst voru það Stólastúlkur
sem mættu liði Selfoss og
síðan voru það kapparnir í
Kormáki Hvöt sem tókust á
við lið Hauka úr Hafnarfirði.
Bæði norðanliðin urðu að
sætta sig við naumt tap í
hörkuleikjum.
Lið Tindastóls mætti Bestu
deildar liði Selfoss í JÁVERK-
höllinni á Selfossi. Marka-
drottningin Brenna Lovera
kom liði heimastúlkna yfir
strax á 12. mínútu og reyndist
það eina mark leiksins. Feykir
náði á Bryndísi Rut, fyrirliða
Stólastúlkna, sem var nokkuð
sátt við leikinn. „Það voru
margir jákvæðir hlutir í
þessum leik, höfum verið að
lenda í smá brasi með að ná
hópnum almennilega saman
sökum Covid / meiðsla / vinnu
eða annars en í dag vorum við
með nokkuð heilt lið. Fengum
á okkur eitt mark en heilt yfir
var varnarleikurinn fínn.
Vorum óheppnar með sóknar-
leikinn, boltinn vildi ekki inn
en við fengum nokkur færi og
það er líka jákvætt. Við sjáum
árangur í okkar leik og erum
því á réttri leið á undir-
búningstímabilinu.“
Húnvetningar sprækir
í Hafnarfirði
Í Skessunni í Hafnarfirði tóku
Haukar á móti liði Kormáks/
Hvatar sem fékk slæman skell
í fyrstu umferðinni gegn liði
Njarðvíkur. Það var kraftur í
Húnvetningum og úr varð
hörkuleikur. Heimamenn
komust í 2-0 eftir 13. mínútna
leik en Akil minnkaði muninn
fyrir hlé. Ingvi Rafn jafnaði
síðan leikinn í síðari hálfleik
en Haukar gerðu sigurmarkið
á 81. mínútu.
Þá átti karlalið Tindastóls
að spila sl. sunnudag en
heimamenn í KB (Breiðholti)
báðu um frestun en þar sem
beiðni um frestun barst of
seint urðu þeir að gefa leikinn.
/ÓAB
Knattspyrnudeild Tindastóls
Leikmannamál að
skýrast hjá strákunum
Yves Ngassaki ætlar að skora fyrir
Stólana í sumar. MYND: TINDASTÓLL
Astaja fann leiðina að körfu Stólastúlkna alltof oft. MYND: HJALTI ÁRNA
11/2022 5