Árbók Reykjavíkurborgar - 01.10.1977, Page 195
185
Af fyrrgreindum ástæðum fól Skipulagsnefnd Þróunarstofnun Reykjavíkur-
borgar að endurskoða áætlun um framtíðarbyggð, og kanna möguleika á
nýjum byggðasvæðum fyrir Reykjavík. Verður nó vikið að nokkrum helztu
atriðum í hinu endurskoðaða aðalskipulagi, sem hlotið hefur samþykki
borgaryfirvald a og bíður nú staðfestingar.
Framtíðarbyggðarsvæði afmarkast af Grafarvogi að sunnan, strandlengjunni
að vestan og að norðan af lögsögumörkum við Blikastaðakró og síðan að
austanverðu af lögsögu og vatnsverndunarmörkum. Að öðru leyti vísast
til meðfylgjandi korts, B3II, og rits Þróunarstofnunnar um framtíðarbyggð
nr. II frá 1973.
Á svæðinu er tekið tillit til núverandi athafna og þeirra samþykkta,
sem þar eru bindandi til frambúðar, svo sem viðvíkjandi Rannsóknar-
stofnanirnar við Keldur og Keldnaholt, Kirkjugarða Reykjavíkur,
Áburðarverksmiðju og Korpúlfsstaði.
A. Hafnarsvæði:
Höfnin takmarkast nú af suðurströnd Grafarvogs, en með tengingu yfir
voginn. Ekki verða teknar ákvarðanir um byggingar á tengingunni fyrr
en endanlegt deiliskipulag liggur fyrir og fyrirsjáanlegt er, að byggingar-
þörf hafnarinnar verði ekki fullnægt á annan hátt.
Þó er einnig gert ráð fyrir, að mynda megi hafnarbakka með uppfyllingu
við öskuhaugana og myndi sá bakki þjóna hafnsæknum iðnaði á því svæði.
Haldið verður opnum möguleika við norð-vestur odda Geldinganess fyrir
umfangsmikla atvinnu- og flutningastarfsemi.
B. Önnur atvinnusvæði:
Gert er ráð fyrir að iðnaðarsvæði takmarkist að mestu við strandlengjuna
eins og áður var gert ráð fyrir, en önnur atvinnusvæði eru aftur á móti
tengd inn í xbúðarsvæði og á milli þeirra. Fyrir umfangsmeiri atvinnustarfsemi