Árbók Reykjavíkurborgar - 01.10.1977, Side 212

202
Stjórnin skiptir sjálf með sér verkum þannig:
Formaður, varaformaður, ritari vararitari, gjaldkeri og varagjaldkeri.
Enginn má gegna störfum formanns lengur en 2 ár í röð.
Stjórnin getur ákveðið að skipaðar skuli sérstakar nefndir til þess að
annast undir hennar stjórn framkvæmd einstakra verkefna. Skal þá stjórninni
eða einstökum stjórnarmönnum heimilt að sitja fundi slíkra nefnda.
Stjórnarfundir skulu haldnir eigi sjaldnar en ársfjórðungslega en oftar
ef tilefni er til eða stjórnarmaður æskir fundar. Alm. fundir skulu og
haldnir ef þess er óskað af einstökum sveitarfélögum innan samtakanna.
6. gr.
Eigi síðar en í nóvemþermánuði ár hvert skal stjórnin senda áætlun um
starfsemi samtakanna á næsta ári ásamt kostnaðaráætlun fyrir hvern þátt
starfseminnar til viðkomandi sveitarstjórnar.
Kostnaði við yfirstjórn samtakanna þ.e.a.s. kostnaði af alm. fundum og
stjórnarfundum, þóknun til stjórnarmanna og endurskoðenda (ef ákveðin
verður), svo og annar kostnaður vegna félagslegra samskipta samtakanna
við sveitarfélögin skal greiðast af aðilum samtakanna í hlutfalli við
íbúatölu þeirra.
Ef stjórn samtakanna, að fengnu samþykki viðkomandi sveitarstjórna,ákveður
að taka upp samstarf um einstaka málaflokka, skal gera samning hverju
sinni um fyrirkomulag starfseminnar og skiptingu kostnaðar við þann
málaflokk þar með talin framkvæmdastjórn. Aðeins skulu þau sveitarfélög
taka þátt í kostnaði við hvern málaflokk, sem samþykkja sérstaklega
slíka sérsamninga og kostnaðaráætlanir um rekstur þeirra.
Hver deild skal hafa aðgreint bókhald í reikningum samtakanna.