Ský - 01.06.2002, Side 31

má kannski segja um Jón að hann hugsar
ekki svo mikið um að haga málum sínum á
þann hátt að menn vilji skipta við hann aft-
ur. Hann er óneitanlega mjög athyglisverð
týpa. En Orca-hópurinn gekk ágætlega í
byrjun. Þetta var á vissan hátt dálítið hug-
sjónastarf sem var verið að vinna í upphafi.
Auðvitað voru kaupin góð en við sáum líka
að ef FBA hefði lent í hinum bláa armi at-
hafnalífsins, hefði verið mjög auövelt að
loka á fjármagn til okkar frjálsu aðilanna.
Þá hefðu ríkjandi blokkir getað stýrt að-
gangi að fjármagni til þeirra sem vildu kom-
ast áfram í viðskiptalífinu. Okkurfannst því
mjög mikilvægt að koma að bankanum.
FBA var líka mjög góð viðbót á fjármála-
markaðinn og þar var unnið fínt starf til að
byrja með.
Hver átti frumkvæðið að því að kalla ykkur
saman sem stóðu að Orca-hópnum? Þaö
eina sem þið áttuð sameiginlegt á þeim
tíma var ef til vill að þið voruð ekki í liði
með neinum ákveðnum. Ég held að það hafi
einmitt verið ástasðan fýrir því að við kom-
um saman að FBA. Ef ég man rétt var það
ég sem hringdi í Jón, sem ég vissi að var
nýbúinn að selja Skífuna til Norðurljósa og
átti handbært fé, og málin þróuðust svo á
þann hátt að við fengum Þorstein Má til
liðs við okkur og Eyjólfur Sveinsson kom
síðastur inn.
ÓVILD FORSÆTISRÁÐHERRA
Það varð fyrst opinbert í tengsium við kaup
Orca-hópsins í FBA að lykilmönnum innan
Sjálfstæðisflokksins er ekki beinlínis hlýtt
til Baugsmanna. Upp frá því máli má segja
að þið hafið reglulega fengið sendar piliur
úr stjórnarráðinu. Þróunin hefur verið sú
undanfarin ár að ráðandi öfl í stjórnmálalífi
landsins hafa sífellt verið að grípa meira og
meira inn í það sem er að gerast í atvinnu-
lífinu. Mér sýnist ástæðan helst vera sú að
þegar menn hafa verið tíu ár við stjórnvöl-
inn eru þeir farnir að ráða því sem þeir vilja
innan stjórnsýslunnar og vilja því seilast til
valda í atvinnulífinu líka. Það er ekki tilvilj-
un að forseti Bandaríkjanna getur aðeins
setið í átta ár.
Skotin hafa að vísu dunið á Baugi frá hægri
og vinstri. Davíð Oddssyni virðist svo sann-
arlega ekki vera hlýtt til ykkar og Össur
Skarphéðinsson hefur sett það fram svart á
hvítu hvaða hug hann ber til Baugs. Sem
sagt, formaður flokksins sem stjórnar ís-
landi og formaður stærsta stjórnarand-
stöðuflokksins. Er þetta ekki erfitt fyrir
ykkur? Jú, auðvitað var bréfið frá Össuri
með ólíkindum að vissu leyti. Það kemur í
sjálfu sér ekki á óvart að flokkar vinstra
megin við miðju hafi horn í síðunni á sterku
kapitalísku fyrirtæki. En óblíðar viðtökur
forsætisráðherra og sá háttur hans að láta
sig rök engu varða þegar hann er búinn að
bíta eitthvað í sig, er hins vegar eitthvað
sem ég skil ekki. Reyndar er ég viss um að
ef Baugur hefði þróast nákvæmlega á þann
hátt sem félagið hefur gert, nema fyrrver-
andi eigendur Hagkaups hefðu verið við
stýrið, hefði forsætisráðherra ekki sagt
múkk. Afstaða hans í okkar garð er á per-
sónulegum nótum. Við höfum aldrei farið með
okkar áætlanir og borið þær undir Davíð eða
undir Morgunblaðið. Það er mér mjög minn-
isstætt þegar Hagkaup keypti í Bónus árió
1992. var tekið fram við mig að það væri
búið að bera málið undir Styrmi Gunnarsson,
ritstjóra Morgunblaðsins. Það var sem sagt
búið aö upplýsa Moggann og fá blessun
hans.
Þegar Bónushelmingurinn keypti Hag-
kaupsfjölskylduna út úr Baugi 1998 skilst
mér að hafi verið orðið fremur stirt á milli
ykkar og Hagkaupsbræðranna. Það var
engin sérstök sátt þar á milli. Okkurgreindi
á um aðferðafræði fyrirtækisins til framtíð-
ar, stjórnendur þess og fleira. En það var
ekki úr okkar átt sem þessi óvild stafaði.
Hagkaupsfjölskyldan gerði aftur á móti
mjög góð viðskipti þegar hún seldi okkur
sinn hlut.
Maður heyrði úr fjármálalífinu að þiö væruð
brjálaðir að kaupa á þessu verði og mynduð
fara rakleiðis á hausinn innan örfárra ára.
Já, við getum að minnsta kosti sagt að ég
myndi aldrei gera svona díl í dag. Við sáum
auðvitað ákveðin tækifæri í því að það var
hægt að stjórna Hagkaup betur, sem kom
líka á daginn. Afkoman hefur stórbatnað
eftir að við tókum við. En þaó þurfti ótrú-
lega margt að ganga upp svo að þetta
slyppi fyrir horn og við vorum svo lánsöm
hjá Baugi aö það gekk eftir. Ef við skoðum
verðmatið á Baugi í dag, þá er heimarekst-
urinn ekki metinn á nálægt því sama verði
og við keyptum Hagkaupsljölskylduna út á.
Þá var sameinað félag Bónuss og Hag-
kaups metið á um sjö milljarða. Baugur er í
dag metinn á tuttugu og fimm milljarða Þar
af eigum við hlutabréf í Arcadia, sem er
auðvelt að leysa inn, fyrir rúma 20 millj-
arða. Þetta þýðir að heimareksturinn hér,
búðirnar í Svíþjóð, Færeyjum og Bandaríkj-
unum, er metinn á fimm milljarða! Núna er
auðvitað töluvert öðruvísi umhorfs á mark-
aðinum varðandi verðmat fyrirtækja en
1998, þegar bólan var að fara af stað, en
ég er þó sannfærður um að Baugur eigi
nokkuð mikið inni. Það veltur þó mikið á
því að hlutabréf í Arcadia haldi sínu striki.
Þeir Hagkaupsbræður, Sigurður Gísli og Jón
Pálmasynir, hafa lengi verið góðir og gegn-
ir Sjálfstæðismenn og meðal annars átt
sæti í fjármálaráði flokksins. Heldurðu að
megi að einhverju leyti skýra kuldann úr
stjórnarráðinu með því að þú lentir upp á
kant við þá? Ekki þeir persónulega,
kannski menn sem störfuðu nærri þeim.
Jóni fannst aldrei mikið varið í pólitíkina.
SAMHERJAR OG ÓVINIR
Það fer af þér það orð að þú sért feikilega
harður samningamaður, er það rétt? Ég vil
meina að ég sé sanngjarn. Ég hef alltaf haft
það að leiðarljósi að báðir hagnist á við-
skiptunum, annars hafa menn ekki áhuga á
að skipta við mann aftur. Það er ekki flókn-
ara en það.
Og hefur það gengið eftir, aö menn vilji
skipta við þig aftur? Já, þeir eru ekki margir
sem hafa ekki komið aftur.
Hverjir eru þínir helstu samherjar og
ráðgjafar? Það er fyrst og fremst fjölskyld-
an, pabbi og systir mín, og fólkið innan
Baugs. Við höfum gert mikið af hlutum með
Kaupþingi, en þar eru ákaflega fært fólk. Ég
held að það sé hægt að þakka það Kaup-
þingi að mjög mörg af þessum útrásarverk-
efnum Islendinga hafa orðið að veruleika.
Til dæmis Össur, Pharmaco, Bakkavör og
verkefni okkar í Baugi. Þetta eru allt mál
sem Kaupþing hefur bakkað upp. Á þeim
bæ eru það viðskiptasjónarmið og ekkert
annað sem ráða ákvörðunum. Siguröur Ein-
arsson og hans fólk hafa gert kraftaverk
fyrir íslenskt viðskiptalíf.
Hreinn Loftsson er stjórnarformaður Baugs,
en um leið einn af nánustu ráðgjöfum Dav-
íðs. í kjölfar gagnrýni forsætisráðherra á
Baug sagði Hreinn af sér formennsku í
einkavæöinganefnd. Rædduð þið Hreinn af-
sögnina áður en að henni kom? Nei, Hreinn
er þess konar maður að hann tekur sjálfur
sínar ákvarðanir. Hann er prinsippmaður en
ég fann á honum að honum líkuðu illa órök-
studd skot á Baug. Það var aldrei pressa af
minni hálfu að hann þyrfti að velja á milli
Baugs og einhvers annars. Ef einhver slík
pressa hefur verið fyrir hendi hefur hún
komið annars staðar frá.
Áttu einhvers staðar skrá með nöfnum
manna sem hafa gert á hlut þinn? Nei, nei,
ég er ekki mjög langrækinn. Ég var hins
vegar svikinn illilega í TM-málinu og það
situr í manni. Sérstaklega vegna þess að
þar áttu í hlut menn sem ég hafði treyst og
handsalað ákveðna hluti við.
JÓN ÁSGEIR SKÝ 29