Árbók Reykjavíkurborgar - 01.10.1979, Blaðsíða 206

Sérstök nefnd, skipuð af félagsmálaráðherra árið 1976, hefur
nýlega skilað tillögum um breytingar á verkaskiptingu. Nefndin
á hins vegar eftir að gera tillögur um breytingar á tekju-
stofnum sveitarfélaga í samræmi við þær breytingar á verka-
skiptingu, sem hún leggur til. Svo virðist sem ekki takist
um sinn að einfalda verkaskiptinguna að mun.
II. STJÓRNKERFI REYKJAVÍKURBORGAR
Borgarstjórn
Borgarstjórn Reykjavíkur er skipuð 15 borgarfulltrúum, sem
kjörnir eru beinni hlutbundinni kosningu til fjögurra ára i
senn.
Meginverkefni borgarstjórnar eru þessi:
1. Yfirstjórn á fjárreiðum borgarinnar.
2. Yfirstjórn verklegra framkvæmda borgarinnar.
3. Kjör borgarráðs, borgarstjóra og nefnda borgarinnar.
4. Setning reglna um stjórn borgarmálefna, meðferð tiltekinna
málefna borgarinnar, gjaldskrár borgarfyrirtækja o.s.frv.
Sveitarstjórnarkosningar voru síðast haldnar í lok maí 1978.
Borgarráð
Borgarstjórn kýs fimm borgarfulltrúa í borgarráð og jafnmarga
borgarfulltrúa til vara. Borgarstjóri á sæti í borgarráði, en
hefur ekki atkvæðisrétt þar, nema hann sé kjörinn í ráðið.
Borgarráð getur leyft, að flokkur, sem á fulltrúa í borgarstjórn,
en ekki fulltrúa í borgarráði, megi tilnefna borgarfulltrúa til
að sitja fundi borgarráðs með málfrelsi og tillögurétti. Borgar-
ráð fer ásamt borgarstjóra með framkvæmdastjórn málefna Reykja-
víkurborgar að því leyti, sem hún er ekki öðrurn fengin samkvæmt
lögum, reglugerðum eða sérstökum samþykktum borgarstjórnar.
Borgarráð tekur, samkvæmt heimild í sveitarstjórnarlögunum frá
1961, fullnaðarákvörðun um þau mál, sem til þess koma, nema um
veruleg fjárhagsatriði sé að ræða, eða málefni, þar sem ákvörðun
borgarstjórnar er sérstaklega áskilin að lögum, enda sé eigi
ágreiningur í borgarráði, né við borgarstjóra, um slíkar ákvarðanir.