Árbók Reykjavíkurborgar - 01.10.1977, Page 198
188
D. Gatnakerfi:
Þrjár tillögur hafa komið fram um legu hraðbrauta um Olfarsfellssvæðið.
Frá umferðatæknilegu sjónarmiði er hraðbraut á brú yfir Kleppsvíkina
ákjósanlegust. Á móti kemur að brúin er dýr fyrir borgina, en benda má
á arðsemi hennar fyrir borgarana, sem er á bilinu 30-5C%. Reiknað er
með að brúin komi þá fyrst þegar svæðið er að miklu leyti byggt og kemur
því ekki inn í samþykkt aðalskipulags fyrir næstu 20 árin. Þótt endanleg
ákvörðun sé ekki tekin með aðalskipulagi þessu, ber þó að gæta þess að
brúarmöguleiki þessi sé tryggður fyrir framtíðina.
E. Otivistarsvæði:
Stefnt er að myndun græns kerfis, sem leggi grundvöll að skýru og beinu
aðalgönguleiðakerfi, sem miði að því að tengja sem best öll helstu
"göngumið". Kerfið sé þannig lagað, að það afmarki íbúðahverfi á skýran
hátt og að græn svæði liggi helst að öllum hliðum hverfanna.
Helstu grænu svæðin og útivistarsvæðin eru: Grafarvogurinn að norðanverðu
og umhverfi ferskvatnstjarnar í botni hans, kirkjugarðurinn upp af
Gufunesvogi, strandlengjan við Geldinganes og Korpúlfsstaði, svo og
grænu beltin meðfram Úlfarsá. Möguleiki verður einnig á te ngingu við
Viðey með göngubrú frá Gufunesi.
F, Almenningsvagnakerfi:
1. Áhersla hefur verið lögð á að leggja til grundvallar þær megin-
reglur, sem nú eru víðast hvar stuðst við, er skipulögð eru
almenningsvagnakerfi x nýjum hverfum og er stefnt að kerfi
"umferðartenginga", sem tengist sem beinast þeim ýmsu svaéðum
sem umferð er bundin við. Jafnframt sé þess gætt, að "umferðar-
tengingar" valdi sem minnstum ókostum fyrir önnur skipulagsatriði.