Feykir - 14.09.2022, Blaðsíða 10

Helga er Skagfirðingur í húð og hár
og býr á Sauðárkróki með mann-
inum sínum. Þau eiga fjögur börn,
þrjú tengdabörn og fimm
barnabörn.
Hve lengi hefur þú stundað hann-
yrðir? Mamma og föðuramma
kenndu mér fyrstu handtökin. Þá hef
ég verið 6-7 ára gömul. Fyrstu
viðfangsefnin voru áteiknaðar
strammamyndir og dúkur með
kontorsting. Í grunnskóla var mikil
og góð handavinnukennsla, bæði í
Hróarsdal, þar sem bæði strákar og
stelpur unnu jafnt að saumum og
smíðum, og svo þegar ég kom í
skólann á Króknum var mjög góð
kennsla líka. Ég hef prófað alls konar
handavinnu, t.d. macramé hnýtingar,
steinaðar myndir, keramikmálun,
postulínsmálun, perlusaum og
bucillu. Ég hef sótt námskeið og svo
nota ég internetið mikið til að læra
nýja tækni. Svo er ég í handavinnu-
hópi eldri borgara hér á Króknum og
þar hef ég lært ýmislegt af okkar
yndis-legu leiðbeinendum.
Hvaða handavinna þykir þér
skemmtilegust? Ætli það sé ekki
skemmtilegast að prjóna en það er
samt svo margt sem er skemmtilegt
eins og t.d. hekl og útsaumur sem er
næst á vinsældalistanum.
Hverju ertu að vinna að um þessar
mundir? Ég er yfirleitt með nokkur
verkefni í gangi í einu. Ég er að
sauma dúk með harðangursútsaumi,
ég er líka að prjóna borðatuskur, þær
eru svo þægilega litlar til að hafa sem
handavinnu á ferðalögum/í útilegu.
Svo eru ýmsar jólagjafir á dagskrá
sem ég get ekki sagt frá núna.
Hvar færðu hugmyndir? Ég er í
nokkrum handavinnuhópum á
Facebókinni, íslenskum, norskum
og sænskum. Svo fæ ég líka hug-
myndir frá Sigríði dóttur minni.
Hvaða handverk sem þú hefur
unnið ertu ánægðust með? Það er
brúðarsjal sem ég prjónaði fyrir
tengdadóttur mína.
Eitthvað sem þú vilt bæta við?
Handavinna veitir mér slökun og
hugarró. Svo er gaman að búa til
flíkur og hluti sem fjölskylda og
vinir vilja nota og njóta.
Helga skorar á Unni Sævarsdóttur á
Hamri, hún gerir afskaplega
fallega hluti.
,,Mamma og föðuramma
kenndu mér fyrstu handtökin,,
( HVAÐ ERTU AÐ DUNDA?) klara@nyprent.is
Helga Haraldsdóttir á Sauðárkróki
Hér er Helga í peysu sem hún prjónaði núna í sumar.
Þetta er samprjón í sænskum Facebookhópi.
Sommarkoftan 2022 uppskriftin er eftir Maju
Karlsson. AÐSENDAR MYNDIR.
Þetta er dúkur saumaður úr perlum.
Hér er einn af fjórum ömmustrákum í prjónafötum
frá toppi til táar.
Heklaður löber, sem er svo saumað út í. Á myndinni sést rétt um helmingurinn af löbernum.
Vettlingar úr jólasamprjóni 2020 í norskum
Facebookhópi. Höfundur er Jorid Linvik.
Teppi sem er sett saman út 30 prjónuðum
ferningum. Þetta er samprjón sem Handprjón í
Hafnarfirði stóð fyrir árið 2017.
Hér er brúðarsjalið sem ég prjónaði fyrir tengdadóttur mína. Uppskriftin heitir Lace capelet og er eftir Debbie
Bliss. Myndina tók Sigrún Björk Einarsdóttir, ljósmyndari og systir brúðarinnar.
10 34/2022