Ritið : tímarit Hugvísindastofnunar - 01.05.2021, Blaðsíða 47
BERGLInD RóS MAGnÚSDóTTIR
46
með hverju nýju skrefi á ástarvettvangnum? Hvernig ber að svara skila-
boðum fyrrverandi ástmanna og núverandi vina þegar þeir voru komnir í ný
sambönd? Svör við þessum spurningum virtust nokkuð óljósar.
Sambandsleysingar og nýjar gerðir samninga
Eldri helgisiðir í tilhugalífi og samböndum höfðu útvatnast án þess að það
væri skýrt hvað kæmi í staðinn. Hver og ein þurfti að gera sinn einstaka
samning út frá sínum eigin siðferðisreglum og þörfum, yfirleitt í gegnum
rafrænt spjall áður en fólk hittist. Þær reyndu því að hafa það skýrt á sinni
heimasíðu á Tinder að hverju þær væru að leita, og hvað þær vildu alls ekki,
og sumum fannst samskiptamiðill eins og Tinder mjög hjálplegur til þess.
[…] ég held að Tinder hafi sett svona ákveðna hreinskilnispressu
á fólk og ég held að það sé bara mjög hollt fyrir alla að geta sagt,
„já, mig langar í kynlíf“, bara, „mig langar í, þú veist, einhverja
tengingu og eitthvað“, „ég er ekkert viss um að ég vilji skrifa undir
húsnæðislán með þér en tékkum á þessu“. (Þorbjörg)
Eins kom fram í gögnunum hvað eftir annað breyttist sá ásetningur sem
settur var fram í eitthvað annað og ljóst að sumir karlmenn veittu því litla
eftirtekt hvað þær skrifuðu um skilyrði og væntingar í kynningu á sjálfum
sér.
Þorbjörg er ein af þeim sem upplifði Tinder fyrst og fremst sem jákvætt
afl og ljóst að hún meðtók leikreglurnar sem umgjörð um einhvers konar
viðskipti um þarfir, þar sem aðalatriðið er að vilji beggja aðila sé skýr þegar
gengið er til samninga. Lýsingarnar virka þá eins og eins konar þarfagrein-
ing sem lögð er til grundvallar áður en fólk kynnist raunverulega í stað þess
að slíkt þróist smátt og smátt í tilhugalífinu eða í sambandi. Þegar fólk hittist
tekur við eins konar kröfulýsing. óljósir samningar gátu þýtt að kona komin
á miðjan aldur missti dýrmætan tíma í tímaþjóf sem gat reynst lítt ástar-
verðugur. Margir samningar, hvort sem konurnar lögðu mikið eða lítið í að
skilgreina þá, virtust ekki byggðir á jafn traustum grunni og ætla mætti og
þær fundu einnig hvernig þeirra eigin viðmið urðu stundum óljós:
[…] ég meina Tinder er bara eins og hver annar pöntunarlisti […]
Þú veist, það er náttúrulega bara eitthvað absúrd við það að vera að
mynda tengsl en vera á sama tíma eitthvað að fletta og sjá […] hvað
er í boði sko. Mér finnst það mjög fráhrindandi, en á sama tíma skil